أحبته رغم الضروف ( روايات ليبية )

حلقة 4🔥

#أحبته_رغم_الظروف
#الحلقة_الرابعة

أني : رقم من هذا ؟
جاسم : هيا بنت تعرفت عليها فـي المستشفى ☺ عندكـ
👏 👏 شن تقوووووول 😍 غير من هيا بس
جاسم : أسمها سوسن ☺
أني : ما نعرفهاش الحق لكن شن كيف صار قولي
جاسم : شن صار كل ما نمشي نقعمز عند سراج تقعد تهدرز عليا و الحق أني معجب بيها و قلتلها أعطيني رقمكـ على الاقل مثلا مرة مرة نطمن عليكـ و هيا فرحت و أعطتني الرقم و قالت أتصل بيا أما تبي 😍
أني : أنت معجب بيها و لا تحبها
جاسم : أعوذ بالله أنت خيركـ نقولكـ هيا صديقة بس يعني أنت شكلك كبرت القصة
أني : اها
جاسم : هيا مشاء الله عليها أخلاق و كويسة و الحلو أن تعرف عليا كل شي
أني : متاكد جاسم ما تحبهاش
جاسم : تعرفني خوكـ معقولا هيا صديقة و خلاص
أني : صديقة يعني تقدر تكون صديقتي حتى أني و نتعرف عليها
جاسم : 😠 طه
أني : ههههههههههههـ نبصر عليكـ و الله نبصر 😂 غير نبي نشوف ردت فعلكـ بس
جاسم : اها ☺ هيا اتصل بيها
أني : يا سي ها و أتصلت بيها و أعطيته التليفون
جاسم : الو .. سوسن .. ههه كيف عرفتي ؟ .. أها صح شن حالكـ .. الحمد الله .. شن مدايرة ... اها هههههههـ عطلة صار 😍 .. غير ان شاء الله مش مشغولة ... اها
و أستمر الحديث قريب ساعة و هوا يضحكـ و يبصر 😘

