أحبته رغم الضروف ( روايات ليبية )

حلقة 20🔥

#أحبته_رغم_الظروف
#الحلقة_العشرين

يقين : نذبحوها 😍 ؟
اني : ههههههههههههههههـ الله يهديكـ لا مش حـ نذبحوها
يقين : املا شن ؟ نخطفوها ؟
اني : لا
يقين : املا شــن ؟ 😔
انـي : نــتزوجهــا و نحل المشكلة الى صايرة توا
يقين : حــل فضييييع و الله 😨  جرب بس
اني : خيركـ عصبتي اني بس حـ نتزوجها و حـ تولي مرتي
يقين : طــه قولها و ريحني انت تحبها صح و عيونها تعبو دموع
اني : لا يعني مش نكرها لين خلاص
يقين : خلاص فهمت تصبح على خير الغدي فوق الرخامة و خشت تجري لـي الدار
قعمزت في مــكاني و معاش قدرت نفكر فـي شي غير ان ما فيش حل الا الزواج صح مش بـ رضاي بس المشاكل حـ تنحل هكـي و ادالين حـ تبدا معاي في الحوش خير ما نخسر كل شي قعدت مقعمز لــين نشبح في الساعة 1 سكرت البلاكونا و خشيت لـي الدار لقيتها حاطه فراش لوطا و حادفة فيه بطانية و مخدة و هيا واخدة راحتها في السرير 😳 : هييييي انتي شن قصدكـ اني نرقد هــني
يقين :لا اني انت املا شن
اني : مــن قلبكـ انتي
يقين : اسفة نبي نتعود نرقد بروحــي غدوا  حـ تجيب مراة تانية
اني : خديت المخدة و رقدت جنبها
يقين : باهي قول خايف على عظامــي راهو خليتكـ و خدت مخدتها و البطانية و طلعت لي وسط الحوش حدفت روحي على الكنبة
شن الهبلة هاذي 😒 و راسكـ يا يقين ما ناقص و تغطيت خداني النوم فــقت مع الساعة 6 صليت الصبح 🌸 و طلعت لي وسط الحوش لقيتها تتفرج على التلفزيون
اني : صــباح الخير
يقين : صباح الخير
قعمزت جنبها
يقين : خلي انوض اندير الفطور
اني : خليكـ نبي نحكي معاكـ شوي
يقين : شن في ؟
اني : عارفكـ عصبتي من موضوع امس بس و عارفكـ تقولي خيره هكي خايف من بنت بس انتي تعرفيها شيطان رجيم استغفر الله عندها افكار تجيبلي قطع رقبتي و عارفكـ حـ تقولـي الموضوع عادي خلي تمشي تقول لي امكـ مش حـ يصيرلكـ شي و انت مكبر القصة بــس انتي مش مجربة تكوني الامل الوحيد الى عند امكـ . امي مــن يوم طلقها بوي حطت الامل فيا اني و ما نبيش نصدمها 😔
يقين : اني معاش خصني فيكـ تبي تتزوج تبي تنتحر معااااش يهمني افهم و ناضت
خديت مفاتيح السيارة و طلعت الدنيا شبه فااضية ما في حــد حتى صغار المدارس ما طلعوش :/ قعدت نلـــود لـــين مع الساعة 9 روحـــت الحوش لقيت يقين مدايرة دوره على الحوش و امبخره و مقعمزت على النت جيت جنبها و جبدت منها التليفون
يقين : هـــات -_-
اني : بلا جــو معقولا تزعلي مــن حبيبكـ ؟
يقين : طــبعا لا
اني : املا علاش زعلانة مني
يقين : لانكـ مش حبيبي هــات جاي و خدت التليفون
اني : معناها عندي حق نتزوج ادالين
يقين : اي برا افطر مش تخليه فوق الطاولة -_-
لالا افطري انتي اني فطرت برا
و مـــشي الوقت و مــشو الايام و اني و يقين على نفس الموال اني في دار و هيا في دار و كل يوم مشاكلنا تزيد و رجعنا لــي الخدمة مجرد ما نخشو لي المستشفى نبدو ناس تانين نضحكو و جـــونا عسل 😍💗 و قربنا نــديرو شهر لمينا حجاتنا و مشينا عـــند امي و فرحت بينا
