#أحبته_رغم_الظروف
#الحلقة_السادسة_عشر
يقين : قولي علاش فرحان قولي نبي نفرح معاكـ و جت واقفة
أني : لانه بـ نتزوجو
يقين : بجديات بجديات و حضنتني 😳 ااااااااااااااه اسفة ما كانش قــصدي و بعدين غطت وجــها و ناضت تنقز بجديااااات تــحكي
أني : هههههههههههههههـ هبلة اي بجديات غير قعمزي نحصلو معاكـ كلمة
يقين : لحظة لحظة مش مصدقة أني و أنت حـ نتزوجو 😍 و أخــيراااا
أني : ههههههه حي على المهبولة تـي اصبري هوا توا خطبة بس
يقين : خطبة فضاانية تبو تجو تشوفوني المهم حـ نتزوجو اييييييييييييييييه و ناضت ادربكـ على الطاولة 👏 😂 أسمع و الله ما نقدرش نشدها ره و طلعت تليفونها و اتصلت بـ اختها .... بلقــيس عندي ليكـ خبر يهبل ... تي فوتي الشغل و اسمعي .... نقول .... نقـــول ...... مش قادرة نقول ... باااهي هي أختكـ حـ تتزوج 👏 ... ايييييييييييييه حتى اني مش مصدقة ... اي اكيد توتو حبيبي مــن غيرة ... بري اقلبي وجهكـ خلي نقول لـي سجود و سكرت
و مــشي الوقت و هيا مسكينة كل شويا تقولي غير بجديات تــحكي 😂 ختشت البنت هههههههههههـ تم الدوام و روحــت الحوش و نلقى قـدامي ياسمين : اووووووه طــه شن الجو
أني : بخير الحمد الله وين أمي ؟
ياسمين : على ما اعتقد انها مشت لـي حوش جدي
أني : لالالا مــشت قصدكـ 😨
و ينفتح الباب و تخش أمي و وراها حــناي يا رباااه
حناي : مشااااااء الله على وليدي كبر و يبي يتزوج تعالى سلم وليدي سلم وليدي
ربيع : مــن من الى يبي يتزوج ؟ و طلع راسه من الدار
أمي : طــه
ربيع : أمــا منهم
و يجيه شبشب رفع جبهته مرة وحدة مسكين سكر فمكـ شن الكلام هذا
ربيع : بس يام هوا يكلم فـي عرم بنات
طــبعا درت روحي برئ و بصوت عالي أني حرام عليكـ امتى الدوه هاذي مع تفنيصه
ربيع : خليني الطبق مستور على قولت جــدي
أني : ربيع و حق ربي نقتلكـ ره امتى الدوه هاذي
جاسم : السلاااام عليكم شن في خيره دوشه من جانا
أني : حناي و وجه النكد ياسمين
جاسم : حنــــأااااااي 😱 قصدكـ جت هني توا ما تقولش جاية هيا و العطرية متاعها
حنـاي : باهي به يا جاسم حسااابكـ بعدين 😠
جاسم : لا بس نسال كيف حالكـ
حناي : ما فيا باس خشو خيركم قعتو واقفين اليوم جااية فرحانة بـ وليدي طــه
جاسم : طــه طــه هات وذنكـ نقولكـ حاجة
طبست عليه و بصوت واطي : لا فرحانة لا شي صدقني حـ تقعد تبخر فيكـ لييين يجيكـ الربو اهرب خير
أني : هههههههههههـ هيا يا حناي قصدي مزال ما مشيت شفتها البنت
و طبعا هــني كلهم قعدو يشوفولي و على جيت ياسين : حــي حي على خالي الكذاب 👏
ياسمين : هههههههههـ سكر فمكـ هوا كذاب بس يا كبدي قال ما مزال ما شافها
فرح : يا ساااتر يا ساااتر فكر قبل لا تكذب اللطف
حناي : شن تبي تفوته عليا أنــي 😒 تحساااب هذاكا قبل الى ما يشوفها الا وقت النظرة الشرعية تــوا يا كبدي لــين شابع منها
أني : حناااي اني الوحيد الى مش متع الدوه هاذي ره
حناي : حطت عييني فـي عينها و قالتي أنت هي هي يا كبدي أخر من تتكلم خش بالكـ و انت وقفت فـي السقيفة لا بيت تتحركـ
و خشينا هــني وقفت ياسمين و قالتلي ما يفوت عليها شي العزيز
أني : اي حاله تعرفي 😂
أنت تقرأ
أحبته رغم الضروف ( روايات ليبية )
Romansaجمعتهم صدفة و تطورت لتصبح حب و لكن الضروف دائما امامهم ؟ فما مصير حبهم ؟ وما هي الضروف ؟ رواية من داخل المجتمع الليبي 🔥 للكاتبة : الاء
