أحبته رغم الضروف ( روايات ليبية )

حلقة 14🔥

#أحبته_رغم_الظروف
#الحلقة_الرابعة_عشر

نجبد الستارة مــن هــني
و قــلبي يوقف النفس هــرب و كأني واكل كــف و بـصوت عــالي أدالين 😳 كــانت واقفة مــع ولد بـسم الله الرحمن الرحيم
أدالين : طــه 😳 أصبر حبيبي شوي خيركـ
أني : مــن هذا ؟؟؟ 😡
أدالين : هذا هذا سيف ولد خالتي
أني : شــن و شديت الولد و مــش عارف شن صارلي انفعلت عليه و بديت نضرب و الطبعا القنين طلع شاطر فـي الضرب و بــدينا فـي بعض
أدالين : طـــه خلاااص حبيبي تربح نادو على الدكاترة هذا خيره طــه خلاص
أني : سكـــري فمكـ أنتي 😡 و نجبدها من شعرها و كــيف نبي نطلع بيها نلقى خــالي فـم الباب بــصوت مخلوع دكتور !!
خالد : يالله وجــهكـ و فوق 😡
أني : بــس
خالد : أطلق البنت و فكها منــي
ركبت نــجري و قعدت مقعمز فـي المكتب شـويا خــش و قربع الباب يا ساتر شكلي ودرت 😵
خالد : المشكلة الاولى و قلنا معليش التانية قلنا معليش الثالثة وين يا ولدي هذا شن ؟
أني : خالي شوف أني معاش نبي نخدم هني أعطيني ملفي
خالد : يا ولدي الله يهديكـ شن الكلام هذا
أني : خالي أفهمني عندي مشاكل حاصل فـي مشكلة لـي راس خشمي يعني اليوم و غدوا
و بعد غدوا حـ تلقاني نتعاركـ مع الناس يعني سوى هني سوى برا
خالي : علاش انت من امتى عندكـ مشاكل ؟ أنت طول عمركـ مسالم مع الناس شن الى خلاكـ تتعاركـ مع الى ماشي و مع الى جاي ؟ خيركـ رحت هكي ؟ بعدين شن قصة البنت هاذي ما تقوليش ما تعرفهاش 😡 و ضارب الولد على خاطرها
أني : مزال عندي الاحقية فـي اجازة ؟؟ اسبوع يوم شهر عادي
خالي : أصلا انت امتى خدمت باش تتكلم على الاجازة شن هذا ما فيش حتى كان يحقلكـ
أني : يا ربي شوف خالد و الله لما نحل المشكلة نجي نقولكـ بـس تربح أجازة وحدة ان شاء الله يوم بس
خالي : شوف عندكـ الاسبوع هذا تحل مشكلتكـ ما عرفتش تحلها تجــي تبقها قدامي فاااهم
أني : أن شاء الله  باركـ الله فيكـ  تبي حاجة
خالي : لا حول ولا قوة الا الله ما تنساش غدوا فضانية خوكـ باش تكون حاضر
أني : أن شاء الله هــي تبي حاجة خالي اي حق يا ريت الى صار ما يوصل لـي امي
خالي : سلامتكـ يا ولدي حاضر دير بالكـ
طلعت نـجري لـقيت قدامي سراج : وين يا راجل خيركـ رايح اصفر
أني : غير خليني ما شفتش أدالين ؟؟؟
سراج : واقفة فـي الساحة برا
أني : معاها ولد ؟؟
سراج : لا الى معاها مشي  غــير تعالى نبي نقولكـ
أني : مش وقتكـ بــكل شن فـي
سراج : الولد الى معاها شكله كان صاحبها لانه تقوله انساني و اني نبيه و يبيني و هوا يحبني و نحبه و حـ نتزوجو
أني : ااااااه شن قالت نتزوجو ؟؟؟؟؟؟ تي هيا يقين و ما درتها لابين هاذي
طلعت نجري لقيتها واقفة جنب سيارتي : تعالى جاي يا فرخة انتي
أدالين : اصبر حـ نفهمكـ كــل شي :'( هذا ولد خالتي سيف كـنت قبل مدايره معاه علاقة  و نبيه و كله و كنا حـتى نبو نتزوجو بـس بعد ما تعرفت عليكـ الصراح ارتحتلكـ و نبيكـ أنت و نسيته اصلا و توا شكله سمع بيا جيت هــني و عرف مكاني جــي
