أنت قدري (كاملة❤)

المقدمة ❤

#روايه_أنت_قدري ❤🌎
#للكاتبة_RAZ

* مقدمة *

لااااالااااالااااا بالله عليك خليني والله ما درت حاجة
يا #### كيف مزال قادرة تفتحي فمك بعد العار اللي درتيه
والله ما درت حاجة بالله عليك صدقني 😭

ومن هني تبدأ قصتي

اني نسليهان عمري 24 سنه نقرأ إقتصاد فكليتي و مرة نمشي و مرة لا عشان ظروفي اللي تو تعرفوها
عشت يتيمه لا ام ولا اب
في حوش صغير اني واختي سرور
و خوتي الاولاد ال4
عصبين هلبا و ما تقدريش تقولي معاهم كلمة
ماما و بابا ماتو وانا عمري 9 سنين
بسبب حريقة صارت فالمحل اللي يشتغلو فيه
انا البنت الكبيره يعني انا اللي استلمت المسؤوليه كلهااا ما ننكرش ان خوتي يساعدو فيا من ناحية المصروف و تعبو ما خلوش خدمة ما خدموهاش لكن مسؤوليتي كانت اكبر لان عندي خوتي كانو صغار و انا كبرتهم و اعتنيت بيهم في وقت انا اللي كنت محتاجة العناية و محتاجة نعيش طفولتي 💔
خوتي :
سمير : 27 سنه
سامر : 22 سنه
سرور : 20 سنه
منير : 18 سنه
زياد : 16 سنه
...
ف مكان تاني
حسام : قتلك يا راجل بتجيبلها المشاكل
صقر : تي يكر فيها قدام الناس ع خاطر درتلها الكلاكس
حسام : عارفك ناويها مش آول مرة
صقر : تي مش عادية يا راجل ما عمريش شفت بنت هكي
حسام : فوتها إشبح توا شن دارلها خوها
" طبعا هذا صقر يخدم فالشرطة وليه منصب كبير و الكل يحترمو فيه و شخصيته قوية لدرجة ان ما حد يقدر يشبح ف عينه الا صاحبه حسام اللي متعود عليه عمره 30سنة "
" حسام صاحب صقر عمره 29سنة شخصيته حلوة و ليه هيبة حتى هوا و توا تزيدو تعرفوه مع باقي الحلقات "

ما تنسوش تصوتو😢