أحبته رغم الضروف ( روايات ليبية )

حلقة 18🔥

#أحبته_رغم_الظروف
#الحلقة_الثامنة_عشر

قعدنا نهدرزو فم الحوش و نضحكو و جونا حــلو لين شويا مصطفى يقول : حـي حي طه طــه
اني : خيركـ شن في
مصطفى : قعد يلفلي في وجهي
أني : تلفتت 😨 و نلقى ادالين يااااا ربااااااااااه هاذي شن تبي مني
ادالين : طــه ممكن تجي شويا
أني : مشيتلها نجري انتي شن اديري هني شن تبي مني
ادالين : انت بـ عقلكـ ولا بلاه ؟؟ اني نحبكـ و نبيكـ و مستحيل نخلي الحيوانة الى اسمها يقين تاخدكـ مني
أني : احترمي نفسكـ لـ يجيكـ كف توا 😡 أطلعي من حياتي شن درتلكـ اني واكلكـ رزقكـ شي ؟ لا ولا خلاص علاش جاية خليني نرتاح حرام عليكـ
سراج : لحظة لحظة أنت تترجا فيها ولا كيف .. هي ادالين اسمعي يا بنت الناس خليكـ بعيدة عليه فااهمة و لا و حق ربي نخليكـ طول عمركـ نادمة و تندبي فااهمة
ادالين : اول شي ما حكيتش معاكـ و انت اصلا شن دخلكـ فيه
سراج : ايااااااااه انتي تبي يقين تجي تعطيكـ على راسكـ
اني : لالا فكنا انت تعرفها كيف تحمق تبدا زي الصغار ما تعرف شي تضرب و تحدف و خلاص
مصطفى : يا اختي يا بنت الحلال خلي الراجل على حاله و انتي ان شاء الله تحصلي واحد خير منه و يبيكـ و تبيه ياا عالي يا كريم و حق ربي حـ ندعيلكـ كل يوم غير خليه
كــنت نشوفلها و نشوف لـي الشباب كيف يكلمو فيها و غير بري و خليه 
ادالين : صدقني يا طــه مش حـ تتهنى و هااا كان ما خليتكـ تترجا فيا هااا و ركبت سيارتها و مشت
ربيع : يا ساتر يا ساتر 😳 هذا شن
مصطفى : طبيعي بنت حـ تكون سم هاري
اني : لا حول ولا قوة الا بالله هكي شي المهم ما نفرحش فرحة كاملة ضروري من التنكيد و لازم ما نقلق
سراج : تــي قصدكـ خايف ادير حاجة ولا كيف
اني : مش عارف بس و الله مش مطمن
ربيع : اسمع خودها مني عمركـ ما تخاف من بنت مهما دارت مش حـ تأذيكـ و حـ تاذي نفسها بس ره
سراج : و من وين عرفت هذا كله ؟
ربيع : فرح ديما هكي و الله لما نديرلكم و لما تشوفو و لما ابصر شن و في الاخير مسكينة تاكلها فـي روحها و تسكت و كان دارت حاجة تولي عليها وقتي 😂
جاسم : صح ههههههههههـ
مصطفى : يالله يالله فكونا و خلي نطلعو نفرحو شوي اخر ايام عزوبية طه 😂 وووووه مسكين
اني : علاش مسكين عادي شن فيها
جاسم : الو طــه روح ياسر لـي توا ساهر برا شن ادير و حي كان نسيت عيد ميلادها و لا عيد زواجكم صدقني اسبوع و انت تجيب فـي الورد باش ترضا 😂
اني : لالا يقين مش هكي 
سراج : اياااااااااه توا تشوف
اني : اسمعو بطلو
جاسم : حــي شكله زعل ولا خاف
اني : و علاش نبي نخاف مش خايف و سكتت سكتت اسمعو قصدكم بـ جديات كان نسيت عيد ميلادها تزعل هلبا
ربيع : اييييييييه 😂 و عاد انت ابدا بزعق الفلوس باش ترضا
اني : يا ربي هوا امتى عيد ميلادها
مصطفى : حـي عليكـ كان سالتها تزعل و حق ربي
اني : بااهي كيف نبي نعرف ؟
ربيع : شوف رخصتها ولا البطاقة الشخصية 😂
