သခင်စေရာ

သခင်စေရာ အပိုင်း(၂၈)
အသက်မပြည့်သေးရင်ဒီအပိုင်းကိုတကယ်မဖတ်ပါနဲ့🔕🔕
ပြီးမှဘရက်ရ်ှတိုက်ရင်သောက်ခွက်ရိုက်မှာနော် :-)

လင်းမြတ် ဦးအိမ်ကို ဦးလာကြိုခိုင်းတဲ့ကားနှင့်လာလိုက်သည်။မေမေကတော့သားစိတ်ချမ်းသာမယ်ထင်ရင်လုပ်လို့ပဲပြောခဲ့သည်။ကျန်တာဘာမှမပြောပေ။ညီလေးနှင့်ညီမလေးကတော့ ကိုကြီးသခင်နဲ့အခုလိုပြန်ဖြစ်တာကောင်းတယ်လို့ပြောပြီး တခွီးခွီးရယ်နေကြပြန်သည်။

"ပါပါး သားသားကိုအဲ့ အာဂျူရှီးကချစ်မှာလားဟင်"

သားကသူစိမ်းနဲ့နေရသည်မို့ကြောက်နေသည့်ဟန်။မျက်လုံးကြည်တောက်တောက်လေးတွေလက်လက်ထအောင်ကြည့်ပြီးပြောနေသည်ကအူယားစရာပင်။

"ချစ်မှာပေါ့ အဲ့ဦးကသားကိုအရမ်းချစ်ပေးလိမ့်မယ် "

သူသားခေါင်းလေးကိုဖွဖွပုတ်ကာပြောလိုက်သည်။ဟုတ်ဆိုသည့်အသံလေးနှင့် ဂုတ်ကလေးပုကာ သူ့ရင်ဘတ်ထဲတိုးဝင်ပြီး အပြင်ကရှုခင်းလေးတွေကိုငေးလိုက်လာလေသည်။

ကားလေးက ဦးနှင့်သူ၏အရင်ကအိမ်လေးအတွင်းသို့ဝင်ရောက်လာလေသည်။အိမ်အကူများ ခြံစောင့်များ အလုပ်သမားတော်တော်များများက အဝင်ဝတွင်ရပ်ကာ ကြိုဆိုနေကြသည်။

"လာ ကလေး သားသားကို ကိုယ်ချီလိုက်မယ်"

အင်္ကျီအဖြူလက်ရှည်ကို ခေါက်တင်ထား၍အကြောစိမ်းစိမ်းများကပေါ်နေလေသညိ။အကောင်းစားနာရီတစ်လုံးကလည်း ဦးလက်နှင့်လိုက်ဖက်စွာရှိနေလေသည်။

"ကလေး ကလေး ကိုပြောတာကြားလား"

သူ ဦးကိုဘယ်လောက်ငေးနေမိသည်မသိ သားသားနှင့်ဦးကအပြိုင်အဆိုင်ပြူးတူးတူးလေးတွေနှင့်ကြည့်နေကြသည်။သူရှက်ရမ်းရမ်းကာ

"ကြားပါတယ် အရမ်းမအော်ပါနဲ့"

သူခပ်တည်တည်ပင်ပြောကာ ကားပေါ်မှဆင်းလာလိုက်သည်။သားကတော့ဦးလက်ထဲမှာပြုံးရွှင်လို့ပင်၊သွေးကစကားပြောသည်ဆိုလည်းမမှားပေ

"ဒါက ကျွန်တော့သားနှင့် ယောကျာ်းပါ အားလုံးကျွန်တော့်ကိုဆက်ဆံသလိုဆက်ဆံပေးပါ"