الدولة 🔥

حلقة 2

#الدولة 🔥 حلقة 2

جي الصبح ،، الشوارع كلها فاااااضية من اشتباكات أمس .. كان وسام ومجموعته المسلحين واقفين قدام المقر اللي حرقاته ميليشيا شتاير ..
وسام/ بنمشي ندير دورة عالمنطقة
هيثم/ نجي معاك يا دولة
وسام/ أكيد 😏
قرب هيثم من سيارة وسام الخاصة حس بريحة عافنة اخخخي 😷🤢
وسام/ خيررك ؟
هيثم/ فيه ريحة تقول جثة متحللة طالعة من السيارة
اشر وسام لزوز مسلحين يفتشوها بعد ما شم الريحة حتى هوّا ..
فتحو الكوفيني لقو جثة ميتة لاها قريب أربعة أيام
وسام/ من اللي حطها أهني ؟؟ 😠
واحد من الرجال/ ما حد غريب خشلنا..
هيثم/ ومنو هذا ؟؟ 🤔
وسام/ حسب لِبسه المدني كاجوال هذا ماليشي علاقة ب حرب أمس هذا ميت من فترة وكانو داسينه .. شكله بيطلع خو شتاير ويبو يلبسوني بتهمة قتله 😒
هيثم/ تو نشوفو الكاميرات اللي يخدمو ونعرفو منو اللي حاطها الجثة ..
واحد من الرجال/ فالشك الكاميرات كلهم مخربينهم 😓
وسام/ برو ارفعوها الجثة للمستشفى بش يسلموه لأماليه ويدفنوه ..
هيتم/ وسيارتك ؟؟
وسام/ أرفعوها لل لاوادجو "مكان لتنظيف السيارت" وبيعوها .. وجيبولي دوشكا قداش ليا علاها😉
هيتم/ إيييه والله 😁
وسام/ واللي حط الجثة المتحللة فالسيارة حنعرفه وحنحاسبه 🔥☄💀

《كانو فيه شخصين يصورو في وسام والجثة من بعيد 》
المصور عالتيليفون/ تم تممم حنبعتهم الصور لشتاير زي ما قتلي
الشخص اللي عالتيليفون/ منبيش ولا غلطة 🔥
المصور/ تم سيدي ..

