رواية عرض مجاني
البارت العشرون
للكاتب المصري محمد مالك
جميع الحقوق محفوظة
ريم في شقة جمالات تتصل بأمها
ريم .. الو .. ايوا يا ماما وحشتيني اوي يا ست الكل
الام .. ازيك انتي يا ريم ؟ انتي اللي وحشتيني اوي يا بنتي .. انتي فين دلوقتي ؟
ريم .. انا قاعدة عند واحدة اسمها جمالات .. انا مرعوبة اوي يا ماما !!
الام .. مرعوبة من ايه يا بنتي ؟!
ريم .. الست اللي انا قاعدة عندها دلوقتي دي قتالة قتله وواخدة حكم اعدام كمان !!
الام .. يا ساتر يارب !! وازاي نادر يوديكي عند واحدة زي دي ويسيبك معاها لوحدك ؟!
ريم .. بيقلي ان دا أأمن مكان ممكن اقعد فيه الفتره دي لحد ما نلاقي حل للمصيبة اللي انا فيها دي
الام .. يا عيني عليكي يابنتي .. انتي اتبهدلتي اوي !!
ريم .. انا اتبهدلت اخر بهدلة يا امي .. اتبهدلت علي حاجة معملتهاش
الام .. انتي متأكدة يا بنتي انك مغلطتيش الغلطة الفظيعة دي ؟!!
ريم .. تاني يا ماما ؟! لسة بتشكي فيا ؟! اومال لو مكنتيش امي اللي مربياني وعارفة اخلاق بنتك كويس !!
الام .. طب مين دي يا اخواتي اللي في الفيديوهات دي صورة طبق الاصل منك .. نفس الشكل ونفس الصوت ؟!؟ انا هتجنن يا بنتي والله
ريم .. وانا كمان هتجنن صدقيني !! انا معرفش مين دي اصلا وجايز يكون فوتوشوب انا بسمع عن الحاجات دي كتير .. انهم يجيبوا صور ويركبوها علي اشكال معينة والبرامج اللي بتعمل الحاجات دي كتير يا امي
الام .. طب لو فرضنا ان اللي في الفيديوهات دي واحدة شبهك او فوتوشوب زي ما بتقولي .. انك بنفسك قلتيلي انك صحيتي من النوم لقيتي نفس الاشخاص اللي في الفيلم نايمين جمبك ع السرير !! دا حصل ازاي ؟!
ريم .. معرفش يا امي صدقيني .. انا طول اليوم بفكر في دا عشان اوصل لتفسير ومش لاقيه تفسير واحد لكل اللي بيحصل دا !! انا مش عرفة اعمل ايه واروح فين واجي منين .. انا بجد بفكر في الانتحار يا امي
الام .. اوعي يا ريم تعملي كدا .. متحرقيش قلبي عليكي يا بنتي .. وليه تموتي كافرة وربنا يبقي غضبان عليكي ؟!
ريم .. مش افضلي من العذاب اللي انا عايشة فيه دا !! ما انا خلاص يا امي مت بالحيا ..
الام .. خلي املك في ربنا كبير يا ريم .. ان شاء الله ربنا هيفك ضيقتك وهيظهر الحقيقة
ريم .. يعني انتي مصدقاني يا ماما ؟!
الام .. مصدقاكي يا بنتي والله وبدعيلك ربنا ينجيكي ويظهر الحق
ريم .. بابا عامل ايه دلوقتي ؟!
الام .. تعبان زي ما هو يا بنتي !!
ريم .. وهاني وهشام
الام .. تعبانين هما التانين وعايزين يسيبوا شغلهم واخوكي هاني بيته اتخرب ومراته طالبة الطلاق .. احنا في كرب شديد يا بنتي
ريم .. وطبعا مقتنعين ان انا اللي في الفيديوهات
الام .. معذورين يا ريم ..انا نفسي ساعات بقول انها انتي من الشبة الشديد اللي بينك وبينها بس قلبي دايما يقلي لا مش هي ريم متعملش كدا ابدا
ريم .. طب اجيلك واكلمهم يمكن يصدقوني؟!
