دانية: خيرك معاد تبي تقول حاجة؟
معاد: نبي نقول شي ومحرج منك لان مادخليش فيك
دانية: عادي قول مش بينا
معاد: بصراحة اللي مدايرتيه في فمك فاقع هلبا ومش متع جامعة وملفت كان تمسحيه احسن
نصدمت دانية من كلام معاد وف نفس الوقت حسّت بشعور وقالت ف سرها: شكله يغار عليا .
ومع ان دانية مش متعودة حد يعاملها هكي عقلها كان يبيها تقوله ماتدخلش في اللي مايعنيكش لكن قلبها كان فرحان ومش مصدق اللي صار وطبعآ ولأول مرة سمعت كلام قلبها🖤.
دانية: ااءءءه
معاد: عارف مش من حقي نقول اللي قلته و ..
قاطعاته دانية وقالت: لالا كلامك صح هلبا داكن غر ماعنديش كلينكس شن بندير
معاد: هاتي كراستك
مدتله دانية الكراسة وشوك منها طرف وقعد يمسحلها وهيا تشوفله ومصدومه
معاد: والله هكي احلا بهلبا
ابتسمتله دانية وكالعادة معش عرفت شن بتقول!🤣
طبعا الموقف اللي صار هذا كله من كان يتفرج عليه؟ ، احمد واهداء .
احمد كان محروق من معاد وزاد تاكد انهم مرتبطين او مستلطفين بعض
احمد: بالله تعالي بعد هذا كله وقوليلي صحاب وخوت
اهداء: باهي ياسيدي اعتبرهم مش صحاب وخوت وانتَ شن دخلك في النص خليهم في حالهم
احمد: مش مخليهم في حالهم وتوا تشوفي شن بيصير في المستقبل
اهداء: ربي يستر ويهديك ويكبر عقلك ويبعد عليك الهبال بس
احمد: اجمعين يغالية🤣🖤.
معاد: هي شن بتروحوا ولا شن بديروا؟
دانية: اي بنروح انا
احمد كان يشبح وخلاص وشاد كمية غل وحقد من معاد مش طبيعية وكان مداير خطة حتخلي معاد ينقهر ويندم على اليوم اللي جا يقرا فيه هني .
اهداء: دانية شن رايك اليوم تجيني الشقة ونطيبوا مع بعض ويجوا معاد واحمد ونتعشوا كلنا مع بعض؟
دانية: تمام نجيك مع المغرب وتوا نروح نقرا اللي خدينا قبل
اهداء: تمام ، شني شباب؟
معاد: انا ماعنديش مشكلة
احمد: حتني عادي
اهداء: خلاص اتفقنا اليوم العشرة تكونوا عندي واحمد نهارك احرف تعطل!
احمد: باهي اهدي شوية خيرك ديما والعة
اهداء: تعالي طفيني:)
احمد: توا نجيب امية نبخها عليك شوية بس
اهداء: الرومنسية↘️↘️↘️↘️
دانية ومعاد:😂😂😂😂😂
معاد: هي نستأذن انا
احمد واهداء ودانية: اذنك معاك
معاد بصوت واطي: دانية مش حتجي معاي؟
دانية: لالا حفظت الطريق بنمشي نجيب شوية كتب ناقصيني من المكتبة ونروح
معاد: تمام تبي شي كلميني
دانية: تمام وف سرها: على اساس عندي رقمه انا:)
معاد: شن تمام على اساس عندك رقمي انتِ
دانية: مه ستغربت معش عرفت شن بنقول😂😂
معاد: هاتي رقمك نشرينلك
طبعآ بالحركة اللي دارها معاد حصل رقمها وبسهولة تامة🤣🤣🤣.
روح معاد بروحه واهداء واحمد مع بعض ودانية مشت للمكتبة خدت الكتب اللي تبيهم وروحت رقدت شوية وناضت على صوت تليفونها يشرين
دانية: الو
اهداء: دانيةةة انقدينييي حايسه في المطبخ والدجاج معش عرفت كيف بنديره وقلتيلي قبل تعرفي اطيبي تعالي شوفيه بالله عليككك ، جيبي حوايجك والبسي عندي وانا نديرلك شعرك ومكياجك غر تعالي بسس
دانية: هيا هيا منال العالم جاياتك😂😂😂😂😂.
