أحبته رغم الضروف ( روايات ليبية )

حلقة 10🔥

#أحبته_رغم_الظروف
#الحلقة_العاشرة

يقين : ما فيش بينكـ وبينها شــي صااار أملا شــن هذا صــور و ليل و حاله
أني : ااااااااااااااااه هذا شن 😳 😳

أصعب لحظات حياتكـ 😔
أن ترى بـعينيكـ 😳👀
ما لا يصدق قلبكـ 😳

يقين : توا دير روحكـ مــا تعرفش 😠 و دير روحكـ مصدوم
أني : و حــق ربي ما نندري عليه هذا هــي و كانو عرم صــور ليا أني و أدالين مش فاهم كيف جو و امتى
يقين : المهم نــبي نقولكـ أن أدالين عندكم فـي الحوش
أني : اااااااااااااااااااه شن تقولــي شن عندنا فـي الحوش من رفعها و هيا أمتى جت
يقين : جــت أمس و الحق أتصلت بيا و قالتلي تعاليلي و طــبعا أني رفعتها لـي فندق و اليوم نضت الصبح قالتلي تعالي أرفعيني لــي حوش طه و الحق أني ما قصرت و فـي الطريق ورتني الصور هاذم و هــي توا بالسلامة
أني : تــي تعالي جااااي وين ماشية 😡 كيف ترفعيها من غير ما تقوليلي بــعدين من وين تعرفو بعض
يقين :مش عارفة أتصلت بيا و هيا فـي المطار و الحق أني خفت عليها و مش عارفة مشيت وصلتها و اليوم رفعتها و ما تسألني علاش تمام و هي
أني : لا يا قنينة كملي جميلكـ
يقين : نعم
جبدتها معاااي لـي فوق و تـاسفت من الحالات و قلت عندي ظرف و طلعت أني وياها
يقين : وين رافعني
أني : لــي الحوش و أدالين هااااذي الى جبتيهالي حـ تروحي بيها معاكـ ما في حد قالكـ ساعديها و بديت نهتري و معصب و ما نندريش على روحي شن نقول
يقين : ههههههههههههـ
أني : بالله شـن الى يضحكـ ؟
يقين : شكلك و أنت معصب
أني : يقين مش وقتكـ
يقين : غير درس على اليمين شوي و أهدى
أني : كيف تبيني نهدى و البلوة فـي الحوش
يقين : بــه غير سوق بالشوية هيا شن حـ أديرلكـ مش حـ تقدر أدير شي ألا لو عندها نسخة من الصور هاذو أحم ياويلكـ بعدين
و بــعد شـوق باش وصلت لـي الحوش من الزحمة و أول ما وصلت الحوش خليت السيارة فـي نص الطريق و نزلت فتحت الباب و نقب فـي ربيع
أني : وين أمي ؟
ربيع : فـي حوش جدي 😂 خيركـ
أني : وينها
ربيع : من هيا أمي ؟؟ قتلكـ فـي حوش و قطعت عليه بصوت عالي الفرخة أدالين وييييييييييييييين
فرح : طــه خيركـ بسم الله الرحمن الرحيم غــير تعوذ من الشيطان شن تقول
أني : كيف نهدى وينها أدالين وينها البنت الى جت بكري
و كلهم بصوت واحد : أما بنت ؟
فرح : طــه أنت صاحي خوي ؟؟
أني : بطلو لعبت عليكم حتى أنتو وينها الحيوانة هاااذي و خشيت قعدت ندور فــي الحوش ما لقيت حد
ربيع : فرح غير سكري الباب شن فــي يا راجل شن أدور و من ادلين هاذي خيركـ
أني : حصلة حصلت فيها يا ربيع  و نضت داهش و مخنوق وينها مش ناقص مشاكل
جاسم : طــه شن تحكي ما فيش بنت هني أحني بروحنا خيركـ ؟
أني : غير بالله عليكم ما جتش هني
ربيع : من هيا أصلا
أني : بنت بيضاء عيونها خضر و مش متحجبة شعرها أحمر طويل هيا قصيرة شوي
ربيع : واااااااااو طرف
أني : و الله ما وقت بصارة بجديات ما جتش هني ؟
فرح : لا ما جتش و بخت عليا أميه .. و طبست عليا و قالت طــه أنت حاصل فـي مشكلة ؟
أني : و لــي أول مرة قدام أختي و هزيت براسي حاجة زي هاذي
