الدولة 🔥

حلقة 12

الدولة 🔥 حلقة 12

طق طق
خشت السكريترة/ مدام كميلة جايك ضيف
كميلة/ دخليه .. 👋
خش العقيد عبد السلام
((باختصار))
،
،
،
عبد السلام / امس وسام جاني وسأل ع القضية
كميلة/ قضية شنو؟
عبدالسلام/ قضية شن بتكون يعني 🙄
كميلة/ اه 🤭 ايييه اييييه .. وشن رديت عليه
عبد السلام/ قتله الحقيقة نفسها ،،
كميلة/ وشن خطّر عليه توا يسأل؟؟
عبد السلام/ لانه متلاقي مع حسام ،، شكلهم يشوفو ف بعض ..
كميلة/ الظاهر إنّ فيه حاجة ف راسه ،، ولدي و نعرفه 😒
عبد السلام/ أني برأيي تحكيله .. فالنهاية إنتي مدرتي شيء ..
كميلة/ بس أني كان عندي يد ف تبطيلة حسام ،،😣 استغليت الموقف بش نبعدهم ع بعض
عبدالسلام/ بس المخدرات لقوهم ف شنطة ولدك وسام ،، حد كان ناويه وحسام هوا اللي دافع عليه وتبنى الموضوع..
كميلة/ إنت عارف إنّي منقدرش نقول مني اللي حط المخدرات 😣
عبد السلام/ هوا معروف مني و ولدك كان شاك فيه 👌🏻 ،، وقلتهولك اني قبل الكلام هوا
كميلة/ وشن مصلحته منتصر يدير هكي باه 🤭
عبد السلام/ ديما فيه حساسيات بيناتهم .. وكاميرات التسجيل المخفيات طالع فيهم ..
كميلة/ اني مقدرتش قبل نقوله وسام ان ولد عمك دار فيك هكي ،، بنقدر نقوله توا 💔 مستحيل ..
عبد السلام/ وشن ذنب حسام
كميلة/ ذنبه إنه مش ندنا ولا من مستوانا ،، وكان كبش فداء ،، والله وجعني لكن نبيه يتسكر الموضوع ،، بالله عليك يا عبد السلام ع خاطر العشرة وعلى خاطر مريومة .. منبيش تصير حساسية بين صغار العم تشوف ف مناصبهم توا .. هما هكي وديما يتعاركو يا بال بموضوع زي هوا
عبد السلام/ رحمة الله عليها .. 😔 لكن بنقولك راهو مافيه شيء يندس فالدنيا هياااا 👌🏻🔥
كميلة/ يدير الله طريق
(مريم صديقة كميلة المقربة ،، وعبد السلام خوها صديق العيلة )