اني : توا نشوف هههههههههههـ
و مشي الوقت و مـــشو الايام و جــي يوم الخميس قبل العصر بـ شوي
يقين : شن مزال ما قريتوش الفاااتحة
أني : باهي توا كيف نبو نطلعو خيركـ تنقي
يقين : الحق عليا برا ان شاء الله الشيخ ينبح و لا يهرب صوته وقت يبي يقرا الفاتحة و اقعد هكي باااهي
اني : اااااااااااه يا ربي صبرني
يقين : شن قلت
اني : لا شي شن حالكـ
يقين : الحمد الله
خالي : انت نبتت فـي الدار هيا اطلع
أني : شويا بس خالي هيا سكري
يقين : تبو تمشو
اني : شن رايكـ يعني
يقين : يا حليلي مش مصدقة اييييييييييييييييييييه يا ربي يا ربي مش مصدقة
اني : غبية 😂💘
يقين : توتو حبيبي
اني : شن قلت عليه توتو اني
يقين : نحبكـ
اني : 💝 نــموت فيكـ
خالي : مووت ترفعكـ انت وياها اطلع
اني : باااهي يا خالي دقيقة بس هههههههههـ هي سلام
يقين : سلاام دير بالكـ على روحكـ و اول ما تقرو الفاتحة ابعتلي رسالة تمام
اني : ههههههههـ حاضر
و سكرت منها و طلعت نجري
مصطفى : طيب فيكـ شن كنت ادير داخل من بكري انراجو
سراج : حرام عليكـ تحرج فيه هكــي 😂
ربيع : مسكين طــه من الفرحة من اول ما ناض و هوا يبتسم و يضحكـ
حناي :وينه وليدي طــه تعالى
ربيع : هي السلام عليكم و طلع يجري
جاسم : وين الباب وين الباب 😵 طلعوني
سراج : اطلع و اني وراكـ و دفو بعضهم و خلوني
حناي : تعالى جاي ربي يفتح عليكـ و يهنيكـ ياا عالي يا كريم و يبعد عليكـ ولاد وبنات الحرام و يحفظكـ من كل حاسد و حاقد و قعدت تبخر فيا
اني : يااا رب ينادو عليا يااااا رب ينادو عليا 😞 يااا ربي هذا شن الدخان
خالي : هيا يا طــه اطلع
طبعا زي الصاروخ طلعت نجري و فرحان
ربيع : بالشويا بالشويا هي اركب
اني : حول نسوق اني ☺
شويا نسمع فــي واحد أيعيطـ تلفتت لقيت ياسين واقف فم الباب و يبكي
ياسين : بلا خزي عليكـ باااهي
أني : خيركـ شن في و نزلت نجري
ياسين : نمشي معاكم 😭
اني : هي اركب معاي معاش تبكي انت راجل
ياسين : بـ نبكي و اني راجل 😡
ربيع : ايوا يا بو لسان انت شن جابكـ هني
ياسين : خالي جابني
ربيع : قلت ما فيش مشي ولا
ياسين : اااااااااااااااه يا ربي صبرني قبل لا نقتل ربوع ياااا رب
سراج : اشيييييييي شن قال هههههههههههههههـ
ربيع : معاش فـي خالي نديرو سباق فاهم
ياسين : بخ يقين تلعب مليح و خالي عنده اكس بوكس حلو و انت اقعد دور مع من تلعب
ربيع : باااهي يا ياسين به
و خليتهم يتناقرو و مشينا لـي الجامع و صلينا العصـــر شويا ضبح علينا الشيخ و قرينا الفاتحة 😍 كــنت فـي اللحظة هاذيكا يمكــن اسعد انسان على وجه الارض مــش مصدق ان خلاص يقين بدت مرتي البنت الى طول عمري نحلم بـيها 💗 و قعدو الناس يباركو و اني كله مبتسم و خلاص و نقول الله يباركـ فيكـ ان شاء الله و كاني مخدر ما نندري على شي و ما حسيت الا بـ ربيع الى نقز على ظهري
ربيع : اووووووووه مبروووووكـ