أني : ههههههههـ تبيني نصدق أنتي
ادالين : علاش شن قلت باش تكذبني ؟ بعدين حبيبي حني حتى نبو نتزوجو هكي قلتله 😔
أني : أدالين  يا هبلة مدام ولد خالتكـ علاش ما روحتي معاه
أدالين : هكــي نبي نكون معاكـ أنت
أني : و أني ما نبيش نقعد معاكـ تقدري تتصلي بيه و تقوليله يجي يروح بيكـ
أدالين : لا
أني : شوفي اني ما نبيش وحدة كانت تحب حــد غيري أتصلي بيه و قوليله يجي يروح بيكـ
أدالين : طــه مش حـ نسيبكـ
أني : نقدر نولع السيارة و نمشي و نخليكـ فـ سكري فمكـ و اتصلي بيه
أدالين : أنت حـ تروح بيا معاكـ
اني : و حــق ربي يا أدالين الا توا نعطيكـ كــف يخليكـ تتربي من جديد أتصلي نقولكـ 😡
أدالين : حاااضر معاش تكشخ 😵و طلعت التليفون اتصلت بيه مباش يرد عليها مرة أتنين التالتة رد .. الو ... سيف تعالى روح بيا معاكـ ... اسمع اني مش جاية نتودد ليكـ أني نبي نروح ما عنديش وين نروح .. تقدر تتحشم على وجهكـ و تجي ... تمام نستنا .. خلاص أهو جاي
أني : تمام هــي املا اني حـ نمشي
أدالين : طــه اصبر شن تبي تخليني بروحي
أني : جااايكـ ولد خالتكـ شن يعني خلاص نمشي
أدالين : حبيبي نبي نسالكـ
أني : شن
أدالين : أنت علاش عصبت لما شفتني معاه ؟
أني : عصبت شوي لانكـ بنت بعدين ما عرفتاش و كان شاد فـي يدكـ فـ عصبت طبيعي
أدالين : يعني حسب ما فهمت أنكـ تغار
أني : ياااا ربي ترا حولي نبي نركب
ركبت السيارة و قعدت نستنا لــين جاها ولد خاالتها ركبت معاه و مــشت فتحت التليفون و قعدت نقلب فــي الصور لـين جتني صورتي اني ويقين فـي الساحة الخلفية فـي اللحظة هاذيكا كرهــت نفسي قــصدي أني شن درت فـي روحي ضيعت البنت الى تحبني و نحبها غــير شن درت و حدفت التليفون و روحـــت الحوش مجرد ما خشيت الشارع لقيته  زحمه يا ساااتر استتتتر شن فــي لقــيت ربيع متكي على الباب و يضحكـ هوا ولد خالتي فارس طبعا نداد قدمت درست السييارة و ليت نجري خيركم شن فـي زحمة هكي
فاارس : غدوا فضانية جاسم تعرف حـ نديرو فضااانية مش حـ ينساها حد
أني : لحظة هيا فضانية مش بيان
فارس : تــي توا تشوف 😍
أني : باهي الى تتكلمو هكي وينه هوا ؟
ربيع : ووووووووه ههههههههههههههههههههههههههههـ خليني ساكت
فارس : ههههههههههههههههـ هههههههههههههههـ
اني : اشي المهبلة ؟ تي وينه
فارس : داخل علقت عليه حنااي ههههههههههههـ و حق ربي جــو لازم حد يخش معاه  حسيته يدعي علينا
ربيع : انت دفيته اني ما درت شي هههههههههـ خش طــه حرام عليكـ حناي شاده تبخر فيه نحس فيه حـ يبدا يشوف هههههههههـ
أني : شن نخش لالا فكني توا شوي يطلعوه
ربيع : تربح خش حرام عليكـ
أني : فتحت الباب و قلت بــصوت عالي السلاام عليكم
و صــوت البنات مع بعض : و عليكم السلام حــي طه خش خش تفضل
أمي : خش وليدي خــش اهو جاك خوكـ و انت من بكري تعطس تقول عندكـ حساسية من البنات
خــشيت لقيتهم كلهم يا سااااااااتر غبت 3 ساعات من الحوش انقلب هكي و الى تغني و الى تضحكـ و حاله قريب صارلي أغماء ههههههههههـ
