عشق الروح (الجزء الثاني)

اللهم إنى توكلت عليك،وفوضت أمرى إليك،لا ملجأ ولا منجى منك إلا إليك

💐 الفصل الرابع 💐

وقفنا في البارت السابق لما أمجد كان يتحدث ل صورة ساره فى هاتفه تعالوا نشوف باقي الأحداث هتودينا ل فين يا ترى💕💕💕💕

فى صباح اليوم التالى فى ڤيلا الحسينى
إستيقظ يحيي سريعاً من نومه ودخل الحمام وجهز نفسه ونزل وإستقل سيارته واتجه للشركه مباشرةً بدون ما يفطر كعادته فى الأيام الأخيره وبعد مغادرة يحيي إستيقظت حنان ونظرت بجانبها ولم تجد يحيي بجانبها ولا حتى فى الغرفه نفسها بل بالڤيلا بأكملها توجهت حنان للحمام توضئت وخرجت لكي تؤدى فرضها وتناجي ربها بكل مكنونات قلبها ودعت كثيراً وبكت أكثر فى صلاتها وبعد ما أنهت حنان صلاتها خرجت خارج الغرفه وجدت فريده قريبه منها ويبدو أنها كانت على وشك أن تدخل لها وتحدثت حنان ل فريده قائله: صباح الخير يا ماما

قالت فريده: صباح النور....هو يحيي ماله خد فى وشه كده من غير سلام ولا كلام ده حتى مافطرش هو فى حاجه حصلت

قالت حنان بتبرير: لأ أبداً مفيش حاجه بس إحنا الاتنين نمنا إمبارح متأخر وهو كان عنده إجتماع مهم واتأخر عليه علشان كده هو نزل بسرعه وأكيد هيفطر فى المكتب

قالت فريده:هما دايما الرجاله كده على طول يغرقوا فى الشغل ليل نهار....نظرت لها فريده نظرات متفحصه ولاحظت شكلها المتعب للغايه وواصلت حديثها قائله:وإنتى كمان مالك شكلك تعبان كده ليه

قالت حنان: أبداً بس كنت بذاكر وقت طويل علشان خلاص الإمتحانات قربت ف مضغوطه شويه مش أكتر

قالت فريده:إيه الطريقه الغريبه للمذاكره دى...روحى ياللا شوفيلك أى حاجه تكليها وروحى نامي شويه والله إنتوا الاتنين تصرفاتكوا بقت غريبه هو ينزل من غير فطار وإنتى مهمله فى أكلك وصحتك بصراحه مش عارفه اعمل معاكوا إيه

قالت حنان لكي تراضيها: حبيبتي يا ماما بالله عليكى متزعليش أنا أوعدك إنى هفطر كويس وأنام شويه خلاص إتفقنا

فى ڤيلا ساره
نزلت ساره سريعاً على درج السلم وإتفجئت بوجود أمجد وهو جالس على السفره أمامها وأول ما لمحته توقفت فى مكانها وأول ما لمحها أمجد إبتسم لها وتقدمت هي ببطئ وقعدت على الكرسي المقابل له وتحدث أمجد قائلاً:أخبارك إيه يا ساره....أنا مبسوط جداً إنك قبلتي تشوفيني وتتكلمي معايا شويه

قالت ساره بضيق شديد:أمجد ممكن تلخص وتفهمني إيه هو الموضوع إللى إنت عايز تكلمني فيه وياريت بسرعه علشان إتأخرت على ميعادى

قال أمجد بإحراج:عارفه يا ساره أنا جيت هنا بس علشان أشوفك حتى ولو شويه صغيره

قالت ساره بفظاظه:أمجد كل الكلام بتاعك ده مالوش أى لازمه