تاني يوم:
ناضت دانية على صوت المنبه زي العاده ، غيرت لبسها وشربت قهوة وطلعت للمحاضرة ، بس اول ماطلعت من البوابة متع السكن لقت معاد قدامها وقاللها: صباح الخير ، كيف حالك ان شاء الله بخير؟
دانية: صباح النور ، تمام الحمدلله
معاد: ماشية المحاضرة؟
دانية: اي
معاد: خلاص نسايروا بعض معناها😅
دانية: تمام
معاد ف سره: خيرني حادف روحي عليها اناا النهارات قدري مشى ف الهوا
دانية: اما محاضرة بتحضرها ؟
معاد: محاضرة الدكتور ...
دانية: اه ، حتني نفسها
وصلوا للجامعة واول ماخشوا لقوا اهداء واحمد واقفين مع بعض
اهداء: صباح الوردد الحبايب متجمعين اليوم🤣
دانية شبحتلها شبحة متع اسكتيي
اهداء: قصدي ان حني الاربعه مع بعض اليوم
معاد: اي اي🤣
احمد: شن جوك دانية
معاد شافله وكان يلقى ينقز عليه
دانية: تمام الحمدلله ، هي بنستأذن المحاضرة بتبدا
اهداء : دانية بتحضري ... ؟
دانية: اي
احمد: حتني هي نمشي نسايرك كان هدا
معاد هني كانت نار راكبه فيه ويبي يفهم سبب شعوره هذا مع ان مافي شي بينهم
اهداء: كيف بتسايرها مش مبكري قتلي ان عندك محاضرة مع ا
احمد قاطعها وقال: لالا بنمشي هادي انتِ متلخبطه
اهداء: متلخبطه صار
( طبعا في الجامعة متاعهم حتى لو كنت مش في نفس السنة تقدر تحضر محاضرات تانية للاستفادة او لو حاب تراجع شي واخده قبل )
دانية بصوت واطي قالت لمعاد: كان ادير زي امس وتفكني منه اللصقه هذا
معاد: هي دانية تمشوا ، واحمد بعدين لحق علينا
ومشوا الزوز منغير ولا كلمة
دانية: شكرا للمرة التانيةةة😂
معاد: وحتلقيني بحداك وقت ماتبيني للمرة التانية🖤
حضروا المحاضرة الزوز والغريب انهم قعمزوا بحدا بعض ومعاد كان مركز في دانية اكتر من المحاضرة نفسها بعدها تمت المحاضرة وجا وقت الاكل .
دانية: ماشاء الله شرحه الدكتور فادني هلبا من اول محاضرة ونراجي في محاضراته الجايات
معاد: اي هلبا ماشاء الله ، في خاطره والله ماركزت ف حرف في حد يقعمز بحداك ويركز في حد غيرك
دانية: هي انا نستأذن بنمشي الحمام
معاذ: تمام وحتني خل نمشي للكافيتيريا نشوف احمد واهداء
دانية: تمام
خشت دانية للحمام وعدلت مكياجها وساوت وشاحها ولما فتحت الشنطه لقت روج بودري داكن لونه غريب وحلو وهيا يادوب مدايره ايلاينر بسيط ف قالت تحطه ينور وجهها وطلعت للكافيتيريا
________
في الكافيتيريا:
جت دانية للكافيتيريا واول ماخشت نادتها اهداء وجت لطاولتها وكانت هيا ومعاد واحمد مع بعض
اهداء: وين كنتي من بكري ندور فيك اختفيتي بعد المحاضرة
دانية: مشيت الحمام
اهداء: اها تمام
احمد: كويس شرحه الدكنور هدا ولا؟
اهداء: اي هلبا
وسط الهدرزة والضحك معاد كان ساكت ومركز في دانية واللي مدايراته في فمها وكان يلقى ينوض يمسحه بدات مع نظرات احمد وشاد روحه بالسيف
اهداء: انتو كلكم خديتوا اكل وماحسبتونيش خل انوض نجيب اكل ونجيكم
ناضت اهداء ولحقها معاد وقف قدامها وقعد يشوفلها وشكله كان واضح انه يبي يقول حاجة ومش عارفه كيف بيطلعها .
بنسبة لاحمد اول ماناض معاد قال: بنفهم شن دوته هدا شادها وراها وجايين مع بعض واضحه مرتبط بيها يا يبيها
اهداء: تجيب في دوه من راسك بطل ظلم الزوز صحاب ومابينهم شي ارحمهم عاد🤣
احمد: مش راحمهم وزابطه انتِ كان حطيت عيني على شي مش حنرتاح لين ناخده
اهداء: دانية مش جوك ولو حاولت معاها حتصدك واطيح قدرك ف خليك جابد روحك خيرلك ياجنتل مان تم يعيويني🤣؟
احمد: مش تم وبينا الايامات يعيوني كان ماخليتها هيا تجري وراي
اهداء: بشوية عليا بس تقول مقعمزة مع جستن بيبر
احمد ضحك بخبث وف خاطره توا تشوفي جستن على اصوله
نرجعوا لدانية ومعاد:
دانية: خيرك معاد تبي تقول حاجة؟
معاد: نبي نقول شي ومحرج منك لان مادخليش فيك
دانية: عادي قول مش بينا
معاد: بصراحة اللي مدايرتيه في فمك فاقع هلبا ومش متع جامعة وملفت كان تمسحيه احسن
نصدمت دانية من كلام معاد و .....
الباقي في الحلقة الجاية انتظروتا🖤.
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