و فــي يوم كان اربعاء فــي العشية اتصلت بيا ادالين و قالتلي هــا شن صار في الموضوع ؟
اني : ادالين تعالى لــي الشقة نبي نحكي معاكـ
ادالين : اسمع كان هاذيكا قعدة فكني
اني : لالا عــند امي تعالي
ما دارتش ساعتين طــقت الباب
ادالين : هلا حبيبي
اني : غير خشي الله يهديكـ
قعمزت اني وياها في وسط الحوش
ادالين : شن فكرت ؟
اني : عــندي حل تاني غير هذا
ادالين : شن هوا
اني : شن رايكـ نتزوجو
ادالين :هههههههههـ ننزل ضره على هاذي ابدا حبيبي كانش اطلقها
اني : انتي شن دخلكـ فيها انتي تسكني هني و هيا عند امي
ادالين : لالا الصراحة ما نقدرش يا تكون ليا بروحــي يا بلاش
اني : شوفي تسكني في الشقة بس مش حـ تكون بـ اسمكـ فاااهمة
ادالين : لا نبيها بـ اسمي
اني : تعرفي نذبحكـ و نذفنكـ و ما حــد يسمع بيكـ و عارف اماليكـ اني و الله ماهم امدورينكـ 😡
ادالين : شــوف طــه يا الشقة يا تخس امكـ ما عنديش راي تاني
اني : يا تسكني فيها و انتي مسكرة فمكـ يا نطلق عليكـ يقين
ادالين : خايفة مــنها ماهو اسمع يقين الى انت تخاف منها اني متاثرش فيا بكل
اني : لا مش خايف منها بس البنت واعرة وانتي تعرفيها مرة خلاتكـ شهر و انتي اداوي في وجهكـ و الى قبلها خشيتي في غيبوبه
ادالين : تصدق مش عارفة كيف حبيتها قصدي هيا وحدة عندها مرض نفسي واااضحة تصرفاتها زي الصغار ما تعرفش تتكلم و صوتها عالي مسترجلة اسلوب ما عندهاش لا فيها انوثة لا شي شوفها كيف تمشي تقول ولد
اني : كان الانوثة زيكـ الحمد الله على النعمة الى فيها يقين 😡 اسمعي اهو الحوش فاضي تبي تعيشي فيه عادي و صدقيني مش حـ نجي و نقولكـ اطلعي بس باااش يكون بـ اسمكـ لا و هي السلام عليكم و اعطيتها المفتاح
ادالين : تمام خلاص اني موافقة حـ نقعد فيه
اني :كويس و طلعت و خليتها
مـــشيت جنب الولاد فــي القهوة
مصطفى : طــه خيركـ  ؟
اني : ماهو الى يتزوج ديما هكي عمركـ ريت واحد تزوج و قعد حاله باهي هوا
سراج : هـ سمعته يا الى تنق على الزواج
مصطفى : هههههههههههـ ما صارش اي نبي نسالكـ طــه امكـ ما حكتش معاكـ في موضوع هكي ؟
اني : زي شن
مصطفى : لالا موضوع قصدي يخصنا
اني : لالا الحق علاش شن داوين مع امي عليكم ؟
مصطفى : لااا مش هكي 😂 بس موضوع مهم
اني : اها لالامزال علاش احكو
مصطفى : لالا خليها مــن امكـ احسن روح اسالها
اني : 😠 و تلفتت لقيت سراج عااااقل و مقعمز عاااادي يخطمو عليه البنات ولا كانه : خيركـ يا سراج
سراج : لالا شي
مصطفى : بوه حـ يتزوج من الصبح و هوا مقلوب وجها هكي
اني : باهي خليه يتزوج
سراج :😠 ما صدق امي ماتت من هني بياخد من هني
اني : يا سراج حرام عليكـ انت تعرف شن خلاه يقرر الزواج مش حبا في المراة الى حـ تجيكم اكيد حالته النفسية سائت
سراج :باهي به دافع عليه حتى انت 😡 كانها على الحالته النفسية سائت يمشي يعاين مش يتزوج
مصطفى : هيا مش حـ تاخد مكان امكـ
سراج : بلكي تبي تاخدة 😠
مصطفى :  مــن الصبح و هوا هكي دير معاه حل
سراج : اني امي ما ياخد مكانها حـــد 😡
اني : خلاص انت تزوج و خليه على راحته يتزوج ولا يقعمز