أني : ههههههههههههـ الله يباركـ الفيكـ 😍
و طلعنا من الجامع و الحق اول مرة نرقص فــي النوبة 😂 وركبنا السيارات و مشينا فم الحوش و ضربت النوبة مــن جديد
جاسم : ربي يهنيكـ 😍
أني : امــين يا رب و عقبالكـ زي اليوم ان شاء الله
جاسم : ان شاء الله يا رب
مصطفى : من الفرحة نسيت نباركـ مــبروكـ و ربي يهنيكـ يا رب 😍
اني : ههههههههـ امين يا رب و عقبالكـ حتى انت
مصطفى : ادعي امي مزال ما تبيش تزوجني هههههههههههـ
سراج : ههههههههههههههههـ أمكـ تنادي عليكـ خش
أني : توا حـ تبدا تبكي
جاسم : خش يا طه عادي حتى كان بكت
خشيت نجــري
امي : ربي يهنيكـ يا عاالي يا كريم :'( مسرع كبرت و رحت عريس :'(
اني : يام خيركـ تبكي ؟ و حضنتها
امي : فرحانة بيكـ يا كبدي ربي ما يحرمني منكـ
اني : ولا يحرمني مــنكـ يا رب 😍هياا عاد اضحكي العسل ما يبكيش
امي : ههههههههههـ بطل عسل شن
اني : انتي مش غير عســل انتي تهبلي 😍صح ولا ربيع
ربيع : تــي ما فيش منكـ بكل يام ربي ما يحرمنا منكـ
أمي : خلاص انت وياه ما فيكم غير السان هههههههههههـ
اني : يا حليلي منها الى تحشمت 😘 و بست على راسها تلفتت نلقى فرح عيونها معبيات دموع و تبتسم
فرح : طــه
اني : عيون طــه قلبه ما تبكيش و حضنتها
فرح : مش تنسا اختكـ
اني : كيف ننساكـ و انتي وجه النكد الى نحبه هههههههههههـ
فرح : ههههههههههههههـ مبردكـ ربي يهنيكـ 😍
اني : باركـ لله فيكـ💘
و سلمت على باقي العيلة و الى تزغرط و الى تغني و الى تدعيلي و طلعت برا
اتصلت بـ يقين
يقين : 💘 نحبكـ
اني : يا ربي صبرني لـي يوم الاحد الجاااي ياااااربي
يقين : اصبر زي ما صبرت قبل
اني : نحبكـ مش مصدق تعرفي
يقين : على اساس اني الى مصدقة من اول ما قالو قرو الفاتحة و اني نضرب فـي روحي و نقول شكلي نحلم ههههههههههـ مش مصدقة
حــكيت معاها شويا و سكرت كــان شعور لا يوصف 💓
و استمرو الايام و درنا العرس و كل يوم قالبينها فـي هذاكا الليل 👏 لــين جــي يوم الاحد و كانت الساعة 6 العشية كان الحوش فــاضي 😍 ليا بروحي خشيت اني و ربيع لـي هذايكا التلاجة الى معبية و قعدنا ناكلو
ربيع : و اخيرا كليت باهي
اني : حتى اني ههههههههههههـ ما فيش حد
ربيع : انت شويا و خش البس باش تمشي
اني : اي اي اسكت 😂 هيا توا اكيد جعانةخلي نتصل بيها و نشوفها ... الو يقين
يقين :  الو حبيبي
اني : شن اديري
يقين : فـي شعري شن فــو
أني : كليتي ؟
يقين : بالله ما اذكرني جعانة من الصبح تعرف
اني : ههههههههههههـ امممم اني توا ناكل
يقين: خزي عليكـ شن تاكل
اني : هلبا حاجات
يقين : سكرت فـي وجهي
اني : هههههههههههههههههههـ وووه و الله حسيت بيها جعانة
ربيع : تعرف يصخفو فيا مرات قصدي و فـي الليل تقعد متحشمه تاكل قدامكـ
اني : هههههههههههههههههـ خليهم 😂
و قعدت اني وياه ناكلو و شادين عمكم النت لــين خشت علينا نسرين
نسرين : خلعتوني شن اديرو هني
اني : انتي شن اديري هني