°°° ••••••☆▪K▪h▪o▪L▪o▪d▪☆•••••• °°°

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

خديجة/ حمد لله ع سلامتها ،، وان شاء الله متشوف شر..
سعاد ام صفاء/ الله يسلمك 😒
سميرة/ كيف حالكم وحال عيلتك كلها ..
سعاد/ كويسين ... 😑
كانت سعاد تكلم فيهم من راس خشمها،، وحسّو بمعاملتها الجافة 💔
خشت صفاء تعكّز ،، بخشتها انقلب المكان °360 درجة
رحبت بيهم ترحيب حااااار والضحكة من الخد اليمين لليسار 😍😍
صفاء/ كيف حالك يا عميمة .. سامحيني رجلي قعدة منحيتش منها الجبس🙈❤
خديجة/ لا عادي يا بنتي ..
خشت صابرين وضيفتهم ،، أما صفاء قعدت مقعمزة بحداهم و هدرزت عليهم اكتر من أمها ..
سعاد فنصت في صفاء متع نوووضي😡 ،، ناضت صفاء راقيلها 💔
،،
،،
سعاد/ أني اليوم كيف حكتلي صفاء على علاقتها بولدك.. ونبي نقولك كلام من غير احراج..
خديجة فاللحظة هديكا تاكدت إنهم مش مرغوبين💔
سعاد/ اهو انتي تشوفي قدامك ،، بنتي قعدة صغيرة وسن طياشة ومراهقة ،، وجت فولدك .. وحتى لو تبيه راهو بوها وخوتها مستحيل يوافقو ان تاخد أسمر
خديجة/ لالا اكيد اهم حاجة رضا العيلة ..😓
سعاد/ ربي يجيب لولدك اللي فيه قسمته ونصيبه..
خديجة/ قريب المغرب .. هي امالا نستأدنوك يا سعاد
وقفت سعاد باش تسقدهم من غير حتى ما تشدهم وتقوللهم اقعدو هدرزو،، تبيهم يروحو 💔
كيف طلعو للممر جتهم صفاء ماسكة كيسة
صفاء/ وين مزال القهوة واتية😨
خديجة/ لا هوّا هذاكا يا بنتي .. ان شاء الله ف تخرجك..
صفاء/ لا يا عمتي بالله عليك اقعدي 🥺
سميرة/ مرة تانية حبيبتي ..
سعاد/ عيب الناس مستعجلين 😑
صفاء/ باهي هاكي يا عمتي مديها لحسام 😍
خديجة/ ان شاء الله 😔
طلعو وصفاء عيونها قلوب قلللوب 😍 الراجل اللي تحبه ❤ جاب امه للحوش،، حلوو الحب الصافي لكن ديما حتطلع رجل ترفس 💔
،،
،،
،،
صفاء/ مش عارفة خيرهم روحو ،، حسيتهم أبصر كيف 🤔
سعاد/ تحشمي على وجهك 😡 والموضوع هذا تطلعيه من راسك فاااااااهمة 😑
صفاء/ الولد جاب امه للحوش ويبيني بجديات ..
سعاد/ والله🤨 ،، تبي خوتك يديرولنا مشكلة!! تبينا نقعدو فالعراك ع خاطر واحد جي بيخطبك ومش من ثوبنا 😡 ولا يناسبنا ..
خش حسين اللي كان كاسر وذنه
حسين/ مني هادي 😠😠 مني ؟؟
سعاد/ 😟أ أ أ أ 😨😨
حسين/ إحكي 😡
سعاد/ فيه ناس جايين بيخطبو صفاء .. سُمر
حسين/ هذا مناقص،، عقاب الوقت نقعدو مستكة في فم اللي يسوى واللي ميسواش ..
صفاء/ علاااااش !! على خاطر خلقة ربي 😡 شن العنصرية اللي عندكم ..
حسين/ تبي اديريلنا العار قدام الناس ؟، ومن وين عرفونا اللي بيجو يخطبونا 😑 اكيد تكلمي فيه يا فاسدة .. وناض فيها ترييش من شعرها ورفس👊🤛
صفاء/ ااااي اااااي 😭😭
سعاد/ اختك رجلها ،،، رجلها 😭
حسين/ خلتموت الخامرة ،،
خش بوها علي مصدوم / خيرركم شن فيه صوتكم للشارع😨 ؟
حسين/ زود لبنتك .. شفت كيف !! هادي تربيتك الفاسدة 😡 تبي واحد عبيد يناسبنا ..
علي/ 😳 شن هالكلام.. وولد منو؟؟
سعاد/ حسام اللي يسكن اهني .. جت امه وخالته امبكري هدرزو ويبو يخطبو..
علي قعد يشبح لبنته كيف تبكي ومحروقة ../ خلاص اسكتي تعالي يا صابرين دخليها لدارها
حسين/ ايييه زيد سايرها ..
علي/ الولد وجاي للحوش على سنة ربي ،، مفيش داعي للقطاف الزايد 😒 وكان عالولد ،، بمية راجل انت متجي شيء فظفره ،،
سعاد/ تي شن أسمر يا علي،، ترضى تعطي بنتك لأسمر شن الرجالة انقرضو..؟
علي/ هادي حاجة مدخلكمش فيها ،، البنت حرة من تختار ،، وقعدة صغيرة لين تكمل قرايتها سكررروه الموضوع ..
حسين/ خيرررك انت شن تقول ،، 😡 تي قسما تعطيهاله وربي الا ما نقتلها ونقتله 😡
علي/ على من تهدد يا كلب ،، شن معش محترمني قدامك ؟؟ بناتي وحر فيهم ..
صفاء تسمع فكلام بوها وتبكي 😭
خشت سعاد/ عجبك هكي توا بوك يتعارك مع خووك على خاطرك يا لفعة ..
صفاء/ حسبي الله ونعم الوكيل فيه ،، وربي كان مناخده الا ما نقتل روحي 😭
سعاد/ اقتلي روحك خن نفتكو منك 😤