أنت قدري (كاملة❤)

الحلقة الثانية ❤

قربت من الغرفة و سمعت سامر : باهي باهي انشالله نمشو ف أقرب وقت و ننضموا الامور .. مع السلامة
قعمزت جنبه و كان باين ع وجهه أنه في شيء صاير
سرور : من كان يكلم فيك؟
....
عند صقر
حسام: قتلك يا راجل بتجيبلها المشاكل البنت
صقر : تي يكر ففيها قدام الناس ع خاطر درتلها كلاكس
حسام : عارفك من قبل ناويها
صقر : تي مش عادية يا راجل ما عمريش شفت بنت زيها
حسام : فوتها توا اشبح خوها شن دارلها
ترن ترن ترن
طلع صقر من المقر و رد ع المكالمة
حسام : خيرك متعفلق شن في ؟
صقر : العيلة يبوني نروح
حسام : اياااه علينا تي مش بتقعد اسبوعين تانيات ياراجل
صقر : بناخد إدن و بنروح اليومين هدو
حسام : شن صار في موضوع منير و الفلوس المزورة
صقر : اهو قاعد ندورله في حاجة نشده بيها
حسام : عيل ما يبيش يبطل الخركات هدي
......
سامر : جدتك
سرور باستغراب : جدتي ؟ هوا احني عندنا جدة
سامر : اي تعيش في مدينة تانية بعيدة علينا
سرور ضحكت ب حيرة : هههه عندي جدة و انا اخر حد يعرف تي نحسابها ماتت ليها قداش
سامر : و ع اساس أنا اللي نعرف تي ماهو ما في حد يسأل علينا ولا يندري علينا انا ما لياش هلبا كيف عرفت و فضلت اني نسكت لان هكي ولا هكي مافي حد ح يدورنا زي ما لوحونا و احني صغار
سرور : قصدك عندنا عيلة و مزال حيين ؟
سامر : للأسف جدتك توفت ليها فترة و توا كلمني راجل قالي إن عندنا ورث من بابا
سرور : ما عندناش حد تاني ؟
سامر : كانوا عايشين معاها عمي و عيلته و لكن امهم كانت اجنبيه و رجعت لبلادها و سيبتهم و عمي توفى و سيب ل جدتي ولده و بنته ربتهم هيا
سرور : ليش أمهم سيبتهم
سامر : عمي كان متزوج اجنبيه و صارت مشاكل فالعيلة بينها و بين بوي هذا علاش مشت و سيبتهم و بوي كان غالط و العيلة كلها كرهاته .. فاختار إنه ينفصل عن عيلته و يعيش بعيد عليهم
سرور : باهي عمي كيف مات ؟
سامر : ما نعرفش لكن اللي نعرفه اننا حنمشو لحوش جدي غدوا ولا بعده
سرور : حقاا😮😮😮
سامر : اي هذا اللي بيصير توا عادي تخليني بروحي
سرور طلعت من الغرفة و هيا مصدومة
قصدي معقولة يطلع عندها عيلة بعد كل هالوقت اللي كان تحساب انهم ما عندهمش ولا حد يقربلهم .. باهي علاش ما حنوش عليهم حتى شويا علاش ما فكروش حتى شويا بمعاناتهم ؟