حناي : خش يا وليدي خــش
أني : شن حالكـ حناي و سلمت عليها و قعمزت جــنب جاسم
خالتي وداد : مشااااااء الله حتى طــه ولى عريس قــل أعوذ برب الفلق عيني ما أضركـ تعالي يا فتحية شوفي طــه كيف صبح
فتحية : اصبري غير نجيب البخور و كنت مقعمز مقابل دار فرح الى كانت مسكرة
أني : كيف حالكـ حالكـ حناي شن حال صحتكـ
حناي : بشوفتكـ يا وليدي الحمد الله و أنت شن حالكـ
أني : الحمد الله
و قعدت أني وياها نهدرزو شــويا نسمع أمي تقول سلمت ؟؟؟
أني : ااااه شن اي سلمت
وداد : لا يا كبدي ما سلم عليا من بكري يضحكـ و خلاص
و أطريت أنوض نسلم عليهم واااحد واااحد و هما مشاء الله ماهو  شــوي لين دهشت و المشكلة أنهم رايحات مني نقول كيف حالك نسرين تقولي لا منال ااااااه يا ربي
جاسم : طــه طــه
أني : اهو قاعد هههههـ خيركـ و طبست عليه
جاسم : طلعني حناااي شكلها طابة على العطرية الى جنبها و جبداته كلها و جاية تبخر فيا بيه يا راجل بديت نحس فيها تسحر
أني : ههههههههههـ هــي نوض و قمته معااي
حناي : وين مزال ما كملت يا وليدي
أني : حتى هكي ياسر بعدين شن هذا
حناي : هاذي تحمي من العين و الحسد
جاسم : كنت نقدر نقرا سورة الفلق و نعيش سعيد طول عمري يا حناي معااش تصدقي الكلام هذا
حناي : غير قعمز بالكـ
أني : خلاص خلي لـي غدوا ههههههـ هــي تبو حاجة
كلهم : سلامتكم و كــيف نبي نطلع أنفتح باب الدار و طلعت فــرح و وراها ياسمين و بــعدها طلع ياسين شاد خوه و فجــاءة نشبح فـي يد قامت يوسف فــوق قمت راسي لقيها يقين مـتت فـي مكاني
جاسم : طــه تحركـ يا راجل خيركـ
أني : يقين
و هــني مسكينة تلخبطت و قامت راسها لقتني قدامها طــول واطت راسها و خشت
طــلعت أني و جاسم و قعدنا مقعمزين فم الحوش و مــشي الوقت و كله نفصل على ادالين و هيا تعاود و مــع الساعة 12 خشينا لـي  الدار كلنا مع بعض و جونا حــلو و نضحكو
جاسم : شي من بكري نترجا اتصلولي بيها شي
ربيع : يا ودي هاات ماهو حـ تشد تدوي معاها و اتصل بيها و اعطاه و مــا نحكيش شد
فارس : هوا ديما هــكي خوكـ
أني : ههههههههههههههههـ قبل من الساعة 8 ليــن يأذن الفجر 😂 حاله تعرف
فارس  : بس الحمد الله
أني : من ناحية لقي ناس تتقبل تعطيه بنته من غير مواقف بايخة الحمد الله تصدق ولا كانه كفيف عــأدي يتعاملو معاه
فارس : الحمد الله ربي يهنيه
شويا شرين التليفون وكــأنت ادالين لااحقتني للقبر يعني خيرها هاذي . الو
أدالين : من بكري نتصل
أني : شوفــي يا ادالين أنسيني معااااش نبيكـ اقعدي مع ولد خالتكـ تمام أني معاااش نبيكـ
ادالين : الى يسمع يقول كنت قاتل روحكـ عليا شــوف أني مستحيل نسيبكـ نبيك ما صدقت بديت ليا بروحي
أني : اسمعي مــن الاخير كان مزال تبي تلحقيني صدقيني حتى حوش خالتكـ نخليهم يتبرو منكـ فاااهمة
أدالين : هاذي يقين الى خلاتكـ هكي يعني هيا أنخطبت ولا علاش تلحق فيها
أني : يا بنت الناس مالكـ و مااالي نلحق فيها ما نلحقش شوفي رقمي و اسمي انسيهم خيرلكـ و سكرت غطيت راسي و رقدت