ربيع : غير شن صاير أحكي خلي ندرس السيارة حاطها فـي نص الطريق و طلع شويا خش و سكر الباب و ما كنتش نندري أنه مخشش حتى يقين قعدت مقعمزة فـي الممر و أني ما حسيتش بيها و قعدت نحكي : بعد قريب شهر تعرفت على بنت بالصدفة و طلعت أمها ليبية و هيا ألمانية بـس تحكي ليبي كويس و هني فرحت و قعدت على تواصل معاها و كله أصدقاء و الحــق الفترة الاخيرة بديت نخشش فيها الحوش مرات هيا بروحها تقولي حوشكـ مقلوب خلي نضم و كانت مرة أطيب مرة نحضرو فيلم و قعدت نعامل فيها زي أختي نبصر عليها و تبصر عليا و الحق ما نكنش ليها أي حب يعني مجرد صديقة حد نغير معاه جوي و  نقسم بالله أن ما في بينا حاجة المهم فـي يوم خشيت الحمام و هيا تبي تروح خليتها و أول ما طلعت لقيتها عيونها دموع و قالتلي أتصلت بيكـ حبيبتكـ سالتها باهي علاش تبكي قالتلي نحبكـ و طلعت كلمت يقين و ما بتش تسمع مني شي و فسرت الموضوع منها ليها و مشو الايام و قبل لا نروح بـ أسبوع جتني البنت نفسها و قالتلي وين ما أنت وين ما أني و نبي نروح معاكـ و نبيكـ وصلت بيا لزيتها المهم روحت و أمس مش عارف كيف حصلت رقم يقين و قالتلها تعالي أني فـي المطار و يقين مشت حطتها فـي فندق و اليوم أتصلت بيها قالتلها نبيكـ ترفعيني لـي حوش طــه و يقين قالت أن جابتها و البنت طالعة بصور مش عارف من وين جايبتهم
قمت راسي لقيتهم كلهم مصدومين
فرح : طــه أني معاكـ ما تخافش وتوا برا قول لـي يقين تقولكـ مكان أدالين هاذي و أني نمشي نريشها زي الدجاجة الحيوانة هاذي عقاب العمر تحطم خوي يالله أتصل بـ يقين
ربيع : اها يقين هني ره خشي نسيت نقولكـ اسف
يقين : لا عادي و خشت مطبسة راسها .. أسفة
أني : على شن ؟
يقين : ما كنتش نحساب القصة هكي
أني : كيف يعني أدالين ما جتش لـي ليبيا
يقين : لا هيا جت بس قعدة فـي الفندق و أتصلت بيا الصبح قالتلي تعالي أرفعيني لـي حوش طــه قلتلها لا  و الصور هاذو عندي من أمس
أني : بااهي علاش درتي فيا هكي توقعي أمي فـي الحوش كيف منظري قدامها
يقين : ما كنتش نندري أن القصة هكي معاش تعصب عليا و الصور هيا أعطتهملي أمس و قالتلي هاذا دليل على علاقتنا
أني : أما علااااقة يا همييييييييييي أني ما عنديش علاقة مع بنت غيركـ أفهمي
يقين : باااهي ما كنتش نندري
فرح : يالله تعاركو بعدين
ربيع : نعرفكم يقين حبيبت طــه
فرح : نعرف قبلكـ و بعدكـ
أني : كلكم تعرفوها توا كيف نبي ندير لحظة من وين حصلت رقمكـ
يقين : قالت من يوم عرفت أن أنت مداير علاقة معاي
أني : يا ربــي
ربيع : أحم هاتي رقمها
يقين : شن
ربيع : هااتي رقمها سااهلة هاذي توا تشوف
فرح : ربيعع هههههههههههههـ فهمت
جاسم : ههههههههههههههههه زعما لكن و الله فكرة
يقين : ما فهمتش
فرح : تعالي يا حنة نقولكـ و خشيشتها الدار
أني : شن تبو أديرو
جاسم : ههههههههههههه توا تشوف غير اصبر
شويا طلعت يقين هيا و فرح
ربيع : هاتي و سجل الرقم و طلع
يقين : شــوف  هذا ما يعنيش أن حـ نكونو مع بعض فااهم
أني : أسف على كل يوم رقتي فيه و دمعتكـ على خدكـ
يقين : شن يبي يفيد ألاسف مش أنت ديما تقول وين نبي نصرفها ؟؟
أني : لا حول ولا قوة الا بالله
و مــشي الوقت و روحت أمي و طبعا يقين و فرح دارو روحهم صاحبات و كانت الساعة 5 العشية
يقين : تمام الى هوا نرد عليكـ سلااام و طلعت لقت أختها فم الباب و روحت معاها
أني : شن هوا الى حـ ترد عليكـ فرح ؟
فرح : حاجات بنات تبي تعرف ؟
أني : لا سلامتكـ شكرا 😒 و قعمزت جنب أمــي و مشي الوقت لــين جت الساعة 9 بالزبط
طق طق باب الحوش
فرح : أكيد ياسمين ولا يقين
أني : يقين !!!