نسرين : جاية نبي اميه
ربيع : مشااااء الله يا نسرين رحتي طرف
نسرين : طه كلم خوكـ
اني : بطل شن الكلام هذا
ربيع : تراا يااا مشااااء الله على ملامحكـ طرفوشه
نسرين : بطل سخافة احترم ان اني اكبر منكـ
ربيع : شاده اكبر مني اكبر مني اكبر من بـ 3 ساعات بس ره
نسرين : عاادي المهم جيت قبلكـ
أني : من لما كنتو صغار و انتو على نفس الموضوع خلي نخش ندوش قبل لا يجو الباقي
نسرين : ربيع
ربيع : ها
نسرين : حتى كان اكبر منكـ ما تزعلش
ربيع : و من قالكـ زعلان
نسرين : وااضح عليكـ لين مضايق من الموضوع و يشرين تليفونها .. ههههههـ انتو برو شن تبو اديرو و قعددت شاده التليفون
ربيع : من الى يتصل بيكـ
أني : شن دخلكـ فيها انت
ربيع : شن شن دخلني حول و جبد منها التليفون
نسرين : بطللللللللللللل و حول يدكـ و خداته منه
ربيع : من هوا
اني : اطلع شن دخلنا فيها و جبته لـي الدار
ربيع : ما تتحشم 😡
اني : شن شكلكـ تبيها
ربيع : لا بس علاش تكلم في واحد
اني : فكك منها اكبر منكـ
ربيع : ما هياش اكبر مني
اني : باهي به ههههههههههـ و طلعت دوشت بسرعة و لبست و طلعت لــبست الجاكيت
ربيع : ايوا ايوا تعالى نديرلكـ ريحة
اني : هااا و بخلي منها
و طلعنا  و مــشي الوقت كله هياجة برا لــين اتصلت بيا امي : هيا يا وليدي راهي 9 و نص وينكـ
اني : حااااضر يام دقيقة بـس 😍
و اول ما وصلنا فم الحوش ركبو و مشينا بــيب بيــب لــي فم الصاله اتصلت بيها هيا اطلعي
يقين : تبصرهههههههههههـ
اني : شن نبي اطلعي هيا ما نبيش نقعد فم الصاله
يقين : انت خيركـ مزال ما خشييت 😂
اني : نعــم
يقين : شن نعم نخش بروحــي هكي
اني : عادي شن فيها هيا يا بنت الناس
يقين : انت حـ تخششني
اني  : بـ عقلكـ
يقين : هذا هوا
اني : مش حـ نخش معاكـ فسط النساوين
يقين : طــــــــــــــــــــــــــــــــــــــــــه
اني : خاش خاش خيركـ ثواني و نكون داخل 😨
و خشيت زيني زي الفالح و اول ما شفتها قلبي وقف 💘 تباركـ الرحمن
يقين : توتو
اني : هههههههههـ معاش تقوليها فاااهمة مشااااء الله
يقين : شكرا هــي نخشو
أني : حبيبي خش و اني نستناكـ هني
يقين :لالا خش معاي
و شديت فــي يدها و خشينا مــع بعض و التزغريط و الغني كــنت الحق متحشم كلهم بنات و شاد فـي يقين تقول ولد صغير و اول ما وصلت قعمزت وقعمزت جنبها شـوي و بدلت مــكان الخاتم و هــيا نفس الشي 😍 قصينا التورته 😍 و طلعت
شــويا و طــلعت لا دموع لا شي غريبة 😂
يقين : بلقـــيس بااااي و حضنتها و هيا قريب اطير من الفرحة
و باست امها و حضنتها و باقي البنات و شدت فـي يدي و طلعنا و اول ما ركبت السيارة
يقين : شكرا لانكـ خشيت معاي
اني : هههههههـ قداش عندي يقين اني و على فكرة اليوم طالعة تهبلي
يقين : شكرا عيونكـ الى يهبلو 😍

و اول ما وصلت فــم العمارة
يقين : جعاااانة
اني : هههههههههههههـ خشي عندنا عشي
يقين : حليلي منه يا ربي
