أحبته رغم الضروف ( روايات ليبية )

حلقة 11🔥

#أحبته_رغم_الظروف
#الحلقة_الحادية_عشر

أني : شن تبي مني بالزبط
أدالين : نبيكـ أني نحبكـ 😍 و نمــوت فيكـ
و مــا نســمع غير فـي صيحة تلفتت 😨 يقيـــن لالالا يا بنت الحلال باعدي عليها
طــبعا أني ما شفت غير يقين نقزت عــلى البنت و طاحت فيها ترييش 😂
أدالين : حولــي حسبي الله و نعم الوكيل فيكـ كان جنبي لا بينا لا علينا 😡 من وين طلعتي أنتي
و يقين فيك فم و تقولــي جنبي تلفتت و عيونها حمر و بـ تكشيخ أنت و ناضتلي
أدالين : أطلعي من حياتنا كان يحبني و نحبه
يقين : أنتي خيركـ يا بنت و قامت كمامها و خدت رشادة كبيرة و تجيبها فــي راس أدالين البنت فـي مكانها طاحت
أني : أدالين 😨
يقين : تلفتت زي الجــن باااعد عليها خليها تموت 😡 و شدت رشادة تانية و تــقولي بااعد عليها و لا وحــق ربي نحدفكـ بيها
أني : يقين حبيبتي أهدي خيركـ يا عمري أهدي البنت راسها دم كما تموت
يقين : و ماتت أنت شن واجعكـ و بدت تقرب مــني
أني : يا يقين يا حبيبتي البنت حـ تموت
يقين : اي و ماتت أنت شــن واااجعكـ و بعدين أني نبيها تموت أنت برا خليها
أني : مستحيل نخليها 😡 و أنتي شن الهبال هذا حولي الرشادة من يدكـ
يقين : اي و الله و أني حـ نسمع الكلام 😡 ما فيــش تبي تمسها أنساني
حــسيت يقين فـي اللحظة هاذيكا مش طبيعية بــكل و من غير ما نفكر قدمـــت و قمت أدالين الى كانت نازفة هلبا و حطيتها فـي السيارة و طرت بيها لـي المستشفى و أول ما خشيت
مصطفى : خير طــه من هاذي
أني : بنت بنت حصلت خبطة بـ رشادة على راسها و صارلها نزيف و ييين الدكتور فيسع
مصطفى : بــس الاسم و التوقيع ما نقدرش
أني : كله علـــيا خشش البنت ليها قريب ربع ساعة تنزف و حطيتها على السرير و خشو بيها الدكاترة و قعدت أني علــى أعصابي برا
شويا نشوف فـي يقين جــاية
يقين : ها شن صار فيها ماتت ولا مزال
أني : هذا شن الى درتيه و شن الاسلوب هذا خيركـ هبلتي ؟
يقين : أي هبلت
أني : صدقيني لو البنت فاقت و شكت عليكـ مش حـ نوقف معاكـ تعرفي علاش لانه الى درتيه هــبال
يقين : ما توقفش مــعاي مش ملزم بيا أصلا خليكـ مع أدالين
أني : استغفر الله يا ربي و نشوف فـ الدكتور طالع من غير ما نحس على روحي شديت فيه ها طمني
الدكتور : النزيف قدرنا نسيطرو عليه بــس البنت فـي غيبوبة
أني : لا حول ولا قوة الا بالله تفضلي عجبكـ توا
يقين : هع كنت نبيها تموت بـس حتى الغيبوبة يشكرو فيها
أني : هبلتي يا بنت شن تقولي أنتي هذا كله محبة
يقين : محبة على الفاضي شن الفايدة و طبست راسها جت عينها عــلى الحديدة عيونها تعبو دموع
أني : يقين لـو خلتيني نحل مشكلتي بروحــي خير قصدي أنتي الى درتيه عملة توا لما تفيق نقعدو نترجو فيها باش ما تشكي عليكـ
يقين : أسفة ما كناش نبو نحلو المشكلة هكي غير أني عصبت شوي
أني : شوي شوي عصبتي هلبا البنت داخل فـي غيبوبة ره
يقين : نحبكـ
أني : خلاص روحــي كان صارت حاجة توا نكلمكـ
يقين : تمام و مــشت

