رواية عرض مجاني
البارت الحادي والعشرون
للكاتب المصري محمد مالك
جميع الحقوق محفوظة
وفي الصباح تستيقظ ريم من نومها العميق لتفاجأ بشئ صادم .. تجد نفسها نائمة علي السرير وعن يمينها الرجل الزنجي الامريكي وعن يسارها الرجل الابيض الامريكي ايضا اللذان وجدتهم ايضا بجوارها اثناء ما استيقظت من نومها وهي في سقتها بامريكا .. ريم تصاب بالجنون لا تصدق ما تراه ..
تري امامها زجاجات من الخمر الفارغة وكأن المشهد الذي حدث معها في السابق يُعاد للمرة الثالثة ريم تحادث نفسها وتصرخ قائلة
ريم .. لا .. حرام اللي بيحصل دا والله !! انتوا جيتوا هنا ازاي ؟!! وازاي دا حصل ؟! انتوا عايزين مني ايه يا ولاد الكلب
ثم تضرب الزنجي بقوة حتي يستيقظ من نومه مندهشا ويقول ..
الزنجي .. what???! ماذا
ريم .. وات ايه يا ابن الكلب يا وسخ ؟! انت جيت هنا ازاي ؟!! انطق جيتوا هنا ازاي ؟! ومين اللي باعتكم ورايا؟!
الزنجي .. what ?!
ريم .. وات ايه بس الله يحرقك انت وهو ؟! انتوا عايزين مني ايه ؟! وبتعملوا كدا ازاي ؟! انا بيحصلي كدا ازاي ؟!!
ثم تضرب الرجل الابيض وتقول
ريم .. قوم يا حيوان انت التاني .. قوم الله يخرب بيوتكم
ثم تدخل جمالات فجأة
جمالات .. في ايه ؟!! مالك يا ست ريم ؟!
ريم .. ولاد الكلب دول جم هنا ازاي ؟!
جمالات .. جم هنا ازاي ؟!! هو انتي نسيتي ولا ايه يا ست الكل؟!
ثم تنظر ل زجاجات الخمرة وتكمل حديثها قائلة
جمالات .. اها .. اظاهر انك تقلتي في الشرب .. عشان كدا مش فاكره اللي حصل امبارح!!
ريم .. وايه اللي حصل امبارح ؟!
جمالات .. حصل انك باعتيني اجيبلك شوية حاجات ولما رجعت لقيت استاذ نادر ومعاه الراجلين الخواجات دول هنا في الشقة ولما شافني قالي يلا بينا يا جمالات انتي مش هتباتي في الشقة انهاردة .. قلتله ليه يا استاذ نادر ؟!! قالي عشان الست ريم عايزة تاخد راحتها وكدا .. وراح مديلي ٢٠٠٠ جنيه حته واحدة وقالي باتي في اي حته الليلة يا جمالات .. انا قلت ماشي بس الغريب انك كنتي ساكته ومبلمه وزي ما يكون سهم الله نازل عليكي وكنتي كمان بتعيطي !! ايوا كنتي بتعيطي .. هو انتي كنتي بتعيطي ليه يا شابه ؟!
ريم .. الكلام اللي انتي بتقوليه دا حصل بجد ؟!
جمالات .. ايوا وانا هكدب عليكي ليه يعني ؟! دا حتي الالفين جنيه اهم لسة مصرفتش منهم حاجة .. دا انا حتي كمان استغربت لما لقيته خاتم كل ورقة منهم بالختم بتاعه .. شوفيهم لو مش مصدقاني
ريم .. معقول نادر ورا اللي بيحصللي دا؟!! اطلعي بره
جمالات .. ايه ؟!
ريم .. بقلك خدي الحيوانات دول واطلعي برة .. بره
جمالات .. حاضر متزقيش !! يلا يا جدع انت وهو
ريم .. معقول يا نادر !! انت ورا اللي بيحصلي دا كله ؟! طب ليه ؟! انا عملتلك ايه ؟! كله عشان رفضت اتجوزك ؟! دا مش مبرر يخليك تبهدلني وتضيع سمعتي بالشكل دا !!!
الاحداث اشتعلت ولو عايزين بارت كمان يبقي تفاعل ومشاركة في ٣ مجموعات ..
#محمد_مالك
