الدولة 🔥

حلقة 16

#الدولة 🔥 حلقة 16

وسام مقعمز هوا والضباط التلاتة بما فيهم حسام ع طاولة الإجتماع ..
وسام يقلب فالصور الملتقطة ..
حسام/ وكان كشفوه المخبر اللي حاطه انت بين جماعة شتاير؟؟
وسام/ لالا ،، ثقة محد يعرف بالموضوع الا انتو الثلاثة بس ،، وزي ما شفتو ولد عمي يتعامل مع سيف بالسر على شتاير 😒
ضابط أحمد/ كنت شاك في جماعة الداخلية انهم متورطين ،، لان كانو يحرسو فالبوابة الرئيسية وقدرو جماعة شاتير يخترقونا بكل سهولة 😤
وسام/ خلاص توا ،، كل شيء اتضح 👌🏻 ،، المخبر قاللي انهم ناويين يخششونا ف بعض ونقعدو نتقاتلو بيناتنا لين ترهقنا الحرب🔥👌🏻 وهما يتفرجو من بعيد لين تجي الفرصة المناسبة ويديرو هجمتهم الأخيرة ..
طق طق
وسام/ ادخل
خش هيتم / الضابط اعترف
ضابط احمد وعلي وحسام مصدومين 🤨
وسام/ هذا الضابط عثمان اللي استنجد بيا من بداية الأحداث وعطاني مديريته هادي لما صارت بينه حرب هوا وشتاير ،،
هيتم/ كان كله خطة 🔥 هوا وفرقته مسكو خو شتاير وقتلوه ولما جينا احني هنايا للمديرية واحد من جماعة عثمان حط الجثة ف سيارتك يا معلم وصوّرنا وسام/ إيه لما شمينا ريحتها المتعفنة و فتحنا الكوفني ..👌🏻
حسام/ يعني شتاير يحسابك انت خاطف خوه وقاتله
وسام/ بالزبط
هيتم/ جماعة منتصر هما اللي قصفو المدرسة وقصفو الحياش المدنية ولبسوها ف شتاير
علي/ باهي وتوا شنو ؟؟ إحني أساسا توا ف جبهة حرب مع شتاير .. شن حيصير ؟؟ 😤
وسام/ حنقعدو نحاربو ف شتاير ،، وفنفس الوقت منتصر حنديرله كمين 👌🏻 مش توا ،، خليزيد ياخد راحته ويحس انه منندروش عليه 🔥
حسام/ 😡 .. شن صار ف هذااكا يا هيتم؟؟
هيتم/ قدرت نحصل مكانه،، عنده وكر سري متع بارتي وحفلات يمشيله كل سبت ،، وقصقصت على عدد الحراسة والمنطقة .. السبت الجاي حتكون هجمتنا
حسام/ اها،، الا ما نخليه يتمنى الموت😡 👌🏻

