الدولة 🔥

حلقة 7

#الدولة 🔥 حلقة 7

رن المنبه ⏰ قعدت نادين تتكاسل،، ناضت خشت التواليت غسلت وجهها ودارت معجون ،، صلّت الصبح ونزلت لعمتها نورية
نورية/ صباح الخير ندونة
نادين/ صباح الخير عمتي
نورية/ أهو بدلي وتعالي افطري ما بين كملتلك آخر طاجين بيتزا 😋🤩 بش ترفعيه معاك للمدرسة
نادين/ الله منظرها يسهّف 😍😋🤤صحيتي عميمة

🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

مشت نادين لبست بدلة العيد 😂 واتصلت بمروة بش تشوف رواسي وتجهزها لان بترفعها معاها
نزلت ومسكت حفاظة البيتزا الكاغط وركبت ف سيارة منير ..
نادين/ صباح النور..
منير/ صباح الخير
رواسي/ صباح الخير عمتي .. شن رأيك في فيلّويا؟ 😋🙈👧
نادين/ محلاك طالعتيلي هههه
منير/ إيه واضح 🤣🤣 طالعة لأمها غزالة مش زيك شينة..
نادين/ اششيه اششيه 😑 توا طلعتلك شينة ..!! خلاص معناته حتى انت شين لاني اختك
منير/ لا اني حلو وقنين 😁🤣 انتي الشينة فينا
نادين/ ههههه زيد اشكر روحك
منير/ دانيا راقيلها منك كان تشد تقتلك
نادين/ علاش؟؟
منير/ قالت كيف مترفعنيش معاها لعيد الطفل..
نادين/ تي ماهو عندها هيّا حفلة ف مدرستها .. وزوز منقدرهمش .. رواسي سادّة
منير/ تفاهمي مع أختك .. امس شادتها عياط وبوازي 😶
نادين/ ياربييييه 🤦‍♀️
منير/ وبعتالي إنتو مزال تبو حتى عيد طفل!! 🤔 شن تحسابو رواحكم صغااااار
نادين/ تي هيّا بالجو دارتهالنا الأبلة ..
منير/ دقيقة خن نوقف على قهوة وجدي بناخد وحدة نص نص
نادين/ أأأ .. قاطعها منير .. عاااااارفك عااااااااارفك تبيني نحسبك معاي 😂 تقول ولد
نادين/ والله بنكيف راااسي .. هيا انزل منبيش نعطل عالبنات..
منير/ أوينا زهير جاي...
زهير/ صباح الخير
منير ونادين / صباح الخيرات
نزل منير من السيارة..
زهير/ شن تبي وتو نجيبلك لعندك😊
منير/ لالا عادي تو ننزل 😅
،،
،،
نادين/ شن جو القهوة
زهير/ اهو حال الخدمة .. وين متسقدة ان شاء الله
نادين/ لعيد الطفل مدايريلنا حفلة فالثانوية
زهير/ علاااااش ماشية😳 مقتلكش جميلة؟؟
نادين/ شن فيه؟
زهير/ امس ولد عمي هيتم اتصل بيا قاللي متخليش جميلة تمشي للحفلة فيه دوة ان حيقصفو المقر اللي بحداكم
نادين/ لالا .. مقتليش😐
زهير/ شكله نست امالا 😣 (حاول يرقعها بينه وبين نفسه).. هوّا شكله تحسابني بنتصل بيك لان قلت بنكلمك واني نحسابه بتقولك .. من اولامس معش بنتي انتي ع الفيس..
نادين/ ايااااااح فالشك يقصفو .. عارفين صغار ومدرسة .. كان يبو راهو قداش ليهم قاصفين .. رد بالك تتكلم بحدا منير ..
زهير/ فوتي يا نادين متمشيش لان هيتم معشش..
نادين/ لالا خن نمشي بلكي يقصفو المقر وتجيني شضية بش نموت وترتاح جميلة مني 💔
زهير/ وشن علاقتها جميلة؟؟ 😔
نادين / أني نعرفك لما تبدا تكذب ،، أنت اكيد قلت لجميلة وجميلة مقتليش مادابيها نمشي ونموت 😑 عاد مشاءالله الكره ووجهها الحقيقي بان
زهير/ لا والله ماصارت مش للدرجة هادي .. وو
طلع منير من القهوة وقالت نادين لزهير يسكت ..
ركب منير .. وزهير عيونه على نادين ونادين راقيلها ..😡
منير/ ومن بيروح بيكم بعتالي؟؟
نادين/ على رجلينا .. أني وصفاء
منير/ أحني ماشيين للخمس بايتين غادي عند امالي مروة .. رواسي بتقعد معاكم ..
نادين/ تمشو وتجو بالسلامة ..☺
نزلت نادين هيا ورواسي من السيّارة ..
نادين/ بالشوية الأميرات ميجروش هكي 😤😁
رواسي/ نبيش اميرة،، نبي عروسة 😑
نادين/ خلاص متجريش يا أحلى عروسة تعالي شدي ف ايدي واسمعي كلامي بش ديما نرفعك معاي 😉
رواسي/ باهي .. 😋 هادي هيا المدرسة؟
نادين/ ايه هادي المدرسة ،، حتى انتي لما تكبري بتقري اهني 😁
رواسي/ حتى ني كبيرة اهو لابسة فيللو😶
نادين/ بااااهي وانتي مستعجلة ع الماخدة 😤 اني بروحي مفكرتش فيه الفيللو ..
رواسي/ إنتي عانس
نادين/ شن هياااا 😳😱 من سمعتيه مقايلها 😑
رواسي/ هادي دانيا قالت هكي أمس،، تبكي وقالت نادين العانس ..
نادين/ عيب معش تقولي هكي .. قولي نادين الحلوة باااهي بش ديما نرفعك معاي 😒
رواسي/ باهي معش نقول .. لكن كان مترفعينيش معاك حنقولهالك 😈☻
نادين/ هوا هذا يا قعادي ني حتى المفرخ بدو يهددو فيا 🤦‍♀️😤
صفاء/ صباح الخير .. أوووه رواسي جبتاها خيتتتييي حلاها 😍😍
نادين/ صباحو ... شجوو
صفاء/ مليح .. أهو ع شوفت عيونك بدينا بالعباية
نادين/ يحليلي 😂 عمك حسام قايم القدر 🙈 يحليلي ني هالغيور😁
صفاء/ ههههه ههههه
نادين/ هي خن نحط البيتزا فالفصل ونجيك .. بش نخشو للمسرح
صفاء/ اوك اهو رواسي معاي
،،
،،
،،
ركبت نادين للفصل حطت البيتزا .. مشى شبحت للروشن تدوّر على أي شي يشبه وسام ❤
كانو قناصة ورجال ملتمين على طول النوافذ والبلكونات.. بلباسهم العسكري وأسلحتهم..
سرحت فالمكان حتى قطع علاها صوت حد
إنتي يا طالبة وين تشوفي 😑
تلفتت نادين مصدومة 😳😣
،
،
،
،
_______♡■☆Kd°•Sha▪La'Bi☆■♡_______