و نزلــت اني وياها و فتحت باب الشقــة 😍 و سمينا بسم الله و خشينا
يقين : ههههههههههههههـ نحبكـ
اني : ههههههههـ حتى اني نحبكـ
يقين : وين الكوجينة و قامت الفستان و مشت تجري و طول بدت تاكل
اني : يا ساااتر بالشويا ههههههههههههههـ و قعمزت قعدت نشوفلها كيف تاكل ههههههههـ
يقين : عارفة مفروض نكون متحشمه بس مش حـ نقدر لاني من بكري بطني فاضية
اني : هههههههـ كولي صحتين 💗
و اول ما كملت
أني : خشي بدلي لانه واضح من بكري الفستان مضايقكـ
يقين : هههههههههـ اي و خشت تجري بدلت و غسلت وجها من المكياج و لبست توته و قامــت شعرها و طول نقزت على الكنبة و فتحت التلفزيون
قعمزت جنبها على الكنبة و قلتلها يقين
يقين : قلبها حياتها
بستها على خدهــا و قلتلها مش وقته التلفزيون
يقين : علاش شن تتفرجو عليه بالوقت انتو ؟
اني : لا بس انتي توا عروسه
يقين : طــه خيركـ ؟ عندكـ حاجة تبي تقولها
أني : لالا 😠 غبية
يقين : اووووووهاااااااا ( طبعا تتواب) و اتكت على كتفي . طــه
أني : شن 😠
يقين : امتى نبو نمشو لـي حوشكم
اني : مش عارف المهم الاسبوع الجاي
يقين : تــمام طــه
اني : هاااا
يقين : نحبكـ
اني : كان تحبيني مش تتفرجي على التلفزيون و مخليتني
يقين : ههههههههـ خيركـ عصبت و شدت فـي يدي
اني : شي
يقين : لا بجد خيركـ
اني : شي
يقين : ههههههههههههههـ خيركـ ؟؟؟؟
اني : بري ديريلي قهوة
يقين : توا فـ ها الليل
اني : اي فـ ها الليل
يقين : به و ناضت تجري لـي الكوجينة و ادير فـي هاذيكا القهوة شويا نسمع فــي صوت حاجة طاحت و صيحت يقين
اني : هــي شن في و نضت نجري و اول ما وصلت لقيتها تحكـ فـي يدها و السزوه طايحة .. شن صار انحرقتي ؟؟؟؟
يقين : 😔 اي اييييييييييي حااارة
اني : سلامتكـ و طلعت تلج و قعدت نمسح بيه فـ مكان الحرق
يقين : خلاص ما صار شي عادي
اني : خلاص معاش نبي قهوة و قمت السزوه و مسحت الكوجينة و طلعت اني وياها
يقين : انت زعلان لانكـ ما شربت قهوة صح
اني : لالا عادي ههههههههههههـ ترا ايدكـ توا
يقين : عادي حرق بسيط
اني : امي تقول حرق البنت هااتي نشوفها و قعمزنا فوق السرير و قعدت نشوف فيه
يقين : هههههههههههههـ خلاص توتو
اني : خيركـ خشيتي ولا كانه يوم عرسنا ؟
يقين : ههههههههههههههـ هكي نبي نشوف ردت فعلكـ و فتحت شعرها
اني : ايواااا قولي هكي من الاول على فكرة حرقتي دمــي
يقين : نحبكـ اني
اني : نمـــوت فيكـ
و خــشينا رقــدنا
فـــي صبح يوم الاثنين
يقين :توتو حبيبي يا كسول انت فيق💝
اني : ما نبيش خليني راقد
يقين : امممممممم به على راحتكـ ههههههههـ 😍 بس هذا تليفون منو
اني : هاااتي جاااي
يقين : جاتكـ رسالة ترا نشـــوووووف و فتحتها و قعدت تقرا بـــصوت عالي و لما كملت قعدت تشوفلي و عيونها راحو حمر
اني : شن قــلتي :/  ؟؟
يقين : زي ما سمعت .................................................

#يتبع