_______♡■☆Kd°•Sha▪La'Bi☆■♡_______

نورية/ اششيه اششيه طول هكي وافقتي عليه هذا 😏،، ورضيتي تنقرا فاتحتك بكري!!
نادين/ وشنو يعني 😕 مش تبوني نتزوج اهو بنتزوج 😑 ع الاقل ناخد واحد فيه القيمة
نورية/ ايييه معاك،، لكن مش يجونا من اربعة وأيام وسادس يوم بيقرو الفاتحة هكي بيغمّوك غمّان
كريمة/ اني مش مرتاحة 😫
نادين/ بس أني مرتاحة 😏
نورية/ حتى بوك خايف ومش مرتاح ،، 😞
نادين/ وخيره مرداش قاله منبيش 😒 ولا خايف على خاطر هوا "الدولة"
كريمة/ نقصي ف لسانك هذا بوك ..😡
نورية/ أصلا بوك مشى توا بيكلمه بش يأجل الفاتحة ..
نادين/ اني معش فهمتكم أنتو شني 😤 كيف بأجلها وانتو تفاهمتو معاهم على غدوة ؟؟ خلاص أني نبيه سكروه الموضوع
كريمة/ تبيه صااااار ؟؟ اللي يسمع يقول كنتو ف علاقة ومتعرفين على بعض
نادين/ ايييه كنا ف علاقة ويبيني ونبيه ،، ❤
عاد كل ما يكلمني يلقى جايينا ناس يخطبو فيا وانكم تبو تزوجوني بعد ما بطلتوني،، شن بيديرلكم المسكين غر ان بياخدني وبيفكم مني 😭
طلعت وخلتهم 💔
كريمة/ أني هادي عجزت معاها ..
نورية/ عندها الحق ،، المهم طلعت تعرفه ع الاقل الواحد استريح لما عرف السبب .. بس علاش الإستعجال 🤔
كريمة/ اللي عنده خير كل شيء ساهل عنده ،، اشبح محمود توا شن قاله 🤔🤭
،
،
،
،
وسام/ عندك الحق يا عمي ان تنشغل ،، لكن اني والله ما رايد الا الخير لبنتك ،،
محمود/ باهي علاش الإستعجال؟
وسام/ تشوف ف وضعي ،، والحرب اللي صايرة توا ،،
الشهور الجاية وابداها من شهرين حتصير جبهة قوية احني توا قعدين راخيين حبالنا معاهم .. وانت زيد أسأل عليا ولو سمعت عليا حاجة وحدة غلط بنتك اهو قعدة عندك ..
محمود/ شهادة مسمعت عليك الا كل خير
وسام/ خلاص توكّل على الله وغدوة ان شاء الله نتمو كل شيء.. وزي ما تعرف عرس مش مداير ..
محمود/ خلاص ان شاء الله ،، بس بنتي دير بالك عليها 😣
وسام/ متخافش طلعت من ذمة راجل وبذت على ذمة راجل 👌🏻 ما تلقى إلا كل خير ❤
،
،
،
،
،
،
محمود/ ايه وهكي قاللي
كريمة/ خلاص توكلو على الله وكملوه موضوعكم غدوة..
نورية/ وكيف هكي ميبيش يدير عرس 🤨
محمود/ عنده الحق كان بوه وقريب قتلوه بيجي يدير عرس وتصير لبنتنا حاجة 😣 غدوة الفاتحة بيلم المقربين واحني انادو المقربين وتمت ..
،
،
،
،
،
،
نادين/ وينك صفاء مترديش؟
صفاء/ مريضة شوي،، سامحيني مقصرة معاك هلباااا
نادين/ خيرك حبيبتي صوتك مش عاجبني😞 قعدة متاكليش؟
صفاء/ طارت النية من كل حاجة ،، مش مصدقة عرسي بعد أسبوع 😭
نادين/ ريتي كيف انخطبنا و بنتزوجو ف نفس الوقت..
تمنيت ظروفنا تكون أحسن من هكي💔
صفاء/ خلاص انتي فاتحتك غدوة ولاه!!؟
نادين/ ان شاء الله
صفاء/ ربي يتمملك ع خير حبيبتي والله تستاهلي كل خير ..
نادين/ بلكي خطيبك هذا يطلع ولد ناس وكويس
صفاء/ تي مريض نفسي😭 مشكاك ومتع مشاكل وقليل ذوق كان منردش على مكالمته يديرلي العار .. حسين جابهولي يبي يفتك مني ،، يا تزوجي يا نبطلك من قرايتك هكي دارهالي..
نادين/ ماهو شبحك واقفة على ام حسام قدام حوشهم💔 اكيد حيديرلك رد اعتبار لفعلتك
صفاء/ تعبت يا نادين تعبت 😭 وحسام تغير عليا 💔😭
نادين/ شن بيدير هي ،، لو تجي تشوفي عنده الحق ،، ميقدرش يكمل معاك واماليك شادينها فجرتك هوا تباعد عليك لأن ميبيلكش المشاكل 💔
صفاء/ حاسة روحي مخنوقة يا نادين 🥺
نادين/ حاولي تجيني غدوة بااااهي😭
صفاء/ منوعدكش ندونة ،، سامحيني 😣