الدولة 🔥

حلقة 15

#الدولة 🔥 حلقة 15

قعمزت نادين على حافة القبر⚰
تشوف لإسم زهير مكتوب ومش مصدقة 🥺💔
تكلم فيه وتبكي😭
تعرف حبي !!
أمس عمتي طلعت البيتزا متعك من الفريز
درتلها عركة هكي كبرها 😡💔😣 قتلي خلاص الضي يهرب هلبااااا والتن اللي فيها دار ريحة ..
وقتلي خلااااااص زهير مات ادعيله بالرحمة 😭 تصدق يا حبي هكي قتلي!! 😫
هكي فارقتني يا وخيي 😭 !! يا غيبتك ااااه ..🥺
ترررن ترررررن
نورية/ فيسسع روحي بوك من بكري يسأل عليك وكان يبي يجي بش يروح بيك قتله قعدين مكملناش ضمّان ..😣
نادين/ تمام اني مروحة ..

ريت يا زهير حتى فالمقبرة جيتك بالدرقة ع خاطر ميبيش حد يجيبني ليك ،، ليا أربعة شهور وأني نراجي فالفرصة بش نزورك 😭 ستر ربي ان دفنوك فالمقبرة اللي عالطريق 😣

نزلت نادين الخمار و روحت طبعا لبساته بش ميشوفهاش حد ويزبطها مني..

°°° ••••••☆▪K▪h▪o▪L▪o▪d▪☆•••••• °°°

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

طق طق طق 🚪🚪🚪
حسام/ ادخل
شرطي/ حضرة الضابط فيه مراء مختمرة تبيك.. قتلي طلب مني حسام ان نجيه للمكتب بش يساعدني ف مشكلتي
حسام/ كيف كييف؟؟
شرطي/ اني قلت نتاكد منها قبل .. هيا مصرّة ان تشوفك ..
حسام ركبه الفضول ،، وقاله دخلها باه 😒
،
،
،
،
بخطوات خجولة ورأس منخفض ،، حسام يراجي فيها شن حتطلب منه ،،
هوا ساكت وهيا ساكتة
حسام/ تفضلي شن تبي😒 مع اني منعرفكش 🤨
صفاء/ اهلين حسام 🥺
حسام/ صفاء 😨؟؟ تتتي انتي شن اديري هنايا فالمديرية؟؟
صفاء/ جيت بنباركلك ع خطوبتك أمس 💔
خداتك بنت خالتك مني ولاه 🥺
حسام/ خلاص صفاء حتى انتي انخطبتي،، اني مش ناسيك لكن ربي يعوّضنا كل خير ..
صفاء/ ومن قالك راضية عليه اللي خطبني ،، خوي غصبني عليه وقتله مش حناخده ولو نقتل روحي 😭
حسام/ بالله عليك هنيني صفاء،، خلاص 😣 وآخرلك مرة تجيني هنايا هذا مش مكان بنات الناس اللي زيك،،
صفاء/ أني مستعدة نهرب معاك ،، راضية بأقل شيء ،، متسيبنيش حسام 😭😭
حسام/ أني مستحيل نرضى اي مخلوق يدوي عليك ويقذف عرضك،، أني لو ربي كتبك ليا ناخدك قدام الناس مش بالهروب ،، معش تعاوديها خير ما لسانك نقصه ،، هيا نوضي روحي فكينا 😡
صفاء تشبحله بتموت ،، وجهها أصفر وعيونها ذبلانات من البكي .. تشوف لراجل مختلف توا ف كل شيء
مختلف فالمشاعر ،، فالنبرة ،،
ف هندامه ،، البدلة والمكتب الراقي،، والساعة الغالية،، اللي كانت تحبه لما يكون لابس قامجو الورشة وكله زيت محرك سيارات وشعره ولحيته مشفشفات ،، أما توا اللحية مرسومة عالخط ..
صفاء/ تغيرت هلبااااا 🥺
حسام/ مفيش إنسان ميتغيرش ،، كلنا ✌🏻
صفاء/ عندك علم هربت من المدرسة بش نديرها سبلة ونجيك اهنايا ،،💔 قعدت تضحك بوجع من الصدمة 😆 عندك علم جبت معاي خمار وعباية بش نجيك ومحد يعرفني ،، وقعدت قريب نص ساعة نترجى فالحارس بش يدخلني ليك .. هههه هههه 😭 قاللي لازم بموعد مع الضابط حسام ههههه تصدق حبيبي 😆😭 لازم ناخد موعد بش نشوفه😭
حسام/ خلاص صفاء اطلعي بالله عليك ..
صفاء/ هكي بعد شهور مريناش بعض تقوللي روحي ،، مش مستاحشني زي ما ني مستاحشاتك ،، !! 😰 نسّاتك فيا بنت خالتك 💔 قدرت تنسى حبي ليك حسومي 🥺❤
حسام سكت بدون اي ردة فعل
خلاص روحي صفاء روووحي .. فكينا من كلام الناس هيااااا اطلعي قدامي وروحي للحوش طول فاااهمة ..
صفاء/ قوللي نحبك باه 😭 قولها مستاحشتها منك🥺
حسام/ اطلعي بش تفهمي ،، روحي هياااا 😡
قعد حسام يكشخ علاها ووجهه عروق عرروووق من الغضب ،، وصفاء تشبحله بصدمة ..
حاولت تحضنه دفها ،، حاولت تمسك يده رفض ..
حسام/ منبيشي حضنك إلا بالحلال ..
صفاء/ ،،نبي نودعك ونذوق حضنك اللي حتاخده غيري 💔😭
،،
،،
،،
طلعها حسام بالسيف ،، قداش ما انكسر خاطرها وتوجعت مووووت 💔
صارلها انهيار حاد .. مغصوصة لدرجة خطواتها ثقااااال 😔
___________☆خلود K••Sh شلابي☆___________