و فتحت الباب
ياسين : خاااااااااااااااااااااااااااالووووووووووووووووووووووووووووووووو
أني : خااالو يا حبيب خااالو أنت علاش جيتو ؟
ياسمين : ما عمري جيت و فرحتو هكي جينا نبو نكسدو هني تي أياد ماشي الصحراء و أني ما نبيش نقعد بروحي بينهم
أني : علاش مش تسكني فـي حوش بروحكـ سكري الباب ما يطق فيكـ حد
ياسين : ماما تعاركت مع حناي ههههههههههههههههههههـ جو و حناي كسرت المراية متاعنا  ههههههههههههههههـ و بابا لمااااااا روح هههههههههههههـ كشخ على ماما
أني : أمتى هههههههههـ
ياسين : بكلي شوي
أني : طلع يا حق ربي متعاركة مع راجلكـ
ياسمين : تبي قص على ها اللسان يا ولد أنت لا ما نبيش نقعد بروحي بين حماواتي و العزوز العوجة هاذي 😒 و اياد ماشي عنده خدمة فـي الصحراء
و هني ياسين شدلي وذني و قالي لالا بابا مش ماشي الصحراء هوا زعل منها و هيا زعلت من حناي هذا علاش جينا
ياسمين : شن تقوله تعالى جاااي
أمي : المهم قعمزي اليومين هاذو هنــي لين تتصالحو و ربي يهديها عزوزتكـ
ياسين : تعرفي يااا أميمه جووو كيف عاركو اها و نقولكـ نقولكـ هيااا و هني ياسمين شداته من حوايجة و قالتله تسكر فمكـ ولا مع تفنيصة
ياسين : نقوللهم علاش تعاركتو أنتي و حناي حولي و الله نقول هههههههههههههـ و مشي يجري و قعمز فـي حجر جاسم .. لانه حناي قالت نبو بنت و أمي قالت كل شي شنوو
ماما شن قلتي كل شي شنو
ياسمين : كل شي قسمة و نصيب كان بنت عادي و كان ولد عادي و أصلا أني و أياد ما نبوش صغار توا هاذو و الحمد الله
ياسين : و قلتي حاجة تانية
ياسمين : ما قلت شي تاني
ياسين : لالا شنوو يا ربي قلتي نقو على الحاجة أي اي نقو على الحاجة
ياسمين : و أنتو تنقو على الحاجة بكل الصراحة هكي قلت ولا
أني : حــي عليكـ و شكله ياسين وصل القصة لـي بوه
ياسين : لالا مش أني حناي
ياسمين : قبل لا يركب جبداته و محشاته ركب مباش يسمع مني شي كله يكشخ
ياسين : لكن يا ماما حناي كذبت
ياسمين : عيب ما يقولوش على حناي هكي ولا
ياسين : و الله و الله كذبت قالت لـي بابا هيا دفتني
ياسمين : تبصر قول والله
ياسين : و الله شن نكذب أني
ياسمين : نهاااري و أني نقول خيره معصب هكي و الله حسيتها تعالى سلم ولدي شن سمعت تاني قولي
ياسين : خلاص هذا هوا لالا قالت انتي كسرتي مراية
ياسمين : و خيركـ ما قلت لـي بوكـ لالا ماما ما دارت هكي
ياسين : نكلمش مع بابا و هوا معصب أنتي ديما تقولي هكي ولا قولي لا توا
أني : هههههههههههههههههههههـ عليكـ جو المهم توا ان شاء الله يهدى و أتصلي بيه و فهميه لانكم مكبرين القصة هلبا المهم شن حال يوسف
ياسمين : الحمد الله شكله سنون شوفه و ينقرز منهم هلبا و ديما يحك فـي الغب متاعة
أني : أي أصلا يمكن وقته ولا ربي يحفظه هههههههههههـ شن ياخالو
و مــع العشرة الا ربع روح ربيع و كان جوه مليح و يشبحلي
