أنت قدري (كاملة❤)

الحلقة الرابعة ❤

صقر شافلها بنظرة تجنن و قام حاجبه
نسليهان تحكي في داخلها : وووووه عليا كيف ندير علقت طلعت هوا حق 😭
قربتله و مديت ايدي رفع يده و سلم عليا
صقر : اهلين كيف حالك 😊 يابنت عمممي
نسليهان تطلع فالكلام بالسيف : ال ال حمدلله
وقعمزت بجنب خوي منير
يماا يا بنات ما نحكيلكمش ع شخصيته و اول مرة نشوفه يحكي هكي و ضحكته و اسلوبه و ريحته و لحيته كله يجنن ما نقدرش نوصفه 😭❤
و كل ما نشوفله نلقاه يحكي و يشوفلي و قلبي يدق بسرعة
حسيت بشيء غريب اتجاهه ماعمري حسيته اتجاه حد 😭 لالالالا نسليهان معاش تفكري فالشيء هذا الشخص هذاا سبب في ضربك و تسبب في اهانتك ، خلاااص هوا واحد قليل ادب و شين .. ووووك علاش نكذب ع روحي هكي والله ما فيه شي ينعاب.. ياررربي😭💔
لكنن كيف طلععع قريبي و ولد عمي زيادة قصدي هذي صدفة ولا شنو ، باهي يعني بنقعدو انا و هوا بنفس الحوش خايفة لأن هدي ح تكون فرصة ليه إن انا جيته بنفسي؟
نسليهان وقفت و بارتباك : نستأدنكم
صقر بصوته الرجولي : إذنك معاك لكن مقلتيليش اسمك ؟
نسليهان : ااااه نس نسليهان
صقر : حلو ما تبيش تعرفي اسمي 😉
سامر : اي يا صقر قداش ليك تشتغل ف مدينة .... ؟
نسليهان طلعت : اممممم اسمه صقر حلوو حتى اسمه ليه هيبة 🙊
كانت سرور مقعمزة ع التلفزيون
شافتني و جتني تجري
سرور : شن صار ؟
نسليهان : اممم عادي هوا مش بهذا السوء
سرور : سلمتي عليه؟
نسليهان : هههه اي و انصدم هلبا
سرور : هههههههه خطيرة 😂
نسليهان : اكيد نعجبك😌

عند الساعه 3:00 مساءا
جتنا صفاء : هيا يا بنات الغداء واتي
مشينا للطاولة و كان هوا مقعمز معانا طبعا
طول الغداء و هما يهدرزوا و الباين انهم انسجموا
تغديت و انا ساكتة و مرة مرة نخطف نظرة
كملو الشباب غداهم و انا و سرور نظفنا المطبخ و ما خليناش صفاء تنظف معانا و مشت بجنب خوها
انا اكثر انسانة جربت فراق الاحبة و نعرف الشعوور هذا هلبا كيف شخص تحبه يبعد عليك
زي ما جربت فراق ماما و بابا و معاش بنشوفهم بكل ؟
قداش نتمنى إنهم قاعدين حيين و نعيش بين احضانهم الدافية 💔، قداش نتمنى اني نعيش يوم بس من غير ما نحس بشعور اليتم 💔 شعور القهر و الوحدة ، حتى لو كان جنبي جميع البشر في هالدنيا انا وحيدة 💔 لاني فقدت الناس اللي يمثلولي كل شيء 💔 الناس اللي لو كانوا جنبي كنت نملك الدنيا و ما فيها 💔
💔💔💔💔💔💔💔💔💔💔💔💔
كملت تنظيف المطبخ و مشيت خديت حمام دافيء ، تصدقوا ؟؟
بديت نفكر في انه صقر ما ليش ذنب كبير فاللي صارلي هوا ما غلطش
ههههه استلطفته ❤
حكتلي صفاء عليه
يشتغل فالشرطة و منصبه كبير واضح اصلا من شخصيته انه شخص ليه هيبة كبيرة
قداش هوا حنين مع اخته و يعامل فيها بلطف و يشوفلها ف نظرات كلها حب و حنية ❤
قداش نتمنى انه واحد من خوتي يحضني زي ما هوا يحضن في صفاء 😔💔
انا بنت ما عمريش ذقت طعم الحنان 💔
اي حسيت بيه قبل ما يتوفو احبابي لكن انا محتاجاته توااا😢💔
رغم صغر سني الا اني ما نسيتش الذكريات اللي كانت تجمعني انا و عيلتي كاملة
هلبا ذكريات تخلي فيا نبتسم تلقائيا !
لكن اللحظات الجميله 🌸لا تنتسى✨

« الروايه للكاتبه RAZ »

و حتى الذكريات الحزينه و السيئه 💔 ،،،
يوم فراقهم لما نتذكره قلبي يتشقق حزن و ألم ،،،
نتذكر لما كنت ندير في كيكة الشوكلاتة و لما كنت نستنى فيهم يروحو ع احر من جمر مش نوريهم كيكتي الاولى ❤
هههه ما كانش شكلها حلو لكن كنت عارفة انهم ح يفرحو و يشكروني و يشجعوني 😢🌸
،،،،،،،،،،،
نذكر لما سمعت طرقات ع باب الحوش
مشيت نجري فتحت الباب لكن شفت شيء ما عمري تمنيت نشوفه
ومش ح ننساه مدى حياتي
كان اسوء شي شفته فكل حياتي
و مش ح نشوف زيه بحياتي
شفت ،،،،
بابا مقطع الملابس محروقات يديه
و وجهه مشوه الملامح
كان لحمه يسيل 💔
و اجزاء من عظمه بازره و فكه بارز
ماعرفتش و ما زال مانعرفش كيف
عرفت انه بابا ؟؟؟؟
لما فتحت الباب طاح قدامي زي الغصن اللي اخترق و ولا رماد 💔
انصعقت و تجمدت اطرافي هذاكا الوقت
مااا قدرتش حتى نعيطط من الرعششة
طحت على الارض مغمى عليا
و نضت على صوت عياط
كنت هداكا الوقت فقدت طعم الحياه
خوتي الاولاد اختي و الجيران و خالاتي و خالي
كلهم يبكو 💔
انا فقدت كل شي ؟ فقدت اغلى شي
،،،
عشت بعدين
ما اعتقدش اني نتسمى حيه زي « الميته» تمامآ !
لا ناكل ولا نشرب
مرضت و خشيت المستشفى هلبا ايام
بعدين انتقلنا نعيشو مع خالتي ايمان
و لكن احني هلبا و مصروفنا ما تنحملاش خالتي كله فكان قرارهم تقسيمنا مشو منير و زياد و سرور عند خالي حسن
و لكن حالتهم الماديه ما سمحتش و قعدنا علة فوق روسهم
و بدت في مشاكل بين خالي و مرته و قالت : يا انا يا صغار اختك فالحوش ...يتبع
.
.
.
لو كان وصلت/ي لنهاية الحلقة فضلاً و ليس أمراً أترك/ي تعليق ليا 💕 سواء كان اعجاب بالرواية أو إنتقاد نتقبل أي شيء المهم نعرف رأيكم ( مع العلم هدي أول رواية نكتبها ) و شكراً ☹💕