رواية عرض مجاني
البارت الخامس عشر
للكاتب المصري محمد مالك
جميع الحقوق محفوظة
ونذهب الي هاني وكيل النيابة حيث يجلس في منزلة حزينا بائسا لحيته كثيفة .. يدخن السجائر بشراهه وفجأة يلمح ابنته هايدي الطالبة بالثانوية العامة ترتدي بنطلون حينز ممزق يكشف جسدها وتي شيرت كت قصير جدا حيث تنوي الذهاب الي درس فيزياء
هايدي .. عايز حاجة يا بابي ؟ انا رايحة الدرس
هاني .. روحي يا حبيبتي .. استني يا هايدي
هايدي .. نعم
هاني .. انتي رايحه فين ؟!
هايدي .. ما انا قلت لحضرتك !! اني رايحة الدرس
هاني .. درس ايه دا اللي انتي رايحاه ؟!
هايدي .. دري الفيزيا .. سنتر الاستاذ ابو الفتوح
هاني .. وانتي رايحة الدرس بمنظرك دا ؟!
هايدي .. ماله منظري ؟!
هاني .. ماله منظرك ؟! ايه الهدوم اللي انتي لابساها دي ؟!
هايدي .. هدوم عادية .. مالها مش فاهمه ؟!
هاني .. بنطلونك مقطع !!
هايدي .. لا دا مش مقطع ولا حاجة .. دي الموضة يا بابي
هاني .. موضة ايه وزفت ايه !! دا انتي رجليكي كلها باينين منه !!
هايدي .. اها .. ما هي دي الموضة
هاني .. وبعدين ايه التي شيرت دا ؟!
هايدي .. ماله دا كمان ؟!
هاني .. قصير وايديكي كلها باينه منه ؟! في ايه يا هايدي ؟! من امتي وانتي بتلبسي لبس زي دا ؟! دا مش لبس بنات محترمه يا بنتي ؟!
هايدي .. يا بابي دي الموضة
هاني .. بلا موضة بلا نيلة .. ازاي تسمحي لنفسك تخرجي الشارع بمنظرك دا ؟! وبعدين رايحة سنتر واكيد فيه شباب هناك ؟!
هايدي .. وفيها ايه يا بابا بس ؟!
هاني .. فيها ان هايدي بنتي المؤدبة المحترمه بنت الناس المحترمين مينفعش انها تخرج بمنظر زي دا ابدا !! من فضلك روحي غيري لبسك دا حالا
وتأتي الام وتدعي نيفين
نيفين .. مالكم بتزعقوا ليه ؟! في ايه يا هاني ؟!
هايدي .. بابي مش عاجبة لبسي وعايزني اغيره !!
نيفين .. ماله لبسها ؟!
هاني .. بصي شوفي بنتك لابسة ايه ؟!
نيفين .. هتكون لابسة ايه يعني ؟! هدوم خروج طبعا!!
هاني .. انا بتكلم علي شكل الهدوم اللي لابساها بنتك .. عاجبك المنظر اللي خارجة بيه دا ؟!
نيفين .. ماله منظرها .. زي القمر حبيبتي ربنا يحميها
هاني .. انتي هتجنينيني يا نيفين ؟! بنتك لابسة هدوم مقطعه وجسمها كله مكشوف!!
نيفين .. ما هي دي الموضة دلوقتي .. وصحباتها كلهم بيلبسوا اللبس دا دلوقتي
هاني .. انا ماليش دعوه بحد .. دا لبس مش محترم تماما ولا يمكن اسمح بيه ابدا .. امشي يا بنت غيري هدومك دي يا اما مفيش خروج من البيت
هايدي .. يووووه .. اف بقي .. حاضر هتنيل واغيره
هاني .. اتكلمي بأدب يا بنت !!
وبعد ان تذهب هايدي لتبديل ملابسها
نيفين .. بالراحة ع البنت شوية يا هاني لو سمحت
هاني .. انتي بقي اللي لو سمحتي تخلي بالك من بنتك شوية .. بنتك في سن خطر يا مدام ومحتاجة رقابة في كل شئ
نيفين .. انا بنتي مبتعملش حاجة غلط ومن حقها تلبس زي صحباتها هي مش اقل منهم
هاني .. وعشان متبقاش اقل منهم تلبس هدوم تكشف جسمها كله وتمشي بيها في الشارع واللي رايح واللي جاي يبص عليها .. دا غير اللي ممكن يتحرشوا بيها كمان .. زائد انها رايحة سنتر وفيه طبعا شباب مراهقة هناك !!
نيفين .. وماله ؟! اهم شئ ان بنتك محترمه وبتعرف تحافظ علي نفسها كويس
هاني .. للأسف بالمنظر اللي شفت بيه بنتك دا ميدلش علي اي احترام وارجوكي بلاش تفسدي اخلاق بنتك بحجة المودرن وان دي هي الموضة .. دي مش عادتنا ولا اخلاقنا يا نيفين
نيفين .. طب يا اخويا روح قول الكلام دا لأختك اللي فضحتكم فضيحة عالمية وخليتك قاعد في البيت زي الولايا مش قادر تواجه الناس !!
هاني يصفعها بقوة علي خدها
هاني .. اخرسي
نيفين .. بتضربني يا هاني ؟!! طيب انا سايبالك البيت وماشية
هاني .. في ستين داهيه وكلمه تانية هتكوني طالق .. انتي سامعة ؟!
نيفين .. هي حصلت ؟!! ماشي
ثم تتركه وتنصرف وفجأة يرن محمول هاني والمتصل سامح اخوه
هاني .. الو .. ايوا يا سامح
سامح .. ايوا يا هاني .. اختك رجعت مصر
هاني .. ايه !! انت بتتكلم جد ؟!
سامح .. ايوا
هاني .. وهي فين دلوقتي ؟!
سامح .. عند خالتلك ليلي .. ها .. هتيجي عشان تغسل عارك معايا ولا اقتلها انا لوحدي ؟!
هاني .. لا استناني .. دا انا اللحظة دي مستنيها من زمان .. مسافة السكة وهكون عندك
سامح .. طيب انا مستنيك تحت البيت اهوه متتأخرش .. سلام
سامح يغلق الخط ورد فعل علي وجه هاني
الاحداث اشتعلت كثيرا .. تابعوني والبارت التالي .. تحياتي ..