الام .. اوعي تيجي هنا يا ريم .. اخواتك ناويين يقتلوكي بجد مش هزار .. خليكي عندم يا بنتي لحد ما ربك يظهر الحق
ريم .. حاضر يا امي ..
الام .. خلي بالك من نفسك يا بنتي
ريم .. حاضر يا امي متخافيش عليا
الام .. لا اله الا الله
ريم .. سيدنا محمد رسول الله
وبعد ان تغلق ريم الخط تدخل جمالات وهي تحمل صينية الطعام
جمالات .. الغدا يا حلوة
ريم .. شكرا ماليش نفس
جمالات .. نعم يا اختي !!
ريم .. لا .. انا مش عايزة قنعرة من اولها !! اهدي كدا وسمي بالله وكليلك لقمة ولا انتي عايزة تزعليني منك ؟!
ريم .. لا علي ايه .. هاكل اهوه
جمالات .. شاطرة يا قمر .. كلي يا حلوة
ريم تمد يدها الي صينية الطعام خوفا من بطش جمالات
ونذهب الي منزل والد ريم حيث تطرق الشرطة باب الشقة بطريقة مزعجة
الام .. ايوا مين ؟!
الرائد حسام .. سلاموا عليكم يا حجة
الام .. وعليكم السلام يابني .. تحت امرك
حسام .. معانا امر من النيابة بتفتيش الشقة
الام .. خير يابني .. ليه ؟؟!!
حسام .. بنتك ريم فين يا حاجة ؟!
الام .. ريم !! معرفش .. ريم مش هنا
حسام .. فتشوا الشقة
هاني يخرج من غرفته منزعجا
هاني .. في ايه يا ماما ؟! مين دول ؟!
حسام .. انا الرائد حسام ابو المجد ومعايا امر من النيابة بضبط واحضار السيدة ريم عابد سلطان
هاني .. انت بتعمل ايه يابني انت وهو .. استني عندك هنا
حسام .. قلت لحضرتك معايا امر من النيابة بتفتيش الشقة .. تطلع مين سيادتك ؟!
هاني .. انا هاني سلطان رئيس نيابة
حسام .. اهلا وسهلا يا باشا .. بس حضرتك راجل قانون ومينفعش ابدا انك تمنعني اشوف شغلي
هاني .. وريني امر التفتيش اللي معاك
حسام .. اتفضل
هاني يطلع علي امر التفتيش
هاني .. اتفضل شوف شغلك يا حضرة الظابط
وبعد التفتيش تخبره القوة بأنه لا يوجد احد بالمنزل
حسام .. اختك ريم فين يا هاني بي؟!
هاني .. اظن انك سألت السؤال دا اول ما دخلت هنا وامي قالتلك انها مجاتش هنا
حسام .. تمام .. انا اسف ع الازعاج بس ياريت لو ريم جت هنا او اتصلت بيكم تنصحوها تسلم نفسها لمديرية الامن ودا الكارت بتاعي لو فيه جديد .. سلاموا عليكم
هاني لأمه .. عجبك كدا ؟!! عجبك الفضايح دي ؟!! عشان تخبي عليا مكانها يا امي .. حرام عليكي
ونذهب الي جمالات حيث نامت ريم من شدة التعب وجمالات تتحدث الي طليق ريم المهندس احمد صابر في المحمول بصوت خافت حتي لا تسمعها ريم
جمالات .. ايوا يا باشا
احمد.. ايه الاخبار ؟
جمالات .. كله تمام .. عملت زي مت قلتلي بالظبط وهي نايمة دلوقتي
احمد .. زي الفل .. يعني ابعت الرجالة خلاص؟
جمالات .. ابعت يا باشا وبس والنبي متنساش تبعت معاهم المبلغ اللي اتفقنا عليه
احمد .. تبيعي ابوكي عشان الفلوس يا جمالات!!
جمالات .. ابويا مش هيجي اعز من شرفي ولا جوزي اللي قطعته بإيديا دول يا باشا !! سلام يا باشا...
البارت اللي جاي ناااااار يلا تفاعل ومشاركة عشان انزل بيه .. تحياتي
