عشق الروح (الجزء الثاني)

#هاني_شاكر | خُنت نفسي

انا كُنت حاسس إنك أنت في يوم هتنسي
اللي ياما عملته ليك! وخدت صدمة واكتشفت
إن أنت كدبة واتخدعت بجد فيك! راضيت غرورك
واللي كان ومكنتش أعرف نيتك! والله يجَازي
قلّبي ده علشان رمَاني في سكتك!

💜الفصل السادس عشر 💜

توقفنا فى البارت السابق لما فريده تركت حنان وذهبت أما حنان بعد أن أزالت دموعها إستلقت بجانب إبنتها وهى تدعو الله أن يكون معهم فلنتعرف سويا ماذا حدث بعد ذلك 🌹🌹🌹🌹

فى صباح اليوم التالى
ذهب يحيي إلى منزل ساره وكان ينتظر ساره لكي يتحدث معها وكان ممسك بالسيجاره ويدخن بشراهه جاءت ساره إليه ووقف يحيي أمامها ف تحدثت ساره بإبتسامه قائله:على رأى المثل لما تفكر فى حد بنيه صافيه تلاقيه قدامك....وأنا صحيت بفكر فيك...إقعد واقف ليه

وبالفعل جلس يحيي على الكرسي ومازال يدخن وجلست ساره على الأريكه أمامه مباشرةً ف هتف يحيي قائلاً بعد ما نظر إليها:إزيك يا ساره...عامله إيه

تحدثت ساره ومازالت الابتسامه على وجهها قائله:كويسه.... ودلوقتي بقيت أحسن لما شوفتك بقالك كتير ماجتش عندنا....روحت على المكتب؟

أومأ يحيي لها برأسه موافقاً وتحدث قائلاً:أيوه...لسه راجع وقولت أعدى عليكي وأشوفك

تحدثت ساره بشجن قائله:ده من حسن حظي يا يحيي....معقول بعد ما حنان وبنتك رجعوا على بيتك لسه باجي على بالك....فى الوقت إللى كنت خايفه لتنتهى صداقتنا وفضلت منقطعه عن الشغل والناس مفكرتش حتي تسأل عليا

نظر لها يحيي بحزن على حالها وحاله وتحدث بعد فتره من الصمت لم تخلو من نظراتهم لبعضهم البعض قائلاً:أنا كنت متلخبط أوى... غفران بنتى محتاجه عملية قلب مفتوح وهندخلها على المستشفى النهارده.... وبالنسبه ليكي أنا عارف إنك مضايقه لما شوفتيني مع حنان أخر مره

تحدثت ساره بدموع قائله:بعد كل إللى عملته فيك أمورها إتظبطت ورجعت تعيش معاك...هى تبقي أم بنتك...أما أنا إللى حبيتك أكتر من حياتي نفسها فضلت وحيده... فعلاً ماحدش بياخد أكتر من نصيبه

تحدث يحيي قائلاً:ساره أرجوكي...وقام يحيي أطفئ السيجاره التى كانت بيده فى تلك المطفأه التى كانت توجد أمامه على الطاوله وإقترب من ساره وجلس بجانبها على الأريكة واستأنف حديثه قائلاً:ساره أنا طول حياتي مستحيل أحبك زى ما إنتي حبتيني.... بس لازم تحاولي تفهمى أمور القلب والمشاعر... صدقيني إنتى صديقتي الوحيده بس الحب___

قاطعته ساره ناظرة له بعصبيه وهتفت قائله:بس إنت ماحبتش غير حنان مش كده...وتبادلوا النظرات بينهم بضع ثواني أخفض يحيي نظره للأرض هارباً من نظراتها تلك وتحدث قائلاً:أنا دلوقتى مش بحب أى حد...ورفع نظره ينظر لها واستأنف حديثه قائلاً:غير بنتى... غفران دلوقتى هى كل حياتي ومفيش أى شئ تانى يهمنى