***************************€

اووف شن هذا ؟؟؟
خليني نررقد
سرور : نسليهاااان نوووضي نووضي وقت عليك الامتحان بيفوووتك
نسليهان : اوووف خليني نرقد مش ماشية ( و تفكرت اللي صار معاها امس و غمضت عيونها)
سرور : بري ديري امتحانك و خوي سامر بياخدلك إذن من الكلية لان بنمشو مكان تاني
نسليهان : كيف ؟ مكان تاني؟ وين؟
سرور : طلع عندنا عيلة و جدة يا نسليهااان 😭
طلعو مش ميتين لكن ما عدلوش علينا
نسليهان : كيف من قالك؟
حكتلها سرور القصة و هيا قاعدة مستغربة
ناضت نسليهان لبست عبايتها السوداء و وشاح ملون بالوان زاهية اللي خلت وجهها ينور حتى لو كان فيه شوية كدمات من أثار الضرب و معاها شنطة وردية و سبيدرو وردي و طالعة كيوت زي عادتها
و سرور حتى هيا وتت روحها حقا مقلتلكمش سرور قرت في معهد تمريض و توا تخدم ممرضة في عيادة ..
وتو الفطور لخوتهم و كل واحد مشي لقرايته ولا لخدمته
...
رؤى : خيررره وجهك نوستي😭💔
نسليهان حضنتها وهيا تبكي مقهورة من كثر ما انظلمت لكن صاحبتها رؤى خففت عليها و هدت لكن ما تريحتش من نظرات الناس اللي حضروا الموقف و من بينهم هداكا الشاب اللي مازال قلبه نار و يبي ينتقم منها
علي : هههه تعرف محلاه الشعور لما شفتها مهزبة
سالم : تي الجامعة كلها تحكي بيها تسخف
علي : تعالى نمشولها مانبيش نفوت الفرصة
كانت نسليهان و رؤى نقعمزين تحت شجرة و يهدرزو لما سالم و علي وقفوا قدامهم
سالم : ههههه والله درتيلنا جو يا نسليهااااان ضحكت لين كبيدتي طاااابت
علي يشوفلها ف نظرات حقد : عقبال تضحك يا سالم لما أنا نهزبها😏
نسليهان : احترم نفسك و تقبل فكرة ان اني منبيكش و نقرف منككك
علي شدها من رقبتها و دفها ع جدع الشجرة و شويا يجيه كف لين طاح لوطا و قعد يشبح فالدنيا مظلمة
صقر يشوف لنسليهان : انتي كوويسة
نسليهان هزت راسها بمعنى اي و هيا تشوفله كيف واقف ببدلته متع الشرطة و شخصيته و ريحته اللي معبية المكان😍
صقر شد علي من سوريته و اعطاه كف تاني : ياوييلك و يا سواد ليلك نشوفك تاني تقرب منها والله نردمك وانت حي ... ناض علي و سالم هربو
رؤى : الله محلاااك عن قرب 😍 ووك عليا
صقر ما عدلش عليها و تلفت لنسليهان و اعطاها ورقة : هدا رقمي لو استحقيتي اي شيء كلميني و ابعدي ع الشكلات هدي
نسليهان خدت الرقم : ش ش شكراا
رؤى : هيا هيا بيبدأ الامتحان و خشو للقاعة
....
روحت نسليهان للحوش و هيا مزال تتدكر فاللي صار و قعدت هيا و سرور يرتبو فالشناطي و الملابس لان بكرا بيمشو
عند المغرب كان كل شي جاهز تقريبا و خشو رقدوا تعبانين
« الروايه للكاتبه RAZ »
...
تاني يوم
ناضو لبسوا و جهزوا الفطور
زياد : ويين شنطتي اناااا
نسليهان: تلقاها فالدار .. منيررر تعالى افطر
سامر يشرب ف عصير : شنو كل شيء جاهز ؟
سرور : سامر احني قداش بنقعدو زي ما تعرف انا عندي خدمة و خديت اذن اسبوعين و نسليهان عندها جامعة ؟
سامر : ما نعرفش ع الوضع ما نعرفش قداش بتاخد الورثة مش تطلع وقت
سرور : اهااا ؟
بدينا نرتبو فالشناطي فالسيارة و طلعنا

****************************

عند الساعه ال9 مساءآ ...
كنت شبه راقدة لما السيارة وقفت و فتحت عيوني و انصدمت فالحووش الكبيرر و الحلو
سامر : وصلنا
نزلت و انا نتفحص فالمكان
و خوي سمير يطق ع الباب
و لما انفتح كانت في .... يتبع
.
.
.
لو كان وصلت/ي لنهاية الحلقة فضلاً و ليس أمراً أترك/ي تعليق ليا 💕 سواء كان اعجاب بالرواية أو إنتقاد نتقبل أي شيء المهم نعرف رأيكم ( مع العلم هدي أول رواية نكتبها ) و شكراً ☹💕