___________☆خلود K••Sh شلابي☆___________
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

نادين تتفرج من البلكونة والدنيا فااااااااضية💨💨
شن هذا تقول مدينة أشباح 😂 شكله مفيش ولا مخلوق البرااا
نورية عمتها/ كان مخليينك ع حل شعرك راهو توا طالعتيلنا فالشارع تنسرفي ماشية لصفاء ولا جميلة
نادين/ وعادي😒 .. كانهم جبناء ولاد توااا إحني البنات منخافوش ..
نورية/ غر اسكتي اسكككتي توا بتطلّعيلي روحك فان دام ..
نادين/ لا انجلينا جولي 😑
نورية / تعرفي شنو ي ندونة😉
نادين/ مداما فاها ندونة معناته بنخشو فمصلحة 🤦‍♀️
نورية/ مش عارفة خيرك ظالمتيني .. تي انتي شن فيك من فايدة 🙄
نادين/ ف هادي صدقتي فاها 🙈❤
نورية/ غر اسمعي ،، امبكري كلمتني البنت تاني على موضوع المدرسة الخاصة ،، مفيش حد حيهنيني الا انتي منه تطلعي مصروفك ومنه تردي بالك من حوش العيلة ..واني خلاص عزوز معش عندي جهد يا بنيتي إنتي تفهمي ف الأمور هادي بوك قالي لازم معاك حد متقعديش فالحوش بروحك ..
نادين/ والنبي قوليلها مفضاك .. مدرسة خاصة شنو !! وف منطقتنا !! 🙄 وهما الدينار بش يطلعوه من جيوبهم ويشرو بيه الخبزة بالعراك .. 😂
نورية/ لالا كانت فاتحة ف جهة تانية مأجرة مبنى .. وقتلي عندها طلبة هلبااااا بس مولى المبنى قاللها أطلعي .. وهيا من ما شافت حوشنا عجبها وشادة فيا .. هيااا شن قلتي
نادين/ ايح علينا 🤦‍♀️ قبل درتيلنا سبلة بتولي للحوش وتوا سبلة المدرسة بش ترجعي تباتي فالحوش😁
نورية/ منبيش حوش جدك يتسكر حراااام 🥺💔
حست نادين بدموع عمتها ..
نادين/ أني منحبش نمشيله حوش جدي لأنه يفكر فيا بيهم .. كرهت نخطم حتى من زنقته ..
نورية/ كلنا ليها يا بنتي .. ع خاطر جدك وجداك توكلي على الله مش كويس يتسكر الحوش..
نادين تبي ترطب الجو 😁 من توا إني نبهتك بتلقيني منقزة لسطح الجيران مدخليش فيك .. 😂
نورية/ غبارة سوداء نوداء .. راك كبرتي تحسابي روحك قبل .. تنقزي من فوق السطح من حوش لحوش 😠
نادين/ ياااا حسرة عالذكريات .. كنت نركب فوق السطح وانقز لسطح الجامع نتفرج ع الرجالة كيف يصلو ومن الجامع انقز لجنان عمي مجيد الله يرحمه ومرته الحاجة فاطمة ..
نورية/ نعم الجيران كان عمك مجيد صاحب جدك راااس .. توا ولاده كبرو بصغارهم واحد ماسك وزارة الداخلية وواحد فالخارجية .. من يومهم ناس متعلمة وراقية وخاشة ف حكم البلاد ،،
نادين/ ديما انقزلهم ونقيل عندهم ومرات حتى نتغدا ولا نتعشا معاهم 😂 الحق الحاجة فاطمة قايمتلي القدر عندها دار فاها سرير تحط فيا نرقد فيها .. لكن عندك الحوش اللي لاصق في حوش جدي ميحبونيش شبح حرشو فيا مرة بوي عطاني طريحة 😂 بديت لما نلقى ف حوايجهم منشورات نخلطلهم مية وتراب ونبخه عالحبال 😈 ولا نطيحلهم ف بلوك عالجنان 🤪 ربي يسامحني كنت مسترجلة 😁
نورية/ حتى توا خوي جاب ولد تالت غر سجلوك نادين بالغلط 😜
نادين/ ي ريتني ولد راهو نطلع ونتدهور واللي نبيه انديره ... معش تشبحو خلقتي فالحوش بككككل 😒
نورية/ حتى الولاد وراهم مسؤوليات .. بني وخدمة وتشحيط .. قولي الحمد لله
نادين/ ما قلت شيء أني 🙄 حمد لله ع نعمة القعاد فالحوش 😁
نورية/ خلاص تو نكلمها البنت متع المدرسة تفوت هاليومين لين تهدا المنطقة ونمشو انظفو الحوش اني ووياك وتقعدي تمشي غادي بعد دوام القرايا وفالليل نباتو غاديكا تمااام
نادين/ تمام 😑 غر ع خاطرك يا عمتي والباقي والله ما نبي
نورية/ سلم ندونة هاااتي خشيم 😁❤
نادين/ خليك ف مكانك منبي منك خشيمات 🤪
_______♡■☆Kd°•Sha▪La'Bi☆■♡_______
عالموبايل 📲
محمد/ اياح علينا .. تي جيهتنا مسكرة وبوابات
صاحبه إلياس/ مشددين عالغياب ويحبسو ،، حاول كيف تجي تمسك للتوكة 🤭
محمد/ إنت قوللهم جيهته مسكرة بحدا الضرب .. وبعتالي ما عندي وين بنهرب اخرتها بنمشي للخدمة 😑
إلياس/ ماشي ماشي .... وسكرو 🚫
كريمة / خيرهم متعين الخدمة 🙄 ؟
محمد/ يبو جماعة التوكة يمسكو والي ميجيش يحبسوه تلاتة أيام
منير/ تي وينها الطريق هيا اللي بتطلع منها
محمد/ خلينبحو للصبح .. اللي يسمع يقول البلاد واقفة غر عليا ني ..
دانيا/ .. عاد مزال هاديكا بتجي وبتختمها 😡
منير/ هاذيكا منو
كريمة غمزت لمحمد ومنير ف فهموها 😁
محمد/ وخيرها هاذيكا 😉
دانيا/ توا عاد معش بتعطيني من فلوسك ومعش بتشريلي زي ما منير معش يشريلي هلباااا
منير/ ومنو امبكري عطاك خمسة دينار وطرف سنكرز 😠
دانيا/ ماهو خشيت عليك انت ومرتك تاكلو .. لما ريتها عطيتني .. مش قبل تجيبلي فحصتي لعند داري 🥺😭 وأني اللي نلعّب ف صغارك ومصدعيلي راسي 😭
محمد/ تي انتي تضربي فيهم أكتر ما تلعبي فيهم 😁 نادين هيا الحاصلة فيهم
دانيا/ ماهو أختي نفسه 😒.. بعتالي أني صغيرة منعرفش نغير شمالات 😑
كريمة/ شنو من توا غيرة يا دانيا
دانيا/ وحق ربي تتغير عليا الا ما نقتلها مرتك 😭😭
محمد/ ما ناقص غير تغيّرني عليك ❤😘 انتي حبي
دانيا/ أيواااا 😍😍
منير/ وخيرني ني 😑 شن تغيرت عليك ؟؟
دانيا/ مرتك طيبة لكن صغارك نكرهم مووووت 😡😷
منير/ خلاص تو نلوحهم ع خاطرك بش ترضي 😁 الا زعلك ..
جي سمعو يمرد على دانيا ..
كريمة/ شوفيه كيف جايك يبي يلعب معاك وانتي تبي تلوحيه .. ترضيه يتلوح فالكناسة؟
حن قلبها ❤ خلاص متلوحهمش .. لكن اللي تجيبه لصغارك اني جيبلي قبل 😤