فرح : الو .. هي دقيقة خلي نفتح الباب
و هــني تخش يقين وجــهي معاش يتفسر قعدت نشوفلها و خلاص
ياسمين : هلا يقين حبيبتي شن حالكـ
أمي : أهلا يا بنتي تفضلي
يقين : ازعجتكم سامحوني
فرح : أحم مااما هاذي يقين الى قلتلكـ صاحبتي و حـ تبات عندي مع شبحة
أني : شن علاش بايته ؟
أمي : تحشم شن دخلكـ فيها بايته فـي حوشكـ
يقين : هههههههههـ عادي عارفة أن يبصر مع قيمة حاجب
أني : أي هههههههههههـ  .( البنات قداش ما يخوفو )
فرح : تعالو خشو الدار أحني تعشينا ره نجيلك ؟
يقين : لالا صحة حتى أني تعشيت و جيت
أمي : هــي توا راسي قريب ينفجر من أختكم هاذي برو لـي وسط الحوش و خلوني نرقد فـي داري مرتاحة بالكم طبعا يقين كانت فـي وسط الحوش خشت سلمت و طلعت طول
طلعنا  و أني عيني ما نقامت من على يقين و كان جونا حلو
يقين : أسمعو هذا الولد أني قداش ما نموووت فيه و جبدت ياسين
ياسين : حي مش أنتي تحبي خالو طه ؟؟
يقين : لالا أحني كنا نخدمو مع بعض بس هههههههـ
أني : هههههههههههـ تعالى شن الكلام هذا
ياسمين : شن تبو تشربو
ربيع : الو .. ها بااهي ما تقوليش واحد مشغول بكل ره تشدي ... هااا نضت على خاطركـ و خش و سكر الدار
يقين : سلملي عليها هههههههههـ
فرح : هههـهههههههههـ شن تشربي فـي النسكافية
يقين : عاادي هاتي أي حاجة ههههههههـ
جاسم : أني حـ نرقد هيا طه نوض
خشينا رقدنا و جــي الصبح فقت الســاعة 8 دوشت و لبست و قعمزت لقيتهم مدايرين سفرة الفطور
أني : صحة صحة
أمي : قعمز كول حاجة البنت مش غريبة
يقين : اي قعمز
قعمزت فطرت و طلعت نسخن فـي السيارة شويا نشوف فيها طالعة
أني : هي هي تعالى شوي أنتي شن أديري هني شن ناوية
يقين : هههههههههههههههههههههـ جاية لـي فرح صاحبتي
أني : مستحيل شوفي قولي على شن ناوية
يقين : مش ما تبيش أدالين أديرلكـ مشاكل اليوم حـ نخلوها تباعد عليكـ و تطلع من حياتكـ نهائي
أني : أنتي تبيني نحس بالذنب طول عمري صح
يقين : أركب السيارة و ألحقني هيا
أني : شن
يقين : يالله هيا مزال الوقت
و ركبت الســيارة و لحقتها و ما لــقيت روحي غير على الشط
يقين : أنزل هيا شن تبي تقعد فـي السيارة
أني : علاش جايين هني ؟
يقين : ياا ربي أول مرة نشوف راجل يـسال هلبا أنزل هيا
أني : هااا
و قعمزت أني وياها قعدنا نستنو و كان الصمت سيد المكان  لــين نسمع فـي يقين تقول أهي جت
نضنا نفضنا حوايجنا من الرملة
أدالين : صبااح الحب
أني : أدالين يا بنت الناس أني شن درتلكـ أعتقيني بعدين شن الصور هاذو
أدالين : نعترف أن الصور مركبتهم بـس شن يبي يقنع أمكـ أن تركيب مهما درت
أني : شن تبي مني بالزبط
أدالين : نبيكـ أني نحبكـ 😍 و نمــوت فيكـ
و مــا نســمع غير فـي صيحة تلفتت 😨 يقيـــن .............................................

#يتبع