بنظرة لـ أبتسامة أخي نسيت الحزن 😍

و مشي الوقت كله فرغ طلعت قعدت مكسد مع الشباب فـي راس الشارع
عادل : اوووووووه طه واقف فـي راس الزنقة كبيرة
أني : تـي شن أول مرة نوقف
عادل : أول مرة ههههههههـ فعلا أول مرة
أني : هههههههههـ عادي
عادل : اي شن حال الحاجة
أني : الحمد الله بخير .. أي سمعت أن عمي فرج يبي يحول
عادل : ياسر بناته دارو العار فـي الشارع خلي يحول
أني : خيرهم بناته
عادل : شن ما تعرفش بناته معقولا 😒
أحمد : توا طه يبي يعرف بنات فرج تــي خيركـ يا عادل
عادل : اااااااه خليني ساكت كل يوم حاصلين فـي مشكلة معاهم مرة نطلعو فـي الولاد و مرة أبصر شن
أني : عمي فرج !!!!! لا حول ولا قوة الا بالله و الله ما يستاهل
أحمد : شن نسيته حتى عمكـ فرج ما كانش هوين غير كبر توا بس
أني : أسمعو فكونا ذنوبه بالله عليكم و بناته ربي يهديهم و يسترهم
عادل : بكل طه ما يحبش الدوه هاذي
أني : مش حلوة فـي اعراض الناس و أنت تعرف ظروفهم توا
معتز : من بكري ساكت لكن كلمة طه حق مش عارف ظروفهم البنات ما تتكلم
عادل : قصدي أهو ما فيش حد براني ولا أني كنت نكلم فـي وحدة من بناته و أقسم بالله يمكن بعدها البنت تبت معاش حكيت مع ولا وحدة من كثر ما أنصدمت معاها
معتز : أما وحدة ؟؟
عادل : سوسن الممرضة
و هني وجهي تخضر تصفر تحمر شن قال سوسن الممرضة ؟؟ خلاص حسيت حاجة غمت عليا و طول من غير ما نحس على روحي سالته وين تخدم ؟ هاذي
عادل : معاكـ فـي المستشفى
معتز : خيركـ طه
أني : لا بس أذكرت حاجة تبو شي شباب
عادل : سلامتك و عاودها الوقفة هاذي مش تغيب
أني : حاضر ههههههـ هي سلام و خشيت الحوش نجري لقيت جاسم يشحن فـي التليفون و راقد طول شديته و خديت رقمها و سجلته و طول حسيت جاسم فاق قعمزت على السرير و درت روحي طبيعي
جاسم : ربيييع
ربيع : هااااااااا
جاسم : برا لـي الحمام تلقا السروال الى امس كنت لابسه فـيه 20 جني خود 10 و جيب بيها كرت مدااار
ربيع : بس أنت ليبيانا
جاسم : بس نبي كرت مدار
أني : علاش شن تبي فيه
جاسم : سوسن ما عندهاش رصيد
أني : صار ما عندهاش رصيد أسمع جاسم البنت كـ صديقة يعني ما تتعلق بيها و تحبها
جاسم : علاش
أني : غير أسمع كلامي أهي يقين طلع فـي غيري فـي حياتها و أني نحسابها تحبني و حبيتها ( من الى فـي حياتها مش عارف بس هذا الى طلع معاي )
جاسم :  مش عارف توا ندير بالي
و مشي الوقت و مع الساعة 8 أتصل بيا مصطفى :: أني لوطا أنزل
نزلت جري شن فــي
مصطفى : أني ره ما نبيش يقين أنت فهمت الموضوع غلط
أني : أملا شن
مصطفى : شوف الله أعلم بس نبي نفهمكـ و أن شاء الله ربي يسامحني
أني : شن
مصطفى : قبل شفتها تكلم فـي ولد و يجيها و لما سالتها بالبصارة قالت ولد خالتي و هوا الحق كان مكثر عليها المشي و الجي هذا علاش أنصدمت بس أن أني نبيها هههههههههـ تبي نور تقتلني و لا كيف
أني : قصدكـ على مراد صح ولد خالتها و بارد بكل تعرف
مصطفى : هذا علاش و أني معاش كلمتكـ على خاطر الحق تحشمت و معاش عرفت شن نقول
أني : اها يمكن أني فهمت غلط
مصطفى : عادي
أني : أي و توا قولي من نور
مصطفى : حاله أنت كيف تركز يا راجل
أني : غير هيا
مصطفى : بنت عمي و نبيها و تبيني
أني : و من أمتى الكلام هذا
مصطفى : مش هلبا الفترة الى فاتت بس هههههههههههـ
أني : ربي يحفظكم أملا أني نمشي نشوف حالي مع الى طنشتها
مصطفى : ههههههههههـ هي أملا ما نعطلش عليكـ
أني : تمام سلام
و خشيت الحوش وجهي أصفر طول حطيت راسي على المخدة و ما قدرتش نفكر فـي شي رقدت نضت الساعة 8 و نص
أمي : طه يا وليدي أنت تبي ساعة فـي الحمام و 10 تبدل نوض
أني : اي هي توا شوي بس
فرح : طلعت ماما
أني : ديري بالكـ
فرح : حاصر
و نضت دوشت و لبست و نشبح فيها 10 الى خمسه هذا كله فـي الحمام ؟؟؟؟؟!!!!!!!! ههههههـ أول مرة نعطل و طلعت طول و أول ما وصلت لـي المستشفى لقيت يقين واقف قدامي فـي المدخل
أني : صباح الخير
يقين : صباح الخير و خشت
و أول ما قعمزت فـي المكتب نشبح فيها تلم فـي حاجاتها 😳 هاذي خيرها و على خشت بنت كانت شاده البالطو و تشوفلي
أني : تفضلي أختي
يقين : هاذي ورد 🌸 الممرضة البديلة
أني : و علاش أنتي وين تبي تمشي :/ !
يقين : نبي نحول من المستشفى و توا راكبة نبي نقدم أستقالتي
أني : ههههههشن يقين تدوي من جدكـ أنتي
يقين : اي
أني : شن السبب
يقين : مراد معاش يبيني نخدم هني و أني ما نبيش المشاكل
أني : علاش هوا مراد شن دخله
يقين : و أنت شن دخلكـ
أني : عفوا ورد ممكن تطلعي شوي و سكرت الباب
يقين : شن تبي
أني : شديتها على الطاولة
يقين : حول
و هني أنفتح الباب يقين هرب عليها الضي و نطت مراد أمتى جيت ؟
