الدولة 🔥

حلقة 5

#الدولة 🔥 حلقة 5

ناض وسام الصبح بكري ،، نظام حياته هكي منظم في كل شيء 🔥🔥
ستّف مواد التنظيف فالحمام ،، ودار دوش بمية سخونة بش عضلاته يسترخو ،، طلع بمنشف لافه ع خصره ،، لبس هركة وصلّى الصبح ،، طيب قهوته وولع دخانه ،، قعد مقعمز على حاشية النافورة ف الجنان اللي معبي بغرس ذابل 💔 ،، كان الحوش زي حياش قبل ،، نظام باب الحارة .. قرر بينه وبين نفسه إن يقعد فيه بالسر بدون علم حد .. ويضمّه ويهتم بيه ،،
هيتم تررررن 📲📞
وسام/ ألو
هيتم/ صباح الخير يا دولة
وسام / صباح الخيرات
هيتم/ كل شيء تحت اوامرك ،، بدينا فالتفتيش واللي يروجو للمخدرات طبينا منهم جماعة امس مووخر ..
وسام/ حلوو 🔥✌🏻
___________☆خلود K••Sh شلابي☆___________
🏵💎 روايــــات دمــــعتــي تـــــروي مــــــأســـاتــي 💎🏵

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

فالثانوية
جميلة تناشب في نادين وتغيظ فاها ،، كل مرة تحكيلها فحاجة لين قالت / حبيبي أمس جابلي جاتو من موزارت 😍😏 يراضّي فيا .. ومعاه بوكس معبي شكلاتة وعطر 😏😏

صفاء/ ربي يعقّد عسلكم ..🤦‍♀️😑
نادين/ ربي يخليكم لبعض ..🤦‍♀️
جميلة/ الله يسلمكم ،، 😏
صفاء/حتى ني امس حسام جابلي ورد حذفهولي من الجنان .. جبتلكم منهم الوردات وردة ورردة
نادين/ ههههه باهي صحيتي حسبتيني فيهم 😅
جميلة/ لا يا ودي 😶 حبيبي اني مغرقني باهتمامه 😒 ما ناقص غر ناخد ورد من الرذيف اهوا ،، أعطي لنادين معندهاش حد ،، 😏
نادين سكتت مبتش ترد علاها
صفاء/ معليشي جميلة كأنك فتّي حدودك ولاه 😑 ،، حسام حبيبي زي ما هيتم حبيبك ف ياريت معش توصلي فيه لاّن اللي يوصل فيه وصل فيا ني شخصيا ..
جميلة/ من جدك تحكي إنتي !! تي من قالك حياخدك أصلا ااااه ،، بيخلوك خوتك تاخدي أسمر ومتع وجيج ..
صفاء/ حتى لو ربي مكتبلناش النصيب أني منبيكش توصلي فيه .. 🔥
جميلة/ خلاص امالا معش تحكي عليه قدامي 😏
صفاء/ والله سكري وذانك ،، محد قالك أسمعي
جميلة/ ماهو الحق في نادين اللي تساير فيك ،، مش بعيد حاطة العين على واحد من اللي يخدمو معاه فالورشة هذا علاش تتدحنسلك ..
نادين/ التدحنيس خليتهولك إنتي 😑 وماليكش علاقة بيا بمن نحط عيني وبمن نرتبط ولا بمن نكلم .. رأيك احتفظي بيه لنفسك ..
صفاء/ انتي من معبرك أصلا ،، قعدة طفلة مراهقة حتى بس بس محد يقولك فاها .. حتى لما نطلعو مع بعض يلحقو فيا ني ..
نادين/ هههههه لأن واضح عليا واعرة ،، و فارضة احترامي ،، مش راخية حبالي للي يسوى واللي ميسواش 😎 حمدلله جمال وجميلة ،، 🔥😌❤
جميلة/ كلنا جميلات 😒 ،، المهم خن بنمشي نشوف هيتم من روشن الفصل ..
قعدت جميلة تفخفخ قدام بناويت فصلها على هيتم ولد عمها .. وتغيظ ف نادين 💔❄
صفاء/ مش عارفة خيرها ولّت هكي ..😤 انقلبت
نادين/ تمشي تملّح والله ع خاطر العشرة والعمر وع خاطر امها وزهير والباقي ما ندوي معاها حتى بحرف ..