سراج : مش حـ نتزوج و هوا ما يتزوج
مـــشي الوقت و روحـــت الحوش تعبان فتحت الباب لقيت ياسين
ياسين : خالوووووووو
اني: يااا عيووون خــالو 😍 امتى جيتو
ياسين : امبكري شويا حـ نباتو حــي حــي نبي نقولكـ ماما تبي تجيب نيه
اني : ههههههههههـ بجديات
ياسين : قالت بعد هكــي و مــد يده كلها
اني : خمسة شهور ؟
ياسين : اي خمسة
و خشيت داخل لقيتهم كلهم فرحانين
ياسمين : هلا طه شن حالكـ
اني : الحمد الله كيف حالكـ انتي
ياسمين : اهــو هههههـ
يوسف : تمشي ولا 😠
اني : ايوااااااااا اهو البطل بدي يدوي 💗 جايتكـ بنت تبي تخرب علييكـ ره
يوسف : بخخخخخخخخخخ هههههههههـ
جاسم : تعالى يووووسف
يوسف : مشي يجري لي خاله و حضنه
و قعمزت اني جنبهم و جــوهم حـــلو
امــي : طــه وليدي أنت توا شفت فرح كيف كبرت و مشاء الله
اني : به
امي : و الحق اني كلمتني اليوم مراة و قالتلي تبي تشوفها
اني : اها تبي تشوف فرح عادي كان في نصيب تتوكل
امي : قالت كان تبو تسالو عليه هوا يعني انت تعرفه
اني : مـن هوا
امــي : سراج صاحبكـ
يمكــن لما قالت اسمه راحت عليا الخريطة مــن سراج
امي : سراج صاحبكـ من غيره
اني : ههههههههههـ سراج حـ ياخد فرح تبصري
ربيع : و خيره سراج
اني : يام مــن الى كلمكـ ؟
امي : ااااااااااااه يا ربي هوا كلمني و قالي نبيها غير مش تقوله هوا تحشم منكـ ؟
اني : كويس هي تصبحو علىى خير
جاسم : لا حول ولا قوة الا بالله طــه المرة هاذي اطلع منها اني حـ نعطيها فرح
خــشيت لي الدار حدفت روحي على السرير جتني يقين : طــه خيركـ هكي ؟
اني : كله فوق راسي من جيهة انتي و من جيهة ادالين و من جــيهة اماليا و من جيهة الخدمة ارحموني شويا
يقين : اني شن درتلكـ انت جبته لي روحكـ 😒 بعدين اني مش مضايقاتكـ في شي
اني : خلاص يقين ارقدي و لا اطلعي قعمزي جنبهم و غطيت راسي و رقدت
و فــي الصـــبح 🌸 فقت على صوت يقين تتكلم : ههههههـ حاضر من عيوني تــمام غيرسكر توا
اني : مــن هوا الى يسكر و جبدت منها التليفون لقيته مراد
يقين : حول خيركـ هكي
اني : تكلمي فيه يا حيوانة و جبدتها من شعرها و كيف حـ نبدا نضربها
يقين : حــول ايدكـ 😡 امكـ تسمع فينا حـــــــــول خليتني طول الوقت و اني ناخد في المهدئات طــول الوقت و اني ماشية جاية على الدكاترة ركبتلي حالة نفسية حسبي الله و نعم الوكيل فيكـ حرااام عليكـ الى ادير فيييييييييييييييييييييييييييه حراااااااااااااام مسد غالط و مسد تلوم يا ريتني ما تزوجتكـ 😭 كرهتني في حياتي مراد متصل خالتي مــريضة و تبي دواء وعلى قد ما دوره ما لقاشي اتصل بيا قالي كان تقدري تجيبيه
اني : و علاش انتي شن تخدمي في صيدلية
يقين : خلاااص طــه واضحة بلكي تلقي الدواء في المستشفى خيركـ هكي شن الوسواس الى عندكـ هذا
اني : يقين تتصلي بيه و اني راقد و من عيوني و حاضر شن تتوقعي مــني
يقين : ديما حــط اعذار ولا نقولكـ مش حـ تقدر تحط ولا عذر في الموضوع الشكان لانكـ خايف منه كنت ادير فيه و خايفني نديره بس نبي نذكركـ اني مش زي ما تتخيل و طلعت
