بعد اسبوع
طقات ع الباب
سرور : افتحوووو
صبحية : هيا جاية
كان صقر و صفاء جايين💕
صبحية: تفضلوا تفضلوا 😊
خش صقر مع الاولاد و الطاهر مقعمز معاهم و مش عاجباته جية صقر قالب وجهه و صفاء قعمزت مع صبحية و البنات
صفاء : والله تعرفي يا عمتي ما عندنا حد غيركم اني و صقورة و انتم عيلتنا و انا جيت اليوم نخطبله نسليهان مش ح يلقى خير منها😍
صبحية فرحت و فنفس الوقت زعلت ع محمد واللي صارله تعتبر فيه ولدها : واحني مش ح نلقو خير منه لبنتي❤
نسليهان من الفرحة قعدت تضحك و ناضت تجري طاقة ايجابية كبيرة حست بيها و قعدت تطيب ف القهوة و تحط فالحلويات و احلامها و حياتها المستقبلية مع صقر كلها عاشتها ف لحظة😅❤
خشت نسليهان ضيفت صفاء و قعمزت هدرزوا
صفاء : نسليهان صقر يبي يشوفك😊
صبحية : هههه ماه يعرفها وليد عمها😅
صفاء : لا مش هكي يا عمتي غير يبي يشوفها و يهدرز معاها شويا😅💕
صبحية تلفتت ل نسليهان : امالا نوضي بنتي بدلي و بريله
نسليهان مشت تبدل و حايرة شن تلبس ما توقعتهاش بكل جيته اليوم و مش موتية روحها بسلامته صقر مدايرهاله مفاجأة 😅😅
لبست قونة بيج ناعمة طويلة و مخصرة و معاها بلوزة لونها ع الزيتوني مع وشاح بيج دارت شوية ميك اب و اكسسوار بسيط و عطر و جهزت قهوة و حلويات و مشتله 🤤
و يا حليلي منه صقورة و شخصيته يقتتل لابس جاكة بلاك🖤 تحتها بدي ابيض و سروال جينز بلاك 🖤 و ساعة فضية و خاتم فضة لزوم الطرحة🤤 و هديكا الشعيرات مساويات و العطر اللي شمت ريحته نسليهان من الباب ولااا غلطة ولااا غلطة🙈💕
وقف و سلم عليها و هيا بتطيح خلاص😂دايبة اوخيتكم
خوتها انسحبوا و طلعوا معاهم الطاهر
صقر : تعرفي انك كل مرة تزيدي تحلاوي ع المرة اللي قبلها🤤
نسليهان خدودها حمرر
صقر : محلاه اللي خجلان 😅
نسليهان : ههههه مش مصدقة 🙈
صقر :خلاص بتولي ليا 😉
هدرزوا شويا و جو الاولاد و نسليهان استأدنت طلعت
روحوا صفاء و صقر
نسليهان ترقص و تغني في دارها هايمة🤤
أسلوبه عجبني جدبني كسبني ب طيبته🎶
ذوقه و حنيته 🎶
و مصفي نيته وياااي 🎶
شخصيته غريبة رهيبة و هيبة طلته 🎶
ما مل من شوفته 🎶
حسيت بقربته دنيااااي 🎶
سرور : ههههههه 😂 الله الله ع الحب
نسليهان : و شن انتي بس تحبي😌
سرور : لالا هههه نحبو الزوز
ترن ترن
نسليهان : الوو يا عمري😍
صقر : شنوو موافقة 🤗
نسليهان : لالا
صقر : شنو ؟
نسليهان : مش موافقة😌
صقر : مالا تبي نخطفك 😂
نسليهان : هههههه ضابط مجرم🙂
صقر : و ربي نديرها غير جربي بس😌
نسليهان : و انا ليا الشرف تكون انت خاطفي😍
صقر : نحبك 💕
نسليهان قعمزت ع السرير و غمضت عيونها قلبها يدق و ف كل دقة يقول صقر صقر صقر
تموت فيه🤤🙈💕
صقر : الوووو
و كملوا هدرزتهم
____
بعد يومين
سرور : ماما كلمني حسام و يبي العرس الشهر هدا 🤗
صبحية : غير اصبري و نديروا عرسك انتي و نسليهان مع بعض
سرور : ما يبيش قال ضروري الفترة هدي لان بيسافر ايطاليا و يبيني معاه🙈
صبحية : باهي توا نشاور خوتك ، ربي يعطيكم الايام الحلوة يا بنياتي🤲
سرور و نسليهان : امين
طبعا جو امالي حسام و حددوا العرس بعد 3اسابيع سرور مش فاضية بكل و من محل ل محل تشري ف كل شيء و ترتب و تحجز ف الصالة
و نسليهان تطلع معاها مرة مرة و كان عجبتها حاجة تاخد حتى هيا
جي يوم الحفلة و الصالة معبية صبحية عزمت كل معارفها و اقارب الطاهر و الجيران و مشالله اغلبهم جو
سرور كيف وصلت للصالة ب فيلوها طالعة مشالله 💕
تلقتها نسليهان و كانت لابسة فستان كريمي مخضر من فوق و منفووخ طالعة طرف🤤مع شعرها و الميك اب
فتحو اغنية اللي بيزفوها عليها و خشت هيا و حسام لابس بدلة رسمية و محلق طالع قنين و البنات يتهامسو عليه و عليها😅
صبحية تمسح ف دموعها و تزغرط و فرحتها قد الدنيا ب بنتها❤🙏
طلع حسام بعد ما خدتلهم المصورة لقطات و صورت مع صفاء و نسليهان و امها
و مع صاحباتها
كملت الحفلة و هما طالعين من الصالة يعتر حسام ف الفيلو و يجي طايح😂
