عشق الروح (الجزء الثاني)

ربك تدبيره حكمة
والوقت طبيعي يثبت
إن الناس اللي كانوا
فـ نظرنا أهم شئ
هما اللي رمونا لما
الدنيا بقت تضيق
وهتلقي الخير فـ إيدك
علي هيئة شخص يُصلح
اب واخ وصديق
ربك له حكمة ديماً
والحزن هيبقي فاني
هنحب ونبقي احسن
وجروحنا تلم تاني .. ❤️

(أميره البيلي)

💐الفصل الحادي عشر 💐

وقفنا في البارت السابق لما زهره تركت حنان لكي ترتاح قليلاً وذهبت ل تحادث إبنتها فى الخارج وبعد إنتهاء حديثهم اتجهوا إلى غرفة حنان ووجدوها مستغرقه فى نومها والدموع على وجهها وكإن تلك الذكريات الأليمه ستظل تلازمها فى كل وقت وكل مكان تعالوا نشوف هيحصل إيه مع بعض⁦♥️⁩⁦♥️⁩⁦♥️⁩

وبعد مرور عدة ساعات تحدثت زهره قائله:منار ياللا روحى إنتى علشان الوقت ميتأخرش عليكي أكتر من كده..ومدت إيديها فى شنطتها وطلعت مبلغ وإسترسلت فى حديثها قائله:بصي خدى الفلوس دى معاكي هاتى أكل علشان تعمليه ل حنان وتجيبيه وإنتى جايه بكره هاتى مثلاً فرخه واعمليلها عليها شوربة لسان عصفور أهى حاجه تقويها شويه

تحدثت منار بطاعه قائله: حاضر يا حبيبتي لو عوزتى حاجه تانى كلميني

تحدثت زهره قائله: ماشي يا حبيبتي وخلي بالك من نفسك... ربنا يكرمك يارب يا بنتى ويصلح لك حالك

إقتربت منها منار وقبلتها وتحدثت قائله:ربنا يباركلك يا ماما ويخليكي لينا ياارب...أنا همشى بقي علشان متأخرش

أومأت لها زهره وبالفعل تركتها منار وذهبت أما زهره ف قامت وجلست بجوار حنان تمسح وجهها من تلك الدموع ودعت لها كثيراً وتمنت بأن لو بيدها شئ تمحي بها ألامها ووجعها ل كانت فعلت بدون تردد

فى الصباح إستيقظت حنان من نومها ف تحدثت زهره قائله: صباح الخير كل ده نوم

تحدثت حنان قائله:صباح النور...ليه هو أنا بقالي كتير نايمه

تحدثت زهره قائله: أيوه ده إنتى نايمه من إمبارح بعد العصر كده ده أنا حتى قلقت عليكي مش عادتك تنامي كتيير كده

تحدثت حنان بدموع قائله:ياريت أفضل نايمه على طوول يا خالتي...عارفه أنا لما بنام بشوف بابا وماما وبيقعدوا معايا ومش ببقي عايزه أسبهم ولما بيسبوني ويمشوا بفضل أعيط وأتحايل عليهم علشان ياخدوني معاهم بس هما مش بيرضوا وبيسبونى ويمشوا هما ليه مش عايزني أروح معاهم

دمعت زهره بتأثر ل حديث حنان وقامت بإحتضانها وتحدثت قائله:حراام عليكي يا حنان إللى بتعمليه ده فين حنان القويه إللى كل ما بتوقع بتقوم من تانى من إمتى وإنتى ضعيفه كده هااااا فوقى بقي لنفسك ولبنتك وبلاش كلامك ده

مسحت حنان دموعها وتحدثت قائله:عندك حق يا خالتى لازم أقاوم وأحارب علشان بنتي..... أنا مش هبقي ضعيفه تاني...قامت حنان من على السرير بحذر وبخطوات بطيئه..قامت زهره لكي تقوم بإسنادها ولكن تحدثت حنان برفض قاطع قائله:خليكي يا خالتي أنا هقوم لوحدى