عشق الروح (الجزء الثاني)

"صمتي لا يعني جهلى ولكن ما يدور حولى لا يستحق الكلام"

🌹الفصل الثاني عشر 🌹

وقفنا فى البارت السابق لما زهره كانت تحاول أن تقنع حنان بأن تسافر إلى زوجها وتتحدث معه وتعلمه بوجود إبنته فلنعرف معا مالذى حدث وب ماذا أجابت حنان عن حديث زهره 👀👀💜💜💜

تحدثت حنان قائله:بصي يا خالتى إذا حس بالذنب أو لأ ف مش فارق معايا كتير لأنى بالنسبالي يحيي الحسيني مات...ماااات من زمان

تحدثت زهره بإعتراض قائله:بس هو أبو بنتك سواء رفضتى أو قبلتي دى حقيقه عمرك ما هتغيريها سواء بمزاجك او غصب عنك لازم الثقه إللى ما بينكوا ترجع تاني لازم تشوفيه وتتكلمي معاه وإلا بالطريقه دى بتدى فرصه لأمه إنها تنجح فى مخططها وتعمل ما بدالها طول ما إنتى بالضعف ده وكمان متنسيش إن يحيي بيحبك

تحدثت حنان بدموع وعصبيه قائله:بيحبني!!!!
هو أصلاً عمره فى حياته ما حبني يا خالتي أنا بس كنت لعبته المفضله مش أكتر..عن أى حب بتتكلمي إنتى

تحدثت زهره قائله:أنا عارفه إنهم ظلموكي كتير وقسيوا عليكي أكتر بس________

قاطعتها حنان ببكاء قائله:هما مش قاسيين بس لأ هما كمان عايرونى بفقرى ومستوايا إللى أقل من مستواهم كتير بس أكتر شخص حبيته ووثقت فيه هو نفسه إللى داس عليا وعلى قلبي ومنعني إن أرفع رأسي ل فوق وحول حياة بنتى كلها لوصمة عار هتفضل ملازمها لحد ما تموت....يحيي مفكرش فيا أبدا شخص زى ده مستحيل يكون بيحبني

تحدثت زهره بعقلانيه قائله:عدم ثقة يحيي فيكي وغضبك منه كل الحاجات دى هى إللى بتبعدكوا عن بعض أكتر وأكتر وهو ده إللى عايزاه أمه من الأول وإذا انفصلتوا تبقوا حققتولها إللى هى كانت عايزاه بكل سهوله لازم تيجي على نفسك شويه وتصلحي الوضع وتظهرى براءتك

تحدثت حنان بغضب قائله:خالتي أنا ميهمنيش أمه عايزه إيه ولا حتي بيهمني إللى عملته فيا كل إللى كان بيهمني هو..الشخص إللى حبيته وإللى أمنته على حياتي...أكتر شخص حبيته هو إللى دمرني واتخلي عني بكل سهوله وصدق كلام مش فيا وفوق كل ده مفكرش يسمعني إتحايلت عليه كتييير إنه يسمعني وبكل كبر وقسوه رفض حتي يسمع دفاعي عن نفسي....أنا لحظة ولادة بنتي كانت أخر لحظه من لحظات إنتظارى ل يحيي الحسيني

تحدثت زهره قائله: حبيبتي إنتى معاكي حق وغضبك كله مفهوم بس دلوقتي الوضع اتغير انتى بقيتي أم ل بنت إزاى هتربيها لوحدك إزاى هتواجهي كل صعوبات الحياه إللى هتقابلك فى الطريق لوحدك صدقيني يا بنتى أنا بتكلم لمصلحتك ومصلحة البنت قبل مصلحتك من حق بنتك تعيش مع أبوها وأمها

تحدثت حنان قائله:ليه يا خالتي هو فى تجربه وصعوبات أصعب وأقسي من التجربه إللى مريت بيها....ممكن يكون فى وقت أسوأ من الليله إللى طردوني فيها فى إنصاص الليالى وأنا حامل....إذا أنا وبنتي قدرنا نطلع من التجربه دى يبقي إحنا الاتنين نقدر نكمل حياتنا من غيره دلوقتى إحنا مش محتاجين شخص إتخلى عني بالسهوله دى وممكن فى أى لحظه يتخلى عننا برضه لأى سبب من الأسباب...بنتى مش محتاجه أب أناني...بنتى محتاجه أب بمعني الكلمه أب يحتويها ويكون أمانها وسندها فى الحياه مش يتخلي عنها مع أول عاصفه وللأسف يا خالتى أبوها أبعد ما يكون عن الحاجات دى أفضل ليها إنها تعيش من غيره بدل ماتعيش مع واحد قاسي وأناني