أحبته رغم الضروف ( روايات ليبية )

حلقة 13🔥

#أحبته_رغم_الظروف
#الحلقة_الثالثة_عشر

يقين : أملا شن كنت حـ ادير
أني : كنت حـ نقولكـ نقولو لـي أدالين أن أنتهي كل شي بينا و أن أني سيبتكـ و أني وياكـ نقعدو مع بعض يعني قدامها بـس لانه بجد يقين ما نقدرش نعيش من غيركـ
يقين : 😳 :'(  بجديات كــنت حـ تقول هكــي
أني : لا نبصر :/ يقين بجديات أنخطبتي ؟
يقين : أي و مـش حـ نقدر نسيبه 😔
أني : يعني خــلاص
يقين : مــش عارفة
أني : شن مش عارفة خــلاص ربي يهنيكـ هاذي نتيجة التسرع نستاذن
يقين : طــه
أني : خــلاص أنتهي طــه كاني معاش فــي بري ألهي فـي حياتكـ و خشيت نجري لـي أدالين
أدالين : علاش لحقتها ؟ 😠
أني : لا بــس نبي نحكي معاها فـي موضوع المهم شن حالكـ و بعدين شن الدواء الى جباته
أدالين : ما تتهربش مني 😡 طــه شوفــلي
أني : خلاص يا بنت الناس مش شرط كل شي نديره نقولكـ عليه شن هذا
أدالين : لحقتها يعني قــاعد تحبها صــح شــوفلي
أني : أي قاعد نحبها و نبيهاا بــس أنتي شن درتي فرقتينا
أدالين : ناضت مـن فوق الــسرير و قربــت منـي بالشويا بالشويا و عيــونها غل
شديتها و قعدت نوخر بيها لــين طاحت عـلى السرير
أدالين : حــول
أني : عــلاش مش حبيبكـ همم
أدالين : أي بــس عيب الكلام هذا
أني : يا راجل ! عيــب لا هكي هلبا أنتي تعرفي العيب أصلا كان تعرفيه راهو هذا كله ما صارش
أدالين : شن العيب فـي أن حبيتكـ و نبيكـ تكون جنبي و تحبني و نتزوجو
أني : مــن عقلكـ أنتي هههههههههـ تحسابيني حـ نتزوجكـ 😂 لا هكـي هـلبا عليا قصدي بــعد الى صار هذا كله حـ ناخدكـ ههههههههههههههههههههههههـ و حق ربي أبداع انتي  هي
أدالين : حـ تاخدني  سوا تبي و لا ما تبيش
أني : و عـــلاش 😳 شـن فـي باش ناخدكـ
أدالين : أنت ناسي أن نقدر نمشي لـي أمكـ و نقوللها كل شي و نوريها الصور
أني : مــن قلبكـ تحــكي 😂 أما أنتي يا ربي أول مرة نضحكـ هكي و الله منورة
أدالين : عارفة فـي وراه ها الضحكة واحد خايف يطيح من عين أمه شن تحساب صح الفترة الى قعدت فيها معاكـ قصيرة بـس عرفت فيها كل نقاط ضعفكـ
أني : و من قال عندي نقاط ضعف ههههههـ تسخفي و حق ربي 😂 أني ما نخافــش لا منكـ و لا من الصور الى  تبي توريهم لـي أمي أدالين اني طــه مش تحسابي 😡 و توا ادمدري و قربعت الباب طـــول ركبت السيارة و نشدها الشياط لـي القهوة لـقيت سراج متكي و مصطفى يهدرز علــى ولد
سراج : هااااا وينكـ وينكـ والله جنس حواء دار فيكـ دير يا خوي هههههههـ
أني : هههههههههـ ما تخافش حـ يجي يوم و ناخد بـ ثاري هذاكا على من يحكي
سراج : هذا ولد عمه ولا عمته مـش عارف المهم خو نور مش عارف قبل كل يوم يسب فيه و ما يحباش و مــن لما حط فـي راسه نور بــدي أحسن واحد عنده ههههههههـ
أني : و أنت شــن مع شبحة على جنب
سراج : شــن
شويا جـي مصطفى : اووووه طه شن الجو وينكـ يا راجل مغيب
أني: اهو مشااغل ههههههـ انت شن
مصطفى : اهو قاعد شادها ورا حسن خـو نور قلت ندير معاه صحبة
أني  : احسن حاجة ره تجـي الخطبة فيسع فيسع و اماليها يوافقو طــول
سراج : فـي الشكـ يا خوي
أني : و علاش فـي الشكـ :/
سرأج : تـوا كان جيت نبي نخطب فــرح حـ توافق 😂 سامحني فيها لكن مش حـ توافق مهما كان سوا صحاب ولا مش صحاب
مصطفى : عندكـ الحق بـس لما يكون كويس عــادي يوافق
أني : باهي ما فيش الا أختي خيركم عويلة
سراج : سامحني و الله مش بقصد
و أستمر الحــديث بس الغريب سراج كــان هادي نوعا مأ خطمت قدامة بنـت و ما عاكسها ما حاولش يحط عليها عينه بــكل
