أنت قدري (كاملة❤)

الحلقة السادسة ❤

عند الساعه ال8 مساءا
نضت ع صوت سرور تنوض فيا
نضت و لبست بلوزه ورديه طويله لركبتي
و بنطلون جينز ازرقا و وشاح ازرقا
و مشيت للمطبخ و لقيت سرور و صفاء يحهزو ف العشي
جهزت الطاوله و مشيت ننادي في خوتي و صقر
كانو يجلسون امام التلفاز
كملنا العشي و مشينا كل واحد الى غرفته
و انا ما جانيش نوم مشيت للغرفة
قعدت نشم في ريحه الورد
و نلعب بخصلات شعري
و نفكر فيما صار معاي اليوم
مليت و طلعت للحديقة و كان الجو منعش يهبل مع صوت النافورة و النجوم كانت معبية السمي قعمزت ع حافة النافورة سارحة شوي جي حد قعمز جنبي فجأة فقدت توازني و شديت فيه و طحنا مع بعض وسط النافورة و المية تصب فوقنا 🙊
فتحت عيوني و انا مصدومة و لقيته قدامي منضر شعره كيف جاي علي عيونه و مبلول
صقر : ههههههههههه شن درتي يا غبية خيرك زي المرعوشة
نسليهان رجعت ل وعيها : اااه اسفة انت خلعتني و انا كنت سارحة ☹💔
صقر وقف و ساعدني مش نوقف و طلعنا من النافورة
نسليهان : اووووف صقععع😣
صقر ضمها ليه و دخلها للحوش و كان منظرهم يضحك بجديات 😂❤
نسليهان مشت تجري لدارها و سكرت الباب و هيا ترعش من الصقع و الموقف اللي صارلها بدلت ملابسها و جففت شعرها و رقدت
...
عند صقر مشي ل غرفته و هوا مبتسم و يفكر ف نسليهان بدل ملابسه و طاح ع السرير و هوا حاير زعما اللي جمعتهم صدفة ولا قدر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم اللي بعده كان يوما ممل في الصبح
صفاء مشت لكليتها تقرا صيدلة
و سامر و سمير مشو مع صقر يلفو في المدينة
نسليهان و سرور دارو الغدي و استنو الباقي يروحو تغدو مع بعض و غسلو الماعين
في العشية مشت نسليهان الى مكتبه الحوش تتفرج على الكتب
و تفاجأت بصقر مقعمز و واضح انه منسجم يقرا في كتاب
صقر قام عيونه : نسليهان نورتي ، شكلك تحبي الكتب
نسليهان خدودها احمروا من موقف امس لكن دارت روحها عادية : اي شوية لكن نحب الرسم اكثر
صقر : بجديات تعرفي ترسمي؟ حتى انا كنت نحب الرسم
نسليهان : كنت ؟
صقر : اي لان الحق من لما بديت نشتغل معاش لقيت وقت للرسم
مشي الى دولاب كبير في المكتبه و طلع كراسه كبيره
و حطها قدامي قعدت نتفرج ع رسماته واووو بجديات فنااان 🙊🔥
رسمات هلباااا
ومن بينهم رسمه قعدت ندقق فيها
زوز اطفال و راجل و امرأه صغيرة و امراة كبيرة فالسن
صقر بحزن واضح من نبرة صوته : هدي عيلتي اللي ما قعدش منها حد 💔 غير اختي و انتم اللي توا كيف عرفتكم؟
نسليهان : غريبة كيف فقدنا عيلتنا كلها و قعدنا هكي 💔

« الروايه للكاتبه RAZ »

صقر يغير فالموضوع : انتي ترسمي بالفرشة ولا بالالوان العادية ؟
نسليهان : نرسم بالقلم بس
صقر : ما جربتيش الرسم بالاوان
نسليهان : لا
صقر : امممم حلو عادي توريني ؟
مدلي القلم و الكراسه قدامي
نسليهان : اي لكن شن نرسم ؟
صقر بابتسامته اللي تقتل 🔥: ارسميني انا مثلا
نسليهان : ههه انت ؟
صقر : اي ليش لا ؟
نسليهان : اوك نجرب ☺
خديت القلم و الكراسه
و قعمزت ع كرسي مقابلته
و هوا قعمز قدامي
قعدت ندقق فيه و في كل تفاصيله و ملامحه فمه لحيته 🤤 خشمه شعرره عيوونه و اااححي من عيونه اللي يدوبو فيا 🤤🔥
نسليهان : اوو كملت ☺
صقر : تراا وريني
شفت نظرة شاملة للوحتي و كانت بجديات تجنن ما توقعتش نفسي نرسم بالطريقة هدي بكل 🙊
نسليهان: اووكي واحد اتنين تلاثة
و لفيتها ببطء ليه
صقر : واااو تجنننن نسختيني نسخخخ😮فنانة انتي بجديات 🔥
نسليهان : ههههه حتى انا ما اتوقتش نفسي نرسم هكي بهالشكل
صقر و هوا يشوف لعيون نسليهان : نسليهان ؟
نسليهان : نعم ؟
صقر : بجديات والله انا معجب بيك هلبا من اول مرة شفتك فالكلية
نسليهان و عيونها لوطة : اااه نعم
صقر : معجب بيك هلبااا
نسليهان : ا ا اه اسفة اختي سرور تنادي عليا
صقر مسك ايدي و تلاقت عيوننا تاني: اسمعيني نسليهان و لو لمره وحدة
نسليهان : ....نعم صقر؟
صقر بصوت افقدني عقلي : الللللله عاوديها تاني🤤

« الروايه للكاتبه RAZ»

نسليهان : شنووو
صقر : اسمي محلاه لما نطقتيه بشفايفك 🤤🔥
نسليهان :ااه عفواا ب ب بنمشي
فلتت يدي من يده و طلعت بسرعه
مشيت للمطبخ و اتكأت على الباب
وووك هالصقر خدي قلبي كلله اخخ ☹❤،،،،
لالالالا نسليهان اللي تديري فيه غلط هوا يحاول يتخطا حدوده معاك
اي و انا توا مجنونة بيه و حتى رسمته
يااااربي ساعدني مشعارفة شن ندير
هداكا اليوم ما طلعتش من غرفتي ابدا
و رقدت بكري
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
في اليوم اللي بعده : عند الساعه ال3 ظهرا
كنت مقعمزة نقلب في ألبوم صور يضم كل عائلتي
بابا و ماما و جدي جدتي و عمي و مرته
اللي كلهم مشو و خلونا
كلنا في رحمه القدر
،،،
قعمزت اختي سرور بجنبي و همستلي في وذني
: نسليهااان
نسليهان انخلعت : شنوووو😮
سرور : تعرفي في بنت بتجي اليوم و مش ح تصدقي من تكوووون 😮
نسليهان : منووو
سرور : ..... يتبع
.
.
.
لو كان وصلت/ي لنهاية الحلقة فضلاً و ليس أمراً أترك/ي تعليق ليا 💕 سواء كان اعجاب بالرواية أو إنتقاد نتقبل أي شيء المهم نعرف رأيكم ( مع العلم هدي أول رواية نكتبها ) و شكراً ☹💕