و بــعد مرور أســـبوعين فــاقت أدالين و بدي حالها بـاهي و فــي يوم كـــان خــميس خشيت عــلى أدالين و معاي باقة ورد
أدالين : طــه
أني : شن حالكـ اليوم
أدالين : بـ شوفتكـ بديت أحسن
أني : معاش رايكـ يوجع فيكـ :)
أدالين :هوا الى يشوفكـ مزال توجعة حاجة يا حليلي منكـ
أني : شفتكـ تعلمتي كلام
أدالين : اي 😍 الباقة ليا
أني : أي هههههههـ قال الدكتور تبي 3 4 أيام باش تروحــي
أدالين : حبيبي بـس نبي نشكي فيها يقين ره
أني : علااااااااااااش تبي تشكي
أدالين : و الله تبيني نكذب و نقول طحت لالا نشكي فيها و خليها تباعد علبنا
أني : شــن تباعد علينا هوا من أمتى حني مع بعض شــوفي يا بنت 😠 الناس تبي أديري فينا خير و ما تشكيش باركـ الله فيكـ أما تباعد علينا و أبصر شن 😡 ما فيش
أدالين : أنت هكــي هههههههـ شوف يا طيب ما تبيش حبيبتكـ تخش الحبس و ما نشكيش عليها أدير معاي علاقة
أني : علاقة شن
أدالين : يعني مقابل أنها ما تنحبس حـ تباعد عليها و تنساها لانه عارفة أنكـ تحبها
أني : أنتي خيركـ بالزبط شن يوجع فيكـ ما فيش أني و يقين لـي بعض مش أنتي الى تفرقينا
أدالين : و الله عندكـ من اليوم لـي 100 عام تدوي و الله ما يهمني المهم هذا شرطي تبيها ما تنحبس تنساها و تكون معاي
أني : مستحيل
أدالين : خلاص تنحبس هههههههههـ 😂
طــلعت من أدالين و أني جسمي كله شوكـ شوكـ نفكر كيف نبي ندير طلعت لقيت سراج يمكن كان المفر متاعي طــول : أسمع دبر معاي حل أدالين هاذي تبيني ننتحر ولا كيف
سراج : ههههههههههـخيرها
أني : يا ننسا  يقين و نقعد معاها يا يقين تنحبس
سراج : ههههههههههـ قول والله
أني : و حق لا اله الا الله شفتها ( طبعا سراج و مصطفى يعرفو أن يقين ضاربة أدالين بـس المستشفى واخدينا على اساس داخت و طاحت )
سراج : و الله بنات ألمانيا ماهو هوينات توا كيف تبي أدير
أني : مش عارف
سراج : ما عندكش غير أنكـ تسمع كلامها
أني : مستحيل نتخلى عليها يقين أفهم
سراج : تبيها تبات فـي الحبوس 😡 أسمع فكر شوي خلاص أنت فـي الحالتين خاسر يقين شن تبي أدير
أني : مــش عارف
و روحت الحوش ما كلمت حــد تغطيت و قعدت نفكر طلعت التليفون فتحت الفيس بعتلها يقين ممكن نشوفكـ اليوم
يقين: اي عــادي وين تبي تشوفني ؟
أني : اي مكــان شن رايكـ فــي ..........؟
يقين : تمام الساعة 6 بااهي
أني : تمام
و مشـــي الوقت ولما جــت الساعة 5 و نص دوشت و لــبست و مــشيت وين ما أتفقنا
لقيتها واقفة تستنا
أني : شــوفي ما نبيش نطول جاي نبي نقولكـ حاجة و نمشي
يقين : شن جاي تبي تقول
أني : اني وياكـ مش لـي بعض
يقين : كــيف ؟
أني : خلاص أني وياكـ مش مناسبين لـي بعض الحق
يقين : على خاطرها صــح
أني : أي على خاطرها و أني نبيها و نحبها
يقين : تحبها ؟
أني : أي
يقين : أمممممممممممم
أني : خيركـ
يقين : :) أصبر عليا بس و كان ما خليتكـ تندم يا طــه
أني : و الله
و نــسمع واحــد يقولــي طــه
تلفتت تفــضل خوي
الشاب : ............................................
و مــن غير ما نحس على روحــي تلفتت لـي يقين و بــصوت عالــي ....................

#يتبع