مصطفى : أي شكله الاخ عقل
سراج : اسمعو أني ضروري ما نتزوج
أني : هههههههههههههـ من انت لالا
سراج : و الله
مصطفى : و مــن تبي تتزوج غدوا تكــون ليكـ
سراج : لا هوا حاليا مــا فيش و كان واضح كذاب
أني : أي أي شكلها بلقيس
سراج : لا و الله لا هــي بس خاطري نتزوج نكون عيلة نفتح حياة جديدة نعيش مع بنت نحبها و تحبني تتحملني و نتحملها ما نفكرش الا فيها و أني طالع الصبح تقولي دير بالكـ على روحكـ و ما تتاخر عليا و حـ نستاحشكـ
أني : بــه و بعدين ههههههههههههـ
سرج : واااااكـ أنتو ديما هكي شكلي حـ نروح و ناض
مصطفى : غير تعالى و قولنا شــن فــي سراج صايرة معاكـ حاجة
سراج : لا لا بـس خاطري نستقر و نحب و ننحب بالحلال جو العلاقات هاذو و الله مليت منهم كرهت روحي
مصطفى : سـراج شكله شرب أمس و سكر اليوم 😂 باهي شن نبي نقولكـ توكل على ربي و صلي أستخارة و قول لـي أمكـ أدورلكـ على بنت و تخطبها و توافق و تتزوجو و تجيبو صغار و نشوفو بابا سراج
سراج : أن شاء الله هي اني نستاذن و مشي
أني : خيره ؟
مصطفى : شكله تاب الاخ و حس بالذنب
أني : أسمع أنت نور من بكري نشبح فيها تتصل أني مروح و أنت أفضا بيها خير ما تبدا تفسر منها ليها هههههههـ
مصطفى : هههههه سلام
روحت الحوش لقــيت أمي مهناش سالت قالت فرح مشت تخطب لـي جاسم يا سلاام جاسم حـ يولي عريس 😍 شويا نشبح في أمي خاشة فرحانة و قريب اطير
أمي : وين خوكـ
أني : فـي الجنان داخل خيره
أمي : لولولولولـي مشاااء الله على وليدي
أني : مسرع اليوم مشيتو تبو تسالو صارت الخطبة ولا كيف ؟
أمي : مشاااء الله على البنت أخلاق و أدب و رزانة حبيتها أملا أمها يا كبدي تخش الخاطر بـ كلامها الكويس و تعرف شن قالت غير نبو نسالو قدام خوالها و عمامها و الباقي بوها و خوتها موافقين شكلها مقايلة لـي امها و الام مشت قالت لـي راجلها
جاسم : شــن صار يام
أمي : مشاااء الله على وليدي ربي يحفظكـ 😍
أني : اوووووووه عريس غير رد بالكـ تنساني أني خــوكـ طول عمرنا نرقدو فـي دار وحدة هههههههههـ
جاسم : هههههههههههههـ
ربيع : لالالا أسمعو الفضانية نوبا و البيان نوبا و الفاتحة نوبا و يوم المحضر نوبا يا ما فيش عرس و النوبا عليا أني
أني : هذا فاش فالح غير فـي الهياجة 😂
ياسين : ااااااااااوه شفت بنت حلوة حلوة حلوة حلوة قالت ماما تولي مرت جاسم
جاسم : هيا مش غيرشكلها حلو حتى قلبها حلو وكل شي فيها حلو
ياسين : 😍 اووووووووووه عرس توا نديرو ؟
ياسمين : مبرووووكـ حليلي منكـ يا جاسم و حضناته و قعدت تبكي
ياسين : لا هكي خربتي العرس معاش تبكي ماما 😭
ياسمين : نبي لاني فرحانة مش مصدقة جاسم فـي يوم حـ يكون عريس
فرح طلعت من الدار زي الهبلة ها شن فــي شن صار نبي نعرف
ياسمين : جاسم حـ يتزوج
و يسكوها عيطة مع بعض و قعدو ينقزو
أني : أن شاء الله يخش راجلكـ و يشوف العار هذا هي تعالى جاسم الجماعة ختشت و خششته الدار
أمي : حــق نسيت بعد غدوا باش تمشي يشوفوكـ أماليها
طــبعا بديت فـي النصايح متع المقابلة الشرعية على اساس ننصحه و أني نالف من راسي
أني : اهم شي تكون مرتاح و ما تتوتر
جاسم : ههههههههههـ و حق ربي ما في حد متوتر غيرك هــي
أني : اااااااااه يا ربي ماهو مرات تتوتر قدامها
جاسم : هيا تتوتر أما اني لا بعدين متعود عليها و هيا مقابلة شرعية بس
أني : هي هي مقابلة بس تي ترعش أكثر من يوم العرس نفسه
و استمر الحديث حلــو الشعور الى  يجي لما تفرح لـي فرحة حــد و بدات كان خوكـ