لبست دانية سبيدروها ومشت لاهداء بلبسة النوم وجابت لبسها معاها
اهداء: يااهلا بمنال العالم عالمطبخ بالله عليك طولل😭😂
دانية: هيا هيي
في وسط التطييب والحوسه كانت دانية واقفة تحرك في الشربة واهداء ادير في السلاطة وفي هدوء تام
اهداء: شنن اللي صار اليوم:)
دانية: شن اللي صار اليوم؟
اهداء: بينك وبين معاد كيف مسحلك فمك لقطته رومنسيه هلبا
دانية: لالااا بعد المحاضرة كليت كيكة ولبزت فمي وقالي ملبز وراني مكان التلبيز وانا مسحت
اهداء: قداش لينا مع بعض عيب ادسي عليا خزي عالصحبه قولي الحق
دانية: تبي الصراحة هوا مسحلي فمي لان قالي الروج داكن ومش للجامعة
اهداء: تبصرييييي وانتِ شن حسيتي ادوي ادوي
دانية: حسيت بشعور حلو وغريب هلبا اول مره نحسه
اهداء: الحب الحب
دانية: حب عينك ماعنديش في الجو هدا انا😂
اهداء: تي ماعندكش ودارلك هكي كان عندك شن بيصير:)
دانية: اسكتي وركزي في سلاطتك وخل نشوف الدجاج شن صار فيه اهي الشربة طابت
اهداء: مياميا طفي عليها ، خل نمشي نرتب الطاولة
كملوا ترتيب ولبست دانية قفطان احمر بسيط واهداء دارتلها شعرها عالجنب
طق طق
اهداء: حي اكيد معاد جا امشي افتحيله الحب الحب
دانية: اسكتي منغير عار وتقولي شي قدامه نهارك احرف
اهداء: باهي اهدي مش داويه🤣
فتحت دانية لمعاد ومقدرش يقيم عيونه من عليها🖤
دانية: تفضل نورت
معاد: بوجودك ، شكلك حلو هلبا
دانية ابتسمت
اهداء طب عليهم وقالت: بشوية عليها طول خدودها يبدوا حمر ، شن جوك معاد🤣
معاد: تمام الحمدلله😂😂
شوية وجا احمد فتحتله اهداء: نورت يافنان سنه نراجوا فيك الاكل برد
احمد: مره في حياتي اضحكيلي علاش ديما تهزبي فيا
اهداء: لانك مهزب واضحة
احمد: كف ره!
اهداء: خلاص اهدا وخش :)
خش احمد واول كلمة قالها: وانا نقول نيتي مفتوحة اليوم والحوش منور
اهداء: بنورك يغاليي
احمد: اسكتي نحكي على دانية انا ، شن الحلويات هيا؟
اهداء: اهدا واحترم نفسك حشمت البنت !
دانية كانت تشوفله وخلاص ، اما معاد ف كان كان يلقى ياكله ويفتفته
———
كلوا وكملوا ماكلتهم وناضت دانية تغسل ايديها وقعمز احمد مع معاد واهداء
احمد: نبي نقوللكم حاجة
معاد واهداء: قول
احمد: انا حاس روحي ..
اهداء كانت مصدومه وتشبحله وحست بحرقه لانها للاسف ...
معاد: ....
الباقي في الحلقة الجاية انتظرونا🖤.
أنت تقرأ
عقلي ام قلبي🖤.
Romanceقصة قصيرة بـ عنوان: (عقلي ان قلبي) . تدور احداث هذه القصة عن فتاة تبلغ الثامنة عشر من عمرها، تعيش هذه الفتاة في منزل صغير مع عائلتها، كما انها ترعرعت في قرية صغيرة، عاشت هذه الفتاة فترة مراهقتها بهذوء، لا شيء يفرحها كـ فرحتها بالذهاب لشرب القهوة بر...
