#احبته_رغم_الظروف
#الحلقة_الاخيــرة
يقين : طـه انت كنت تمشيلها ادالين ديما صح ؟
اني : اي و شديتلها يدها
يقين : علاش ؟
ااني : هكي كفر
يقين : طيب اني بعتتلي سناء صوركم مع بعض
اني : عادي
يقين : مش حـ تقولي اسف
اني : اسف
يقين : سامحتكـ
اني : مسرع
يقين : اي ماهو الحامل مش كويس عليها الزعــل هلبا ☺
اني : ههههههههههههههههههههههههـ شن 😳 شــن هههههههههههههـ شن قلتي 😳
يقين : توا انت ما شاء الله وذانكـ زي الصحن الاقط تسمع في كل شي جت على هاذي ما تسمعش كويس اي يا ودي حــامل 😍
اني : ههههههههههههـ بجــديات حامل راهو بنطلع بنقول لي امي
يقين : لا نبيها مفاجئة مش توا و هيا مزال ما كملت كلامها فتحت باب الدار و قلت ياااام يااام
يقين : يا ربي صبرني صار اني الهبلة
امي : خيركـ شن فــي 😨 و جتني تجري خيركـ شن في
اني : يــقين
امي : خيرها 😱
و لما نبي نقوللها حــامل معاش عارفت تلكمست و قعدت نشوفلها و متحشم شن نقوللها حامل بايخة لالا تقوللها هيا و طبعا يقين حست بيا متحشم جت و اتكت على كثفي و قالتلي قوللها و مع قيمة حاجب
امــي : يا همي احكــو شن في خيركـ يا بنتي مريضة
يقين : هوا يبي يقولكـ
امي : خيرها يا وليدي احكي رعشتني
اني : بعيد السو عليكـ يام بس هيا يعني قولي انتي
يقين : لا مش مقايلة و مشت و خلتني
امي : تعالى يا ولدي شن في خيركـ تحشمت خيرها
اني : يعني احم يا ربي كيف نبي نقوللها .. هيا يعني اني لا يا قصدي هيا
جت يقين من ورا ماما و قالتلها متحشم منكـ ره يا خالتي
امي : توا طول عمركـ وجهكـ صحيح جت في هاذي ادوي خيرها البنت
اني : احم حــامل
امي : ها الليلة المباركة مصلي على النبي لـــولولولولولولولولولــي توا على خاطر هاذي متحشم يعطيكـ الهني يا وليدي فرحتني
اني : ☺ ☺☺ خلاص تصبحو على خير
يقين : تحشم هههههههههههههههـ اول مرة نشوف طه هكي
طلــعو الجماعة الى في الديار خيركم شن في
فرح : شن فــو احكــو
امي : يقين حـــامل 😍😍
فرح : لالالالالا قصدكـ يا فرخة حامل هههههههههههههههـ
يقين : اي حامل 😍
فرح : ههههههههههههـ حيوانة مبروكـ لالالا هاذي تبي كيكة و تــوا
امي : سلمها يا ربي قنونها
ربيع : معاش فهمت شي شن مبروكـ و حامل من حامل
امي : يا سلمها يقين مرت خوكـ
ربيع : اوووووووووووه بجديات بابا طــه
اني : بطل شن بابا
ربيع : مبروكـ يا راجل
اني : الله يباركـ فيكـ
جاسم : قل اعوذ برب الفلق مبروكـ طــه
اني : الله يباركـ فيكـ
و على صــوت الدوشــه و الفرحة في الحوش شرين الارضي
فرح : اششششششششش ان شاء الله خير حي حي هاذي ياسمين خيرها ,... الو ياسمين
يقين : حولي نبي نسمع معاكـ شن في
ياسين : ماما دابت ماما دابت
يقين : شن شن جاااااااااااااااااابت 😍
ياسين : اي ماما دابــت نيه قالتلكـ عمتي و توا عمتي قعدة معانا
فرح : لولولولولولولولولولولـــــــــــــــي ياا ماما ياسمين جــااااابت 💗
ماما : لولولولولولولولولـــــــــــــي الحمد الله الحمد الله نوووض يا ربيع ارفعني مصلي على النبي
جاسم : ههههههههههههههـ قصدكـ جابت مبرووكـ
فرح : استنو نبي نبدل
يقين : حول حول سلم طــه عبايتي وييييييييييييييين 😍👏 لولولولولولولولـــي
ربيع : حي حي هههههههههههههـ شدت في بنت اخت 😍
و الجماعة بدلــت و مــشو كلهم يــجرو لي ياسمين في المستشفى في عز الليل و قعدت اني و جاسم في الحوش
جاسم : سبحان الله الحاجات الحلوة جت جرت بعضها 😍
اني : اي الحمد الله 💗💗 تصدق قداش ليا ما فرحتش هكي الحمد الله
جاسم : الـــحمد الله الحمد الله ههههههههههـ حتى النوم طار
أنت تقرأ
أحبته رغم الضروف ( روايات ليبية )
Romanceجمعتهم صدفة و تطورت لتصبح حب و لكن الضروف دائما امامهم ؟ فما مصير حبهم ؟ وما هي الضروف ؟ رواية من داخل المجتمع الليبي 🔥 للكاتبة : الاء