و بعد مرور يومين مشي جــاسم لـي البنت و دارو المقابلة و طلع فرحان و جوه حلو والحق العيلة أنعجبو بيه و هوا نفس الشي و عاد خاالي أتفق على الفضانية و قالو كل شي على الخفيف و العرس أمتى ما يبو هما و بــدي كل يوم خــوي شاد التليفون و يحكي معاها
أني : جاسم عدل علينا يا راجل من بكري شاد تكلم فيها
جاسم : توا نسكر شويا و نكلمكـ و حدف التليفون ها شن
أني : شن البنت شكلك خديت راحتكـ معاها نبــي نقولكـ مش غدوا الفضانية
جاسم : اي و كل شي واتي قالت أمي
أني : أي بــس أحكيلي شن شعوركـ
و بدي يحكي و أني المهم يحكي معــاي و كان فرحان و كل شويا يضحكـ 😍 و فـ يالعشية
كــان موعد خروج أدالين الساعة 6 كان يوم ثلاثاء
مــشيت نبي نطلعها
خــشيت و وقعت على الورق و خــشيت لـي الدار ما لقيتش البنت
طلعت ضبحت على الممرضة قالت بلكي فـ الحديقة برا طلعت قعدت ندور ما لقيتهاش أصلا ما لقيت حـد وليت لـي الدار فتحت الباب نـسمع فـي صوت تون وين خشيت و كــان فـي ورا الباب ستار و راه حـيط مش عارف علاش محطوط الستار هذاكا و مش عــارف حسيت حاجة غمت عليا لما شفته و نجبد الستارة مــن هــني
و قــلبي يوقف النفس هــرب و كأني واكل كــف  و بـصوت عــالي أدالين 😳 كــانت  .................................................................

#يتبع