البارت الثامن والعشرون
للكاتب المصري محمد مالك
جميع الحقوق محفوظة
ريم منزعجة بشدة .. هو في ايه ؟!! انا مش فاهمه حاجة خالص ؟!!
ثم تتصل بأمها وهي في حالة انهيار شديد يدها ترتجف بصورة واضحة جدا وترد الام في لهفة شديدة رغم انها لا تعرف تلك النمرة ولكنها شعرت ان المتصل هو ابنتها
الام .. الو
ريم .. ايوا يا ماما .. انا ريم
الام .. ريم حبيبتي .. كنت حاسة ان انتي بتتصلي .. كدا يا ريم تعملي في امك كدا ؟! كدا تسبيني اكل في نفسي من القلق عليكي ؟!
ريم .. مش وقته خالص يا ماما !! انا في مصيبة دلوقتي
الام .. مصيبة ايه تاني يا بنتي ؟! انتي فين الاول ؟!
الام .. انا قاعدة في مكان كدا .. بس مقدرش اقلك دلوقتي انا فين .. ومش دا المهم كمان .. المهم اني انا صحيت لقيت نفس الموضوع اللي حصل معايا بيتكرر تاني
الام .. يا لهوي .. فيلم تاني يا بنتي ؟!
ريم .. ايوا .. والمره دي عرفة مع مين ؟!
الام .. مع مين ؟!
ريم .. نادر ابن خالتي !
الام .. يا لهوي .. وازاي دا حصل يا بنتي ؟!
ريم .. معرفش يا امي معرفش .. انا هتجنن خلاص !!
الام .. يادي المصايب اللي بتتحدف علينا .. دا لو الموضوع دا وصل لأخواتك هتبقي مصيبة كبيرة .. دا لسة امبارح اخوكي حسام كان هيمسك في نادر وخلصت بينهم بالعافية !! طب انتي عرفتي منين الموضوع دا ؟!
ريم .. ما انا نايمه في اوضة كلها شاشات عرض .. اول ما صحيت لقيتها كلها شغالة في وقت واحد وبتعرض القرف دا !!
الام .. شاشات عرض ازاي يعني ؟! انتي قاعدة عند مين يا ريم ؟!
ريم .. عند واحدة معرفهاش .. قابلتني في الشارع وقالتلي انا اعرف حكايتك واعرف عنك كل حاجة وحبت تساعدتي فجيت معاها هنا
الام .. ودي تطلع مين دي ؟!
ريم .. معرفش .. لابسة قناع علي وشها مخبي كل ملامحه !!
الام .. ايه ؟!! وانتي ازاي تروحي مع حد متعرفهوش اي مكان كدا وخلاص ؟!!.. ما جايز تكون تبع الناس اللي هما بيؤذوكي !!
ريم .. ايه ؟! معقول ؟!
الام .. ايوا يا بنتي وبعدين انتي بتقولي انها مخبية وشها .. يبقي اكيد دي ست مجرمة ووراها مصيبة ومش عايزاكي تعرفي شكلها
ريم .. طب انا اعمل ايه بس يا ماما ؟! ما انا زي الغريق اللي بيتعلق بقشاية .. وبعدين ايه اللي جاب نادر في حاجة زي دي اصلا ؟!
الام .. اكيد فوتوشوب يا بنتي .. قصدهم يوقعوا بينك وبين ابن خالتك وبين اخواتك كمان .. يمكن عرفوا انه بيساعدك وواقف جمبك قالوا نضربهم في بعض
ريم .. السفلة ولاد الكلب .. نفسي اعرف هما مين بس ؟!
الام .. امشي يا بنتي بسرعة من المكان اللي انتي فيه دا لأحسن يكونوا ناويين يعملوا فيكي حاجة تانية
ريم .. اروح فين بس ياربي ؟!
الام .. مش عرفة اقلك ايه يا بنتي !! قلبي بيقطع عليكي والله
ريم .. خلاص يا ماما انا هتصرف .. اقفلي انتي دلوقتي
الام .. طب طمنيني يا بنتي وقليلي عملتي ايه ؟!
ريم .. حاضر
ريم تغلق الخط وفي حيرة شديدة من امرها عزمت الرحيل وترك هذا المكان بسرعة واثناء نزولها الي الطابق الاسفل رأت السيدة المقنعه التي ادعت انها ريم جالسة علي الكرسي ولا تتحرك .. ريم تنزعج وتقترب منها في حذر وتسألها في غضب واضح وشديد
ريم .. هو انتي هنا ؟!!
السيدة لا تجيب .. ريم تقترب منها اكثر وتقول
ريم .. هو ايه اللي بيحصل بالظبط ؟!! انتي اكيد معاهم !! حتي انتي كمان خدعتيني بعد ما وثقت فيكي وقلت هي دي اللي هتساعدني عشان اوصل للحقيقة .. طلعتي ابليس ملعون زيهم ! .. منك لله يا شيخة .. انتوا بتعملوا فيا ليه كدا ؟! انطقي ساكته ليه ؟! بتعذبوني ليه بالطريقة دي ؟!! انطقي
ريم تحركها فتقع السيدة علي الكرسي علي الارض فتجدها مطعونة بسكين في ظهرها وقد فارقت الحياة .. ريم ترتجف خوفا تريد ان تصرخ ولكنها لا تملك القوة علي الصراخ ...
ونذهب الي ام ريم حيث يتصل بها شخص ما
الشخص .. الو
الام .. ايوا
الشخص .. ايه .. كفاية كدا .. ولا نزود العيار كمان حبه ؟!
الام منهارة .. ارجوك .. ابوس ايدك ارحمها .. بنتي هتروح مني ..
الشخص .. اها .. بس انتي ما رحمتيش زمان لما طالبة الرحمة لبنتك دلوقتي ؟!
الام .. انا غلطانة واستاهل كل اللي يجرالي .. بس ابوس ايدك ارحم بنتي .. ولادي هيضيعوا مني وانا مش قادرة اعمل حاجة !!
ونعود ل ريم حيث تحاول ان تهدأ وتتمالك اعصابها وقررت ان ترفع القناع عن وجه تلك السيدة لكي تري وجهها وبالفعل نزعت القناع عن وجهها حتي اصابتها الصدمة الشديدة ؟؟!!
باقي من الرواية حلقتين كلهم اثارة وتشويق وفيهم هيكون حل اللغز المثير .. يلا تفاعل ومشاركة عشان انزل بيهم مرة واحدة .. تحياتي ..