الاولاد يتسهوكو و يضحكو عليه و مدايرين حالة روحت سرور و مع راجلها و كانت احلى لحظات حياتها و خدت حب عمرها 🎶
___
صقر : العقبة لينا يا رب🤲
نسليهان : انشالله🙈
صقر : قريب ياقلبي❤
___
سرور سافرت ايطاليا مع حسام من ثاني يوم 💕 و عايشة ف سعادة
سامر خطب صفاء 😅 و حددوا العرس مع نسليهان و صقر بعد شهرين
___
بعد مرور شهر
صبحية : نوض يا طاهر تغدا
الطاهر لا جواب
صبحية تهز فيه و ما يتحركش قعدت تعيط جو الأولاد رفعوه للمستشفى و معاهم صبحية
الدكتور طلع
صبحية : طمني يا دكتور ؟
الدكتور واطى راسه : اعطاك عمره 💔
صبحية طول طاحت مغمى عليها و الاولاد يعيطوا و صارت شوشرة ف المستشفى
صبحية ركبلها الضغط و حالها ولا باهي و تدعي للطاهر بالرحمة والمغفرة و دميعاتها ما وقفوش
و تحكي ل صغارها عليه ديما و حنيته عليها
داروا خيمة العزاء و الناس كلها تعزي و كانوا بيأجلو العرس لكن صبحية رفضت و قالت ان الحزن ثلاثة ايام و خلي يتزوجو و يفرحوا رغم وجعها ما تبيش تزعلهم
____
بعد شهر كان عرس صقر و نسليهان و سامر و صفاء
صفاء و نسليهان يطلعو مع بعض يشرو و كل شيء زي بعض😂😂 و مرات تطلع معاهم رؤى صاحبت نسليهان زعميتك تساعد فيهم و هيا تدهبلهم ف شيرتهم و خلاص
جي اسبوع العرس و طبعا كان في حوش جد نسليهان و الحوش تعبى بالجيران و خالات نسليهان و خالها و مرته جو و صاحباتهم و سرور روحت من إيطاليا هيا و حسام فرحان بعرس صاحبه صقر
مرة دربوكة و مرة يفتحو يرقصو ع منظومة 😂 و حايسين ف المطبخ فطور و غدي و عشي و صبحية فرحانة معاهم و ما نستش الطاهر لكن رضت ب قدر الله و ان ربي اعطاها نعمة و خدي منها نعمة و تحمد فيه طول الوقت و تدعي لمحمد ربي يفرح عليه
جي يوم الحنة رقدوا صفاء و نسليهان يحنوا فيهم و العزايز يغنو ف غناهم القديم💕
و البنات يضحكوا و كل ما يغنوا اغنية يبدوا العزايز يهزبوا فيهم 😂😂
تليفون نسليهان يرن لقاته صقر و تبي ترد البنات خدوا تليفونها و هيا مش قادرة تنوض من الحنة و يقروا فالرسايل اللي يبعث فيهم صقر و يضحكوا عليه و هيا وجهها احمر تتحلف فيهم😂
جي يوم الحفلة ناضت نسليهان دوشت و رفعهم منير هيا و صفاء للمزين 😅
دارت ميك اب ترابي طلع عليها يجنن و زاد من جادبيتها و صفاء دارولها ميك اب برزولها لون عيونها و طلعت حتى هيا مشالله 💙
لبسوا الفيلوات و جاهم منير بالسيارة المزينة رفعهم للصالة
و كلاكس السيارات و الالعاب النارية 🎆
خشوا كل وحدة لغرفة
صقر خش و يممممى منه😍بالبدلة الرسمية مش هيا محلياته والله هوا محليها🤤 هداكا الطول و العضلات و اللحية مساوية و العطر الجادبية يجنن
شاف نسليهان فتح فمه سلم عليها و باركلها و باسلها راسها❤ : ربي يخليك ليا اميرتي
نسليهان : و يخليك ليا يارب💕
المصورة هيا تعالوا يا عرسان توا الزفة
نسليهان شدت ايد صقر : مش ح تخش انت راه معاي😌
صقر ضحك : ههههه علاش
نسليهان : هك مش لازم يشوفك حد انا عروستك بس نشوفك
صقر : ههه محلاها اللي تغار عليا باهي انا طالع 😉
نسليهان خشت و الاضواء عليها و العيون كلها فيها كيف طالعة حلوة قعمزت ع الكوشة صورت و طلعت للغرفة
بعدها خشو صفاء و سامر💜كانوا ثنائي حلو حتى هما
صبحية و سرور يحضنوا ف نسليهان لبست كابها و طلعت مع صقر للسيارة و السيارات وراهم طالعين
شدلها ايدها : 😍حلالي مش مصدق انتي ليا
نسليهان شافتله : أنت قدري 😌💕
النهاية
انشالله تكون عجبتكم 💕
.
.
لو كان وصلت/ي للنهاية فضلاً و ليس أمراً أترك/ي تعليق ليا 💕 سواء كان اعجاب بالرواية أو إنتقاد نتقبل أي شيء المهم نعرف رأيكم ( مع العلم هدي أول رواية نكتبها ) و شكراً ☹💕
أنت تقرأ
أنت قدري (كاملة❤)
Romansaروواااية ليبية رومااانسيةة ، تفقد نسليهان عائلتها في حادث مروع و تعيش تعيسة الى ان تجمعها الصدفة به و لكن لازلت هناك عواقب لا تجعل سعادتها تكتمل .. " انت قدري" ❤❤
