أنت قدري (كاملة❤)

الحلقة الثالثة ❤

سمير يطق ع الباب
و لما فتح الباب كان في بنت آية فالجمال تقول ملائكة شعر أصفر و عيون زرق
ههههههه ما نقدرش نوصفلكم شكل خوتي لما شافوها
سامر : لو سمحتي هذا حوش ماجدة ال.. الله يرحمها ؟
البنت : إي .. تفضلوا من إنتم ؟
سامر : إحني عائلة عمك خليل الله يرحمه
البنت إبتسمت : تفضلوا تفضلوا أنا صفاء
نسليهان : إنتي بنت عمي سالم
صفاء : إي ❤😊
خشينا للحوش و أنا مصدومة فالأثاث و الفخامة ما عمرنا كنا بالشكل هذا احني عائلة بسيطة هلبا و ما عمري تخيلت ان عائلة بابا تكون بالمستوى هذا
صفاء بترحب : تفضلوا تريحوا الباين انكم تعبانين
سمير : صحيتي . انتي تعيشي اهني بروحك؟
صفاء بحزن : إي بعد ما توفت جدتي ربي يرحمها قعدت بروحي💔
منير و عيونه قريب يطلعو : معقولة ملاك زيك يقعد هكي بروحه😍
سامر فنص في منير : مش عندك خو ؟
صفاء : إي لكن يسكن بعيد ف مدينة ثانية لكن الفترة هدي اكيد ح يجي يزورني
سامر : اها تمام ، امس كلمني راجل و قالي انه في ورث لينا من بوي و احني جايين ناخدوه
صفاء : اهاا و كيف عرفتو بوفاة جدتي ؟
سمير : امس بس كيف عرفنا
صفاء : جدتي كانت ديما تحكيلي عليكم و خاطرها تشوفكم هلبا لكن ربي خداها قبل ما تشوفكم💔
زياد : انشالله ربي يرحمها😢حتى احني كان خاطرنا نعرفو عيلتنا و نعيشوا معاهم
سرور : ااه انا تعبانة نبي الحمام لو سمحتي ؟
نسليهان : اي حتى انا
صفاء ببشاشة : هيا تعالو معاي نوريكم الحوش
ورتنا الحوش كله و اعطتنا غرف مش نقعدو فيهم غرفة ليا انا و نسليهان و غرفتين لخوتي
صفاء : اي شي ينقصكم قولولي اعتبروني اختكم😊
نسليهان بابتسامة : صحيتي بارك الله فيك☺
و مشت
سرور : محلاها البنت قداش طيبة❤
نسليهان : إي حبابة 😊

************************
نضت الصبح نشم في ريحة أكل حلووة و فايحة
وقفت و كنت بنطلع بالتوتة😅 لكن تدكرت إني مش فالحوش بدلت ملابسي و طلعت

«الروايه للكاتبه RAZ»

و انصدمت لما لقيت خوتي الاولاد مقعمزين بحداها فالمطبخ و يهدرزو و يضحكو 🙊😂
يا عليك حالة قداش هالاولاد خبثاء
لو كان انا درت هكي راه قتلوني وقتي😂💔
و يا ريتها صغيرة 🙊 تقريبا عمرها 20سنة
كانت لابسة بيجامة سماوية عاكسة على لون عيونها الأزرق و جسمها الرشيق و شعرها الذهبي اللي واصل لعند خصرها
بإختصار اي حد يشوفها يعرف ان اصولها اجنبية 🙊😅
و ما تحسابوش اني مش حلوة يعني حتى انا عندي هلبا مواصفات جمال شعري طويل عسلي و عيوني عسليات مايلات ع الاخضر و بشرتي حلوة و جسمي احلى من جسمها🙈
قربت منهم و تنحنحت : صباح الخير
كلهم ردو بمرح : صباح النور
ما عمريش شفت خوتي بالسعادة و الفرح هدي اكيد هذا من تأثير الشقراء ؟
كانت تطيب و من الريحة واضح إن تطييبها لذيذ
نسليهان : شن تطيبي الريحة تجنن 😍 اه اسفة شن قلتيلي اسمك ؟
صفاء بابتسامة : صفاء و تقدري تناديني صوفي كان تبي😅❤
نسليهان : اممم باهي شن تطيبي يا صوفي🤤
صفاء : فطور بسيططط بيض مطبوخ و بريوش بالشوكلاتة و فطيرة علمتهالي جدتي ☺
نسليهان : اممم هاتي نساعدك😊
صفاء : لالالا انتي قعمزي بس انتم ضيوفي🙊❤
نسليهان : تمام ☺
سامر : وين سرور ؟
سمير : خطمت عليها لقيتها راقدة
زياد : تو نمشي ننوضها
انتم ما تعررفوش خوتي لكن انا نعرررفهم هلبا هدددو مش خوتي ! مستحيل هما كل شيء يخلو فينا احني نديرو فيهم ما فهمتش شن صارلهم ؟
وقفت بجنب صفاء : خوك بيجي اليوم ؟
صفاء : اي انشالله

كلينا الفطور و كان لذيذ بصراحة فطيرتها خيال😍
ساعدتها في غسل الصحون و درت لفة في الحوش
عند الساعه 2:30 مساءا
سمعنا طرق ع الباب
و صفاء ناضت تجري و تقول هذا خوي هذا خوي
مشيت للدار مش نلبس حجابي لكن مكانش فالدار هدي و مقدرتش نطلع لان الصالون مقابل نسمع في اصوات هلبا و من بينهم صوت غريب عرفت انه صوته
فجأة جت سرور تجري و منصدمة
نسليهان : شن في؟
سرور : هواا هواا نفسه
نسليهان : منوو ؟
سرور : هداكا الولد اللي يلحق فيك 😮
نسليهان بصدمة : لااا كيف بالك غالطة
سرور : والله هواا
نسليهان : بنطلع بنتأكد
نضت و رغم ان سرور حاولت توقفني الا اني خديت الحجاب من ع رأسها و طلعت بسرعة و مع كل خطوة دقات قلبي تعلا لازم نمشي نتأكد و نجازف و لو كان يطلع هوا ؟ معقولة يطلع سبب همي هوا ولد عمي هههههه عقلي مش متوعب
وقفت قدام الباب
و عديت 1 2 3 و خشيت بكل ثقة و اول ما جت عيني ف عينة جتني رعشة غريبة و دق قلبي
صقر شافلها بنظرة تجنن : ......يتبع