رواية عرض مجاني
البارت السادس عشر
للكاتب المصري محمد مالك
جميع الحقوق محفوظة
ويذهب هاني مسرعا الي شقة خالته ليلي حيث يجد سامح ينتظره اسفل العماره
هاني .. اتأخرت عليك ؟
سامح .. لا
هاني يري اخيه سامح بملابس البيت
هاني .. انت نزلت الشارع بالبيجامه ؟!
سامح .. اعمل ايه .. كنت لسة صاحي من النوم وخفت اغير هدومي تزوغ مني
هاني .. هي فوق ؟
سامح .. ايوا فوق
هاني .. طب يلا بينا
ويصعد سامح وهاني الي شقة خالتهم ليلي ويطرقا الباب وتفتح خالتهم فتتعجب عند رؤيتهم مع بعض مجتمعين في تلك الساعة
ليلي .. سامح !! هاني !! ازيكم يا اولاد ؟
سامح .. ازيك يا خالتي ؟
ليلي .. الحمد لله .. اتفضلوا ادخلوا
ويدخل كلاهما وعيناهم تبحث عن ريم في كل مكان داخل الشقة
ليلي .. عاملين ايه يا اولاد وامكم اخبارها ايه ؟
سامح .. الحمد لله علي كل حال .. هي فين ؟
ليلي .. هي مين ؟!
سامح .. ريم
ليلي .. ريم مين ؟!
سامح .. ريم اختي يا خالتي !!
ليلي .. ريم اختك !! وايه اللي هيجيب ريم هنا يابني ؟! هي مش في امريكا برضوا ؟!
سامح .. ريم رجعت من امريكا انهارده وجت عندنا البيت وامي بعتتها عندك هنا
ليلي .. ريم رجعت بجد ؟!
سامح .. في ايه يا خالتي انتي هتلفي وتدوري علينا ولا ايه ؟!
ليلي .. الف وادور ؟!! عيب يا سامح تكلمني بالطريقة دي !! دا انا خالتك واكبر من امك
سامح .. طب هي فين ؟!
ليلي .. هي مين ؟!
سامح .. ما قلتلك ريم ؟!
ليلي .. وايه اللي هيجيب ريم هنا بس ؟!
سامح .. انا شايفها طالعة عندك من شوية
ليلي .. لا ريم مجتش هنا
سامح .. انتي هتستهبلي يا خالتي !!
ليلي .. ولد .. احترم نفسك واتكلم بأدب
هاني .. استني انت يا سامح .. من فضلك يا خالتي خلي ريم تكلمنا
ليلي .. يابني صدقني اختك مجتش هنا خالص
سامح ..بقلك شايفها بعنيا دول وهي نازلة من التاكسي وطالعة عندك هنا !!
ليلي .. وانا بقلك مجتش هنا
سامح .. وانا مش مصدقك
ليلي .. عنك ما صدقت !! انت حر
سامح .. خلاص يبقي هفتش الشقة
ليلي .. ولد .. انت هتعمل عليا ظابط ولا ايه ؟! لم اخوك يا هاني احسنلة
سامح .. مادام مش عايزة تسلميها لنا بالذوق يبقي هقلب الشقة لحد ما الاقيها
ليلي .. امشي اطلع بره يا سامح من فضلك
سامح .. مش همشي يا خالتي قبل ما اخد الفاجره دي في ايدي
ليلي .. ايه فاجرة دي كمان ؟! احترم نفسك الالفاظ دي متتقالش هنا في بيتي وبعدين متقلش علي اختك كدا
سامح .. متقوليش اختي !! احنا اتبرينا منها خلاص .. دي انسانه ساقطه ولازم تموت
ليلي .. ايه اللي انت بتقوله دا ؟!! احترم نفسك عيب كدا
سامح .. خالتي .. فين ريم ومتخلنيش افقد اعصابي ارجوكي
ليلي .. وانا ايشعرفني هي فين ؟!!
سامح .. بقي كدا !! طب انا هقلب الشقة لحد ما الاقيها
ليلي .. خد يا ولد انت رايح فين
سامح .. دور انت في الاوضة اللي هناك دي وانا هدور هنا
ليلي .. استني عندك انت وهو محدش يتحرك من مكانه مش من حقكم تفتشوا في شقتي من غير اذني
سامح .. لا حقنا بقي .. واوعي من شي يا خالتي لأحسن وديني كلمة تانية هضربك بالنار
ليلي .. ايه !! هي حصلت ترفع مسدسك في وشي ؟! انت للدرجه دي بقيت انسان همجي يا سامح ؟!
سامح .. انتي اللي اضطرتيني اعمل كدا .. واوعي بقي خلينا ندور ع الفاجرة دي
ويبحث هاني وسامح في كل مكان في الشقة ولكن لم يعثروا علي ريم
هاني مندهشا .. ملهاش اثر !! انت متأكد انك شفتها وهي جاية علي هنا؟!
سامح .. ايوا طبعا
هاني .. اومال هي فين طيب ؟!!
سامح .. انا هتجنن !! راحت فين بنت الكلب دي انا شايفها بعيني وهي داخلة العمارة .. تكونيش خبيتيها عند حد من الجيران؟!
ليلي .. اهو عندك الجيران ادخل شققهم وفتش براحتك !!
سامح .. يلا بينا
هاني .. يلا ايه .. انت اتجننت ؟!! هندخل شقق الجيران ونفتشهم بصفة ايه ؟! وبعدين العماره فيها ٦٤ شقة .. مش معقول طبعا هندخل ونفتشهم كلهم !!
سامح .. يعني ايه طيب !! الفاجرة دي هربت من ايدينا ولا ايه ؟!
هاني .. مش عارف بصراحة !!
ونذهب الي نادر حيث يستقل سيارته ويسير في الشارع وبجواره ريم
ريم .. انا مش عرفة اشكرك ازاي يا نادر
نادر .. تشكريني علي ايه بس .. احمدي ربنا ان شقتنا فيها باب تاني وسلم من وري
ريم .. انا مش قادرة اصدق ان جه اليوم اللي اخواتي عايزين يقتلوني فيه !! دا هاني وسامح اطيب خلق الله !! ازاي اتحولوا لأشرار كدا في يوم وليلة وقلبهم بقي اسي بالشكل دا ؟!
نادر .. معلش بقي .. معذورين يا ريم
ريم .. احنا رايحين فين ؟!
نادر .. هوديكي مكان تقعدي فيه الفتره دي لحد ما نشوف الامور هترسي علي ايه ؟!
ريم .. نادر انت لسة مش مصدق اني مظلومة ؟!
نادر لا يجيب ويرد علي السؤال بسؤال اخر
نادر .. اكيد جعانه طبعا ؟!
ريم تنظر ل نادر في دهشة وتدرك انه تعمد الهروب من اجابة السؤال
ريم .. ايوا جعانه
نادر .. تمام .. تحبي تتعشي في مطعم وكدا؟
ريم .. زي ما تحب
نادر .. اوك في مطعم كويس هناك اهوه .. ننزل نتعشي فيه سوا
ريم .. ماشي
وداخل المطعم يحدث شئ صادم ؟!!
تابعوني والبارت التالي .. تحياتي ..
