نسليهان مقعمزة في حضن صبحية : يعني محمد خونا ؟
صبحية : لالا مش خوكم
نسليهان ناضت من حضنها : كيف يعني مش ولدك هوا ؟
صبحية : يا بنتي خلي نحكيلك زمان لما حبيت الطاهر في المستشفى كان يجي ع خاطر امه يعاين فيها و تعرفت عليه كنت ضايعة ما نعرف حد ولا نتفكر في حد خريطة حياتي كلها فاضية قعدت قداش ف المستشفى وانا حايرة كيف ما لزونيش؟ بعدين اكتشفت انه كان يدفع ف مصاريفي كلهم و بعدين علاقتنا تطورت و طلب مني الزواج و هوا كان مطلق و عنده ولد
نسليهان : يعني محمد يكون ولد عمي الطاهر بس ؟
صبحية : اي و لكن يشهد الله انا اللي ربيته زي اوليدي ولا عمري عاملته كانه مش ولدي نحبه هلبا كانه قطعة من كبدي😢❤ تؤمني بالله يا بنتي لما شفتك حسيت بشيء غريب حسيت كاني نعرفك من زماااان عيونك مش غريبات عليا حسيت انك بنتي لكن كيف ما عرفتش
نسليهان حضنتها هيا و سرور و يبكو و سرعان ما جو الاولاد حضنوهاا الله ع القدر الله ع الزمان ما يخبي الله ع تدابير الرحمن كنا في لحظة فاقدين الامل و توا الامل يشع من عيوننا دموعنا مع انها كانت سعيدة الا انها كانت تحكي قصة معاناة قصة الم قصة ذل قصة وحدة و كسرة 💔
ماما كانت مصدومة و فرحانة الله محلاها كلمة ماما و محلى حروفها و محلا شعوري لما تطلع من فمي كانت ماما تردد ف كلمة " يا ربي شكرا ع الهدية " بوسنا راسها بلهفة سنين .. بشوق لحنان الام .. و حضن الام .. و لمسة الام
كانت من احلى ايام حياتي فرحانة ان امي بجنبي و فرحانة ان صفاء كلمتني و قالتلي ان صقر حاله تحسن هلبا و قدر يدوي و يقعمز ❤🙏
____
ثاني مشيت لصقر ف المشفى انا ماما و سرور وصفاء رفعنا سامر 💕
بس ما قدرناش نخشوله لان الدنيا كانت زحمة عنده صحابه من الضباط و الشرطة و كلهم جايين يتحمدوله ع السلامة قعدنا هلبا نراجو فيهم يروحو روحت ماما لانها تعبت من تشحيط المستشفى وروحت معاها سرور و قعدت انا و صفاء نراجوا و تسبلت لخوي انه ما نبيش نخلي صفاء بروحها
جي وقت المغرب و بدو يروحو لين كلهم روحو خشينا و من اول ما تلاقت عيني بعينه قلبي نقز من الفرحة و كل مشاعر الشوق و الحب قلتهاله بنظرة عانقته و انا ف مكاني واقفة اي عانقاته روحي و باساته و كل شيء كانت اجسامنا هامدة و ارواحنا ترقص فرح و غرام
و قطع هالمشاعر شيطان متنكر ع هيئة انسانة اي زي ما توقعتوا " مودة "
خشت بكل قلة ادب تجري و حضناته و تبوس فيه و كان وشاحها طايح و لبسها مقرف العاري اكثر من المستور كانوا عيونها حمر هلباااا و لاني كنت بريئة كنت نحسابها مثأثرة ع خاطر صقر 😏
صقر ما نطقش ب شيء و حتى تكلم فيه كانوا عيونه فيا انا و بس .. مودة حكت هلبا حاجات بدلعها و صوتها المتصنع لكن ما كانش يهمني شيء ولا شيء .. هوا و بس كان الشيء اللي يثير اهتمامي و يثير كل حواسي بمجرد قربي ليه بس ..