حسيت كلامــها صح خايف ان حــد ياخد مكاني خايف انها تخوني وتحب غيري صح اني مش مهتم بيها هلــبا مفروض نكون احسن مــن هكي مسكينة من اول ما خدتني ما شافت مني حاجة حلوة نصه عراكـ و نصه تكشيخ قعدت على السرير بخلت نتحركـ
مــشي الوقت و بدلت و مشيت اني وياها لــي المستشفى و اول ما خشيت
ورد : دكــتور و اخيرا جيت 😨 حــي عليكـ شن مداير
اني : شن درت ؟ خيركم شن الدوشه هاذي شويا جاني تليفون من خالي : اركب فوق
اني : شن في
خالي : اركـــب 😡بس
اني : خيركم يا ورد شن في ؟
ورد : اركب توا يقولولكـ
يقين : احكيلي شن صاير خير ما نركب ننصدم
ورد : انت يا دكتور واصف لــي بــنت صغيرة دواء ما ليشي علاقة بـ مرضها و البنت هاوينا واكلتها و مرضت منهم هلبا و مدايرلها دخول جت اليوم الفجر للمستشفى طواري
اني : اني واصف دواءغلط ؟؟؟ ههههههههـ تبصري مستحيل الحاجة الوحيدة الى ما نغلطش فيها و اني اصلا شن الادوية الى اضر الى نكتب فيها دواء الحرارة و نقوللهم كاااان سخن بس هههههههههـ خلي نركب نشوف بلكي هيا الى متلخبطة مش اني و ركبت نجري و اول ما وصلت فتحت الباب جت عيني في عين خالي انقسمت خفت معاش عرفت شن ندير: السلام عليكم
خالي : اهوا الدكتور متاكدة ان هوا ؟
تلفتت البنت و بصوت عالي : اي هوا حسبي الله و نعم الوكيل فيكـ
اني : لحظة اوخيتي مش انتي ام سرور
ردت بصوت عالي : اي سناء ام سرور
اني : كويس بنتكـ متاكد ان كانت عندها انفلونزا سببت حمى  بسيطة جــدا الصغار كلهم يمرضو بيها
سناء : اي و وصفتلي كذا دواء و قلتلي ضروريات يوميا
اني : لحظة هوا دواء واحد وصفته وقلت يا ريت يعني هذا ينعطى لما معاش تقدري تنزلي الحرارة بالطريقة الطبيعية زي تحطيها في اميه باردة شوي و لا الكمدات و تشربيها سوائل هلبا هذا هوا الى قلته
سناء : لالا اعطيتني معاها دواء تــاني
اني : شن هوا
خالي : تعرف شن عاطيها 😡مضاد
يقين : شـــن 😱
اني : و راسكـ يا خالي ما اعطيتها حاجة خطا متع الحرارة باااهي
خالي : مضاااد مكتووووب تحته شن يا طــه
سناء : هذا الى كتبته و مشيت لي الصيدلية صرفته و اعطيتها منه 😭 في الاول حالها بدي باهي و بعدين البنت مرضت و جبتها هني قالولي حـ نديرولها دخول
خالي : عمرها البنت عامين بــس
قعدت واقف و نذكر في روحــي كيف نكتب في الدواء و متاكد من روحي وصفت دواء واااحد بس مستحيـــل
سناء : حـ نرفع عليكـ قضية بنتي بــتموت بـ سببكـ
اني : وينها الورقة ترا و شفت روحي شن كاتب الدواء الاول بـ خطي الوداء الى بعده مش خطـــي بكلللل وااضح و قمت راسي قلتها لــي خالي
سناء :شنننن نكذب اني من حـ يكتبها غـــيركـ 😭 بوها مسافر مش عارفة حتى شن نبي ندير انت مفروض معاااش تخدم معقولا هكي
ورد : تعالى اوخيتي اهدي بنتكـ قالو توا حالها باهي تعالى شوفيها و جبدت المراة
خالي : طـــــــــــــه
اني: بس يا خااالي باش نحلف ماهو اني
خالي : .................................................
يقين : 😱 علااش
اني : شــــــن 😨 كيــف........................

#يتبع