رواية عرض مجاني
البارت الثاني والعشرون
للكاتب المصري محمد مالك
جميع الحقوق محفوظة
ريم لا تصدق ابدا يكاد يجن جنونها !! هل يُعقل ان نادر هو سبب ما يحدث لها ؟! ريم اصيبت بالانهيار الشديد ودموعها تكاد لا تجف وفجأة يرن نادر علي محمول ريم للأطمئنان عليها وريم تجيب وتتحدث معه بطريقة جافة
نادر .. الو .. صباح الخير ياريم .. اخبارك ايه دلوقتي ؟! نمتي كويس امبارح ؟
ريم بتعجب وعصبية شديدة .. نمت كويس !! ايوا نمت كويس وشبعت نوم كمان
نادر .. ماله صوتك ياريم ؟! انتي بتعيطي ؟!
ريم .. لا ابدا بس انا مصدومة بجد !!
نادر .. مصدومة !! مصدومة من ايه ؟! فيه حاجة جديدة حصلت امبارح ؟!
ريم .. اخر حاجة كنت اتوقعها ان انت اللي تعمل فيا كدا !! ليه يا ابن خالتي انا اذيتك في ايه لما تدمرني بالشكل دا ؟!
نادر .. ادمرك !! في ايه يا ريم انا مش فاهم حاجة ؟!
ريم .. هو انت لسه هتستعبط يا اخي ؟! ما انا خلاص عرفت كل حاجة
نادر .. عرفتي ايه بالظبط فهميني ؟!
ريم ..عرفت ان انت اقذر انسان قابلته في حياتي !! روح منك لله
ثم تغلق الخط في وجه نادر بعدها تخرج من الغرفة مسرعة الي خارج الشقة وتراها جمالات فتسألها في تعجب
جمالات .. رايحة فين يا شابة ؟!
ريم لا تجيب وتفتح باب الشقة وتجري مسرعة الي الشارع
جمالات بفرح .. مع السلامة يا شابة .. هههههه
ثم تتصل ب احمد طليق ريم
جمالات .. الو .. صباح الفل يا باشا
احمد .. صباح النور
جمالات .. كله تمام يا باشا زي ما اتفقنا
احمد .. عفارم عليكي يا جمالات .. تمام وصلني الفيديو
جمالات .. تمام يا باشا .. يعني مبسوط سعتك ؟!
احمد .. الا مبسوط يا جمالات !! اشكرك
جمالات .. لا شكر علي واجب .. انا خدامتك يا زعيم
احمد .. وهي فين دلوقتي ؟!
جمالات .. خرجت من الشقة وهي بتجري ولما سألتها رايحه فين مردتش عليا
احمد .. تمام .. المهم انتي دلوقتي عرفة هتعملي ايه ؟!
جمالات .. عرفة يا باشا
احمد .. تمام يا جمالات .. مش هوصيكي مش عايز حد يعرفك مكانك خالص
جمالات .. اطمن يا باشا ولا الدبان الازرق هيعرفلي طريق
احمد .. برافو .. مع السلامة
جمالات .. مع السلامة يا باشا
وبعد ان تغلق الخط .. جمالات تحادث نفسها قائلة
جمالات .. والله شكل الدنيا هترجع تضحكلك تاني يا بت يا جمالات
وبعد مرور ساعة من الزمن نادر يذهب الي شقة جمالات ويطرق الباب ويفتح رجل عجوز يدعي عم فاروق
فاروق .. نعم
نادر متعجبا .. مساء الخير يا حج
فاروق .. مساء النور يابني .. اي خدمة ؟
نادر .. كنت عايز الست جمالات بعد ازنك
فاروق .. جمالات مين يابني؟!
نادر .. مش دا بيت الست جمالات ابو سنه ؟!
فاروق .. لا يابني والله النمرة غلط
ثم ينوي غلق الباب في وجه نادر ونادر يمنعه
نادر .. استني يا عم الحج .. انت مين ؟!
فاروق .. وانت مالك ؟! وامشي يلا انا عايز انام
نادر .. انا مش همشي الا لما تقلي فين الست جمالات ابوسنه ؟!
فاروق .. يابني جمالات ابو سنه مين ؟!! انا لا اعرف جمالات ابوسنه ولا ابو ناب حتي
نادر .. ازاي ؟!! دا بيتها ؟!
فاروق .. بيت مين يا مجنون انت ؟! دا بيتي انا .. انا ساكن هنا من ٣٠ سنه
نادر .. مش معقول !! طب فين ريم ؟!
فاروق .. ريم !! وتطلع مين ريم دي كمان .. اها تقصد ابني كريم .. يا كريم .. يا كريم
كريم شاب طويل القامة ومفتول العضلات
كريم .. نعم يا بابا
فاروق .. شوف يابني واحد عاوزك
كريم .. انت مين يا اخ ؟!
فاروق .. دا جاي يسأل علي واحدة اسمها جمالات ابو سنه .. انت تعرفها يابني ؟!
كريم .. لا .. معرفهاش .. انت تطلع مين يا جدع انت ؟!
نادر .. انا مش قادر اصدق اللي بيحصل دا انتوا باين عليكم عصابة ؟!
كريم .. دا انت اللي شكلك بيقول انك حرامي وجاي عشان تلطش حاجة !! تعالالي هنا ياض انت ..
ونذهب الي ريم التي تجلس علي الكورنيش حزينة بائسة ترتعش مش شدة البرد وفجأة يراها هشام وهو يسير بسيارته فيتوقف بالقرب منها ويقول
هشام .. ريم !!
فيترجل عن سيارته ويُخرج مسدسه ويقترب منها في حذر شديد وكأنه صياد يريد ان يقتنص فريسته
الاحداث اشتعلت تابعوني