مودة ناضت و تلوح ف وشاح ع راسها باهمال باست صقر و كانت نظرته ليها المرة هدي غريبة هلبا و فيها شيء .. اما انا كنت بنموووووت نيراااان تشتعلل ف صدري لهييييب الغيرة بيقطعني ... طلعت و نظرات صقر الغريبة مرة ثانية تتبع فيها
صقر نطق اخيرا : كيف حالكم
ردينا و هدرزنا و كان حكينا عادي و حتى سألناه من اللي طعنه تهرب من السؤال و غير الموضوع نضت انا بنصبله امية و شفت شيء طايح ع الكرسي اللي كانت مقعمزة عليه مودة ؟
زعما شنو هذا قمته و وريته ل صفاء : شوفي لقيته ف مكان مودة ؟
صقر كان بجنبي جبده من ايدي و هوا مصدوم و يقول ف كلام مش مفهوم فتح تليفونه و بعت رسالة ل شخص و كانت ملامحة قاسية و اول مرة نشوفه هكي
جي سامر روح بينا و الموضوع ما يخلاش من نظرات صفاء و سامر كنت زابطة الموضوع بس سكتت مش عارفة هل انا تحشمت من خوي ولا شن بالزبط لكن كان الموضوع مش هامني
روحت لقيت ماما تطيب الله قداش حلو ريحته بروحها تشبع😋 كلينا و قعدنا نتعاركوا ع من يرقد جنب ماما لكن انا ل كسبت بعد ما نزلوا دموعي و رقدت بين ايديها نومة ولا عمري حسيتها نضت الصبح ع صوت نعرفه اصبروا اصبروا هذا صوت صقر والله .. نضت زي المخلوعة طلعت للصالون و لقيته مقعمز بطنه كلها ملفوفة و علي وجهه علامات القلق شعره طول و لحيته طويلة نازلة ع فمه عيونه دابلات زادوا من جادبيته ❤ لابس ساعة و جاكيت كاجوال و سروال بيج شخصيته هزتني هزت كياني اللي ما عمره فكر فالحب حتى و هوا مريض و تعبان انيق و ليه هيبة تخليك حتى لو تقعدي عمرك كله تشوفيله ما تشبعيش 😍❤
مشيت غيرت ملابسي و طلعت سلمت عليه و كانوا خوتي و صفاء مقعمزين معاه و رن تليفونه و واضح انه في موضوع مهم وقف بصعوبة و طلع برا
ماقدرتش نسأله علاش جيت و كيف خلوك تطلع وانت مازال ما تحسنتش كويس
فجأة طلع و قال عندي شغل ضروري
مشيت دورت ع ماما و سرور لقيتهم ف المطبخ و يضحكوا انظميت ليهم نهدرزوا و دكريات نحكوا فيها ل ماما ❤
دارت ماما الغدي محاشي و رز مسقي و تغدينا لاول مرة بعد سنين ملتمين حتى الاكل كان ليه طعمة تجننننن كليت لين قلت ياسر و بطني وجعتني لذيذ لذيذ 🤤
مع المغرب جت جارة هيا و بنتها قعدت تهدرز و الاولاد طلعوا كلهم انا ماشية ل داري و انصدمت بحد جبدني و لقيت روحي ف دار صقر🙊
لاف ايديه حوالين خصري و عيونه فيهم كلام و في حاجة صايرتله
قلتله: صقر في حاجة ؟
صقر قعمز ع السرير و قعمزني جنبه : انا فسخت من مودة خلاص موضوعها تم
انصدمت و فرحت : علاش؟؟
صقر : لما كنا ف المستشفى و وريتني الزرف الصغير اللي ف كرسي مودة كان كوكايين 😏
نسليهان : قصدك مخدرات ؟
صقر : اي انا شكيت ف الموضوع من لما قربت عليا شميت الريحة و عيونها واضح واخدة حاجة كلمت معارفي من الشرطة و خليتهم يحققوا ف الموضوع لين بكري قالولي شفنا سيارة مودة قدام استراحة مشيت و لما خشينا مداهمة كان في جميع انواع المخدرات و الممنوعات و مودة كانت غادي و بنات تانيين و خوها كمال الكلب لكن خلاص كل شيء تم و تم القبض عليهم
نسليهان لما سمعت اسم كمال جتها رعشة : هوا كمال اللي خطفني يا صقر
صقر حضنها و كأنه يقوللها تعالي ف حضني نحميك تعالي ف حضني و نوعدك ندافع عليك ب كل شيء عندي تعالي ف حضني و نوعدك ما يلمسك حد ثاني
نسليهان كانت زي البيبي اللي كيف مولود ف حضنه ريحته و عضلاته كل شيء كان فيه يهبل و ياخد العقل
قام راسها و باسها 💋 كانت اول بوسة ف حياتها اول بوسة من حبيبها اللي تمناته تحمل كل مشاعر خلتها ذايبة و حايسة ف روحها ناضت و هيا متحشمة : انا انا بنطلع
تقول هكي و هيا في نفسها تبي تقعد تبيه
صقر ما باش يزيد عليها لان حس بتلخبيطها😅 ناض شد ايدها و طلعوا قدام الدار تفاجأت ببنت جارتهم قدامها
فاتن : اوووو صقوور ليك وحشة
صقر : ..... يتبع
.
.
.
لو كان وصلت/ي للنهاية الحلقة فضلاً و ليس أمراً أترك/ي تعليق ليا 💕 سواء كان اعجاب بالرواية أو إنتقاد نتقبل أي شيء المهم نعرف رأيكم ( مع العلم هدي أول رواية نكتبها ) و شكراً ☹💕
أنت تقرأ
أنت قدري (كاملة❤)
Storie d'amoreروواااية ليبية رومااانسيةة ، تفقد نسليهان عائلتها في حادث مروع و تعيش تعيسة الى ان تجمعها الصدفة به و لكن لازلت هناك عواقب لا تجعل سعادتها تكتمل .. " انت قدري" ❤❤