مراد : شن كنتي أديري و من هذا
يقين : مراد ههههههههـ خيركـ حبيبي هذا الدكتور الى نخدم معاه
مراد : 😡 أني شن قلت عليه و أصلا شن قلتلكـ على الخدمة من الاساس يقين تكسري فـي كلمتي
أني : و علاش من تكون راجلها خوها بوها شن دخلكـ فيها مع من تخدم أنت
يقين : دكتور أسكت
أني : أني من غير دكتوركـ نحبكـ و نبيكـ و أنتي تبيني علاش تكذبي
مراد : شن !!! و طول من غير نقاش وخر بالكرسي و خدفه عليا و مش عارف أني شن درت المهم ضربته و انقلبت الدنيا و الحق نحس فـي نفسي نتحركـ و خلاص نار من داخل تاكل فيا
سراج : طه خلاااص يا راجل أطلقه 😳
أني : يقين معاش تقربها فاهم
مراد : و يجبد يقين من حوايجها و يطلع
مصطفى : خلاص طه فوته هوا ولد خالتها
سراج : هههههههههههـ اما طه ما يطلع منه
مصطفى : خلاص
و شويا نشوف فـي هوازن جاية لولولولولــي ضعت هاذي أكيد باعتها المدير
هوازن : يبيكـ الدكتور خالد
أني : اي راكب
سراج : ما تخافش توا نلم حاجاتكـ هههههههههـ
أني : سكر فمكـ و ركبت نجري لقيت المدير بسم الله الرحمن الرحيم
خالد : كان قالو دكتور عمران دكتور صادق نقولو طه طه معقولا يا ولدي
أني : و الله شن نبي نقول هذا الى صار
خالد : كيف الحل
أني : الى تراه مناسب
خالد : قصدي قدام المرضة متاعكـ تضرب و تعيط مش عيب يا ولدي
أني : سامحني و الله هذا الى صار
خالد :  باهي شن هيا المشكلة
أني : لا هوا وااحد من برا متعاركـ معاه و خشلي
خالد : سالمة تندري أنكـ متعاركـ مع حد
أني : و راسكـ خالي ما تقوللهاش
خالد : اني جايكـ  اليوم و توا نشوف شن هيا المشكلة
أني : به
خالد : شوف ولدي رد بالكـ من المشاكل ما ترعشناش
أني : حاضر اااااااا خالي
خالد : شن تبي
أني : يقين الى تخدم معاي كان قالت تبي أستقاله قوللها لا
خالد : علاش خيرهاهيا
أني : هيا ولد خالتها مدرهلها كبدها و يبيها تحول من المستشفى و الحق أني تعودت عليها
و يجيني الرد القوي : تعودت ولا تبيها مع قيمة حاجب
أني : ههههههههههههـ لالا شن الدوه هاذي
خالد : باهي به توا نشوف كان جت نتفاهم معاها
أني : باركـ الله فيكـ و طلعت لقيت مصطفى و سراج طبعا سراج وجه شماته بكل
سراج : لميت كل شي هههههههههه
أني : حصلت فـي مشكلة خالي حـ يقول لـي أمي على المشكلة
سراج : عادي عندنا دار فاضية فـي الحوش تقدر تتفضل عندنا
أني : بكل أنت ره و مشيت لـي المكتب و أتصلت بـ يقين شي ما بتش ترد
بديت نخدم و كانو كلهم مراجعة يعني  فيسع فيسع و أول ما كملت الدوام روحت لـي الحوش حطيت راسي على المخدة طق باب الدار
ربيع : مليحة العركة اليوم ههههههههههـ
أني : كيف عرفت
ربيع : هات فايف نقولكـ
أني : أمشي اقلب وجهكـ
و مشي الوقت و أني كله نتصل بـ يقين ما تردش لــي الساعة 6 ردت عليا
يقين : تعرف من الساعة 3 واقفين فـي المستشفى
أني : علاش خيركـ شن في
يقين : حضرة جنابكـ ما تعرف بـ شي عندكـ علم وذنه من حين روح دم
أني : ههههههههههههههههـ أن شاء الله ينطرش
يقين : هذا حبيبي لـ علمكـ 😒
أني : يقين ألى أديري فيه غلط
دع لـي أخطائي و شـــأنها فأن وقعت لـن أؤذي الا نفسي و أن نهضت لن يعلو شأنكـ معي  الزبدة ما دخلكش وسكرت عليا
أني : اااااااااااه منكـ و خلاص
و طلعت طول قعمزت فـي القهوة و كلهم كانو وجهم مقلوب ههههههههههـ خيرهم هاذم
طلعت طول لـي المستشفى خشيت لقيت يقين كيف طالعة
يقين: علاش جاي
أني : بنشوفكـ
يقين : بلا حركات صغار
أني : ههههههههههههـ ترا نشوفه الى وذنه دم
يقين : أطلع برا
أني : جبدتها من يدها و طلعت برا قعمزت أني وياها فـي الساحة .. شوفي شن رايكـ تنسي الى صار قبل و نبدو صفحة جديدة
يقين : ما نبيش نفتح صفحة مع واحد غبي زيكـ
أني : أنتي الى حمارة
يقين : ههههههههههـ :'( حرام عليكـ
أني : ههههههههههـ نحبكـ بس الى صار كان أقوى مني بس نوعدكـ معاش ولا حاجة تفرقنا
يقين : مش حـ نقدر نوثق فيكـ أنت أصلا مش مسؤول
أني : مسؤول على عيلة كاملة أم و زوز ولاد و بنت يعني تقدري توثقي فيا
يقين : شافتلي و عيونها دموع
أني : :( أول مرة و أخر مرة حبيبكـ أني
يقين : مشناكـ 😭 أخر مرة ره بعدها معاش نسامحكـ
أني : حاضر نحبكـ أني
يقين : حتى أني
أني : مش تحبي مراد
يقين : ولد خالتي هوا يعني زي خوي
أني : به توا نشوف موضوعه مراد أني قولي شن حالكـ
يقين : أستاااحشتكـ 😭
أني : حتى أني هههههههههههـ
يقين : و طلعت تضرب مليح
أني : ما تبيش تعرفي علاش خليتكـ
يقين : نعرف على خاطر مصطفى جاني و قالي القصة هذاكا اليوم
أني : 😘 فضحني
يقين : طه
أني : عيونه
يقين : درت غلطة
أني : شن درتي
يقين :........................................
أني : كيييييييييف 😳
يقين : 😭 😭

#يتبع