رواية عرض مجاني
البارت العاشر
للكاتب المصري محمد مالك
جميع الحقوق محفوظة
نادر .. استني يا ريم
ثم يتوجه نحوها وينظر اليها في حزن وشجن وهي ايضا تبادله نفس النظرات ثم يقول لها
نادر .. مش عارف ليه حسيت فجأة كدا ان كلامك فيه شئ من الصدق وانك ممكن تكوني بريئة !!
ريم .. انا فعلا بريئة .. وربنا وحده اللي يعلم اني انا عمري ما اعمل حاجة زي دي ابدا !! فيه حاجة غلط انا مش فاهماها يا نادر ؟! مش لاقيه تفسير للي بيحصل دا وهتجنن فعلا
نادر .. طب وانتي ناوية تعملي ايه دلوقتي ؟
ريم .. مش عرفة صدقني !! انا مش قادره افكر ولا اركز في اي حاجة مخي بقي بيفكر في ميت حاجة في وقت واحد !! انا فعلا مشتته لدرجة فظيعة
نادر .. طيب.. الاول لازم تحكيلي علي كل حاجة حصلت معاكي بالظبط وبعدين نشوف هنعمل ايه بعد كدا
ريم .. حاضر .. بس هتصدقني وهتساعدني فعلا يا نادر ؟!
نادر .. ان شاء الله
وفي المساء يذهب نادر الي احمد طليق ريم ويطرق باب الشقة
احمد متعجبا .. نادر !!
نادر .. ممكن اخد من وقتك دقيقتين يا باش مهندس ؟
احمد يصمت برهه للتفكير ثم يقول ..اتفضل
نادر .. شكرا
وبعد ان يتقدم الي الداخل وينظر بعينيه الي جميع اركان الشقة
احمد .. اتفضل يا متر .. تشرب ايه ؟
نادر يجلس علي كرسي الانتريه .. شكرا مالوش لزوم .. هما كلمتين وهمشي علطول
احمد .. ماشي ..
ثم يجلس امامه علي الكرسي المقابل
احمد .. تحت امرك اتفضل
نادر .. ممكن اعرف ايه اللي حصل بالظبط ؟!
احمد .. اللي حصل في ايه ؟!
نادر .. اللي حصل مع ريم مراتك ؟!
احمد .. تقصد طليقتي .. انا طلقتها خلاص !! وبعدين اللي حصل معاها الناس كلها بقت عرفاه .. هو انت ماشفتش الفيلم ولا ايه ؟! دا بقي تريند يا راجل !!
نادر .. لا شفته .. بس ما صدقتوش !!
احمد .. ههههه .. قصدك ايه بقي بكلمة ماصدقتوش ؟!
نادر .. يعني ما اقتنعتش ان ريم المهندسة المحترمه اللي من عيلة محترمة ممكن تعمل حاجة زي دي !!
احمد .. ازاي بقي ؟!! هو انت متعرفش شكل بنت خالتك ولا ايه ؟!
نادر .. لا اعرفه طبعا
احمد .. اومال ايه بقي ؟! ما هي اللي في الفيلم دي تبقي بنت خالتك ولا انت نظرك ضعيف يا متر ؟!
نادر .. لا انا نظري مش ضعيف .. عشان كدا انا متأكد ان اللي في الفيلم دي مش ريم بنت خالتي !!
احمد بسخرية .. اومال تبقي مين عدم لا مؤاخذة؟! بنت خالتي انا ؟! من فضلك خش في الموضوع وقلي انت جاي هنا عشان ايه بالظبط ؟!
نادر .. عايز اعرف انت طلقت ريم وطردتها من بيتك ليه ؟!
احمد .. طلقتها عشان طلعت انسانه سافلة وخاينة
نادر .. وايه دليلك ؟!
احمد بسخرية .. ليه هو الفيلم اللي هي عاملاه مش دليل ؟! دا مش برضوا يعتبر زنا يا متر والمفروض انها تتحاسب قانونا علي جريمة زي دي ؟!
نادر .. كلام مظبوط بس لما تتأكد ان اللي الفيلم دي هي مش حد غيرها !!
احمد .. ايه الهبل اللي انت بتقوله دا ؟! دي نفسها اعترفت انها صحيت من النوم لقت جنبها اتنين رجاله ع السرير اللي هما نفسهم مثلوا معاها الفيلم !! دا غير ازايز الوسكي الفاضية اللي كانت ماليه الاوضه!!
نادر .. بس كل اللي انت بتقوله دا مش دليل اثبات علي انها فعلا وقعت في جريمة الزنا وعملت فيلم زي دا ؟!
احمد .. انت بتستهبل يا جدع انت ؟! انت عايز ايه دليل اكتر من فيلم ليها واعتراف منها ان فيه شخصين كانوا بايتين في حضنها طول الليل !! ولا عشان هي بنت خالتك وجابتلكم العار كلكم مش عارف تبرأها ازاي ؟!
نادر .. بس انا حاسس انها فعلا بريئة !!
احمد .. حاسس ؟! اظن الكلمة دي ميقولهاش محامي كبير زيك وخصوصا لما تبقي الشواهد كلها بتؤكد ان بنت خالتك انسانه ساقطه !!
نادر .. من فضلك من غير تجريح!! وبعدين لنفرض انها فعلا عملت حاجة زي دي ؟! ما اظنش يعني ان عندها الجرأة اللي تخليها تعمل حاجة زي دي في بيت جوزها !!
احمد .. ما هو اللي اختشوا ماتوا بقي !!
نادر .. ع العموم انا عندي احساس كبير ان ريم مظلومة وان فيه حد ورا اللي بيحصل دا وانه قاصد يشوه سمعتها بأي حال من الاحوال !! لكن هو مين وبيعمل كدا ليه ؟! انا مش عارف !!
احمد .. طيب .. شرفت يا متر
نادر .. علي فكره المفروض انك عارف اخلاق مراتك كويس وانك تكون متأكد انها لا يمكن تعمل حاجة زي دي !! وكان الاولي انك تقف جمبها في محنتها دي بدال ما تتخلي عنها وتطلقها !! انا مستغرب موقفك دا؟!
احمد .. دا موقف اي راجل حر عنده نخوه وكرامه
نادر .. تمام ..بعتذر اذا كنت عطلتك ولا حاجة
احمد .. لا ولا يهمك .. دا بيتك يا متر
نادر .. شكرا .. بعد ازنك
وينصرف نادر ورد فعل علي وجه احمد ..
ماذا حدث بعد ذلك ؟! تابعوني والبارت التالي .. تحياتي
