الدولة 🔥

حلقة 10

#الدولة 🔥 حلقة 10

وسام طول الليل يفكّر 🤔 من هذا اللي ينقّز كل ليلة فوق السطوح 😡 زعما خنّاب ولا حد عارف مكاني يبي يديرلي فخ ⁉️ باهي اني ركبت وملقيت حد 🤷‍♂️
ونقزت حتى لسطح الجامع وملقيتاش..😤
ع قد ما حاول يرقد مقدرش .. وكان راقيله للّوح
أذّن الفجر ناض صلاه .. و طلع للجامع صلاّه الصبح حاضر زي كل يوم ..
روّح من الصلاة ارتاح شوية ،، رقد ساعتين وناض ال 7 يجهز ف روحه ..
لبس بدلته وبوتيله ،، حط طاقيته و علّق رتبته 👨‍✈️
ولع سبسي وشرب قهوته .. وهوا يتمشى فالجنان يسقي فالشجر من مية النافورة شاف الخاتم طايح 💍
وسام/ 😳 شن جيبه الخاتم اهني😳 هذا زي خاتم نادين
بعد دقايق من التفكير قرر وسام يتأكد ،، وقاطع تفكيره صوت موبايله 📲
وسام/ صباح الخير
العقيد عبد السلام/ اهلين بيك ضابط وسام.. اهو اني كيف بنمشي للكلية صارلك من الجيّان ولاه
وسام/ إيه ان شاء الله

___________☆خلود K••Sh شلابي☆___________
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

ناضت نادين من النوم ،، ومكانتش عارفة حتى كيف رقدت أصلا 🤷‍♀️ مرهقة وعيونها منفوخات
نورية/ نوضي ندونة،، صباح الخير
نادين/ صباح النور
نورية/ نوضي اغسلي وجهك وانزلي الفطور واتي..
نادين/ نبي قهوة بسس عنديش نية 💔😣
نورية/ يفتحلك ربي ،، كولي وعبي بطنك ولما يجي بوك تو نقوله مكلت شيء 😆😉
نادين من عز زعلها ناضت تضحك 😂😂..
،
،
نزلت للجنان قعمزت ع كرسي الطاولة ووراها النافورة ..
نورية محضرة بريوش بالشكلاتة والعسل والمكسرات ،، وقهوة بالحليب وحاطة ف صواني صغار جبنة وزيت زيتون وزيتون العربي .. زبادي وتمر وبسيسة الزمنية .. وشاي أخضر منعنع
نورية/ هاكي حليب وقهوة ..
نادين/ باه 🙈 .. تره قربيلي التمر ..
نورية/ هاكي هي
،،
،،
حاولت ترقد تاني وترتاح إلحاحا من عمتها بس مقدرتش ،، فشّت غلها ف تسييق الجنان وضمّان الحوش .. لين تفكرت خاتمها 💔
نادين/ ححي عليا طاح مني 😩 المشكلة يوم الحوش مفيه حد ويوم فيه،، كيف بنعرف أني تواااا 😑 لازم نرجع خاتمي بأي طريقة ..
نورية/ بوك جاي يطق طق عالباب بري خشي لدارك فيسسع
نادين/ هيا هي
ركبت نادين تجري ووقفت تتصنت عالدروح 🤪
محمود/ شنو قعدة مناضتش؟😥
نورية/ لالا حتى فطور مبتش تفطر 🙄
نادين/ 🙈🤣🤣
محمود/ اهو جبتلها حاجات نوضيها متخليهاش هكي 😰
نورية/ باهي حاضر ..
محمود/ هي امالا السلام عليكم .
نورية/ وعليكم السلام ..
،،
،،
،،
نادين/ قريب فضحتك وضحكت 😂
نورية/ هيا امالا بري طيبيلنا القهوة .. الأبلات والصغار متع الحضانة قريب يجو
نادين/ هي..
طبعا الوقت كان قريب ال12 الضهر ..

جو الأبلات خلتهم نادين و ركبت فوق السطح وف يدها مقة القهوة ،، اتصلت بأم صفاء بش تتطمن عليها
ام صفاء/ اني كيف روحت اتصلي بيها من صابرين
نادين/ أوك عمتي ..