و فــي صبح يوم الاربعــاء كــانت الساعة 10 نسمع فـي الدوشه
فرح : نوووض نبي نقيم الفراش ياسركـ نوم
أني : أطلعي برا
فرح : كلهم فاقو و يفطرو نوض نبي نضم
أني : خليني فـي حالي
فرح : ياسين تعالى فيق خالكـ ما باش ينوض
ياسين : خااااااااااااااااااالووووووووووووو و ينقز فوق بطني 😳 نحس فـي كليتي  تحولت من مكانها
أني : نـــــــوض
ياسين : خلاص أهو فاق فتح عيونه و طلع
فرح : هههههههههههههههههههـ حــول هــي
أني : لما تشوفي غير يروحو الناس لما نقتلكـ أطلعي شوفــي الطريق فاضية ولا لا نبي نخش الحمام
يقين : فاااضية تقدر تطلع مع قيمة حاجب
أني : طــبعا استكيت الدقيقة هاذيكا
فرح :انت تمام ؟؟
أني : أي هههه هي نايض و طلعت نجري و ما نسمع غير ضحكة بــصوت عالي وليت نجري وين تحسابي روحكـ أنتي نقصي حسكـ
يقين و فرح : هههههههههههههههـ حاااااضر هههههههههههههههههـ
أني : خيركـ تضحكي
يقين : شي
خــشيت الحمام و خليتهم يضحكو دوشت  و لبست نفس الحوايج و طلعت لـي الدار بدلت
ياسين : خاالو تعالى
أني : شن
ياسين : تعااالى و جبدني و ركبني فـوق الحيط
أني : شن أنديرو هـني خيركـ شن فـي
ياسين : أهوا و نزل يجري
أني : شن تقول و ما نسمع غير صــوت يقين
يقين : قالي أهوا
أني : أنتي شن أديري هني ؟
يقين : أختكـ عزمتني شايفة أن ما عجبكـ وجودي ؟
أني : لا مش هكي بس أنصدمت بعدين اصلا شن دخلني
يقين : عيونها تعبو دمــوع و بانو عليها علامات الغضب و بــصوت واطي اي شن دخلكـ ما دخلكش
أني :  انتي الى اخترتي تكوني مع غيري شن نبي نديركـ
يقين : اااه على اساس اني الى جبت أدالين 
أني : بس و معاش عرفت شن نرد عليها
يقين : ريت مش قادر ترد لانكـ أنت الغالط
اني : بااهي اني شن عرفني انها تفكيرها هكي و حـ تحبني
يقين : ماهو مفروض من الاساس ما حكيتش معاها
أني : باهي شن نبي ندير توا حصلت فيها الله غالب بعدين انتي انخطبتي توا خلاص
يقين : اسمع أني ناديت عليكـ هني باش نقولكـ أن أني مستعدة ندير معاكـ كل شي باش نتخلصو مــن الى اسمها أدالين
أني : كيـف
يقين : شــوف أني ما أنخطبتش بس هذاكا اليوم نحساب انكـ حـ تسيبني قلت أن أني أنخطبت و لما قلت العكس معاش قدرت نقولكـ ان كذبة تحشمت فـ سكتت 😔😔
أني : يقين كنتي تقدري تقولي هذاكا اليوم
يقين : بس عارفة لو قلت هذاكا اليوم كنت حـ تقول عليا غبية
أني :ماهو توا حـ نقول عليكـ ألبرت أينشتاين😡 شــن الغبااء الى عندكـ هذا
يقين : أني مش غبية 😭
أني : تــمام مش غبية تمام
يقين : يعني سامحتني
أني : هوا نقدر نزعل منكـ 😍 ؟
يقين : بجد أسفة عارفة ان الغلط مــني
أني : لالا حشاكـ اصلا اني الى غالط
يقين : نحبكـ
أني : نمـــوت فيكـ 💘
يقين : حبـيبي أني  جاية نبي نقولكـ حاجة يعني تقدر تساعدنا  باش نفتكو من الحرفة هاذي
أني : أجلطيني 😒
يقين : ..................................................................
أني : شــن 😳
و فـي لحظة أكتشفت أن حبيت وحدة غبية رســمي هههههههههههـ

#يتبع