الدولة 🔥

حلقة 14

#الدولة 🔥 حلقة 14

نادين/ هيا أني فتحت يا عمتي 😣
كانت نورية ماسكة سمعو👶 ولد منير ف يد ،، والقفطان👗 ف يد .. وحايسة مع بعضها ،،
نورية/ من بكري وإنتي تقولي تبدلي !! 🤨
نادين بدون مبالاة 😶/ حييي سمعو حبيبي😍🤤 كغّاااا
وينه مريتاش لوطى ☺
نورية/ كان راقد كيف ناض ،، راجي خلنحطه لوطة شوفي شن جبتلك..
نادين/ هذا لشنو القفطان؟!!
حطت نورية سمعو لوطة قعد يمرد ،، وقعدت تكلم ف نادين
نورية/ هادي اخت أبلة منية تخيّط فيهم ،، واني قلت ناخدلك زوز تحوسي بيهم فالحوش مش خيرلك من السراويل 😑
سمعو مشى لناحية السرير قعد يجبد فالورغان الابيض الطايح ع السرير و شاف وسام قعد يناغيله 🎶🎵 يبي يخشله 😂😂 ووسام ماسك ضحكته ،، مشت نادين زي الطلقة وقاماته
نورية/ تي خليه،، وهاكي قيسي القفطان فيسسع بش كان جاك مقاسه نوصيلك على واحد تاني زيه 😶
نادين/ حتى بعتالي 😰
نورية/ توا قيسيه لان بنمشيلها فيسع ..
رجع سمعو يمرد وخش تحت السرير ،، نادين خافت كيف بتمشيله
نورية/ نادين خيررك😡
نادين/ لالا شيء ،، غر راقيلي من بوي 😣😭
نورية/ فوتيه متكلميشي ومتعانديشي خليه تو يقتنع ،، غر أرمي حوايجك فيسسع..
انحطت نادين فالامر الواقع😭 قعدت عمتها تساعد فيها بش تنحي ملابسها..
نورية/ خيررك متحشمة مني ،، 🤨 مش كنتي تبدلي بحداي!!
نادين ف خاطرها 😭 اسكتي يا عمتي فضحتيني ،، برستجي طاااااح 😩
وسام يغمّض ف عيونه ويضحك بالشوي 😂
وسمعو مررة مررة يخش تحت السرير ووسام يمدله ف يده و سمعو يضحك ..
نورية/ بسم الله العظيم خيره يضحك بروحه
نادين/ أ أ أ عارفتيه ملايكته خفيفة وديما يضحك😥🤦‍♀️ (وفخاطرها تتحلف ف وسام😂)
نورية/ نحي التيشيرت خيرررك 😡
نادين/ عادي يخش حتى فوقه ..
نورية/ تي نحيه ،، 🤨
نادين فخاطرها/ تشهدرت 😭🤦‍♀️

طلع سمعو من تحت السرير يمرد زي الطلقة👶 ،،

نورية/ جاك بالزبط يهبببل لونه عليك 😍 خلاص تو نوصيلك على واحد تاني أسود فالذهبي..
نادين/ تمام
نورية/ خلاص اني بنمشيلها توا ،، خلي سمعو عندك ،، وكانك جيعانة قولي لزهير يجيبلك غداك من حوش اماليك لاني مطيبتش .. وجهك رايح أصفر من قلة الماكلة ..
نادين/ زهير 😭
نورية/ حي والله نسيت 😩💔 من كتر ما واخدة عليه ديما انادي باسمه ..😔
نادين/ مفيش دوة عليه؟؟ هيتم مدارش حل ؟؟
نورية/ لالا .. هيتم قالو مسكر تيليفوناته ابصر شن مداير وعالق مع الجماعة هادي 😤
نادين/ 😭

نورية/ المهم بري جيبي غداك ولا كولي حتى ساندوتش متقعديش هكي ندونة
نادين/ ما خاطريش ..

وسام فخاطره/ تو نخليها تاكل غصب عنها 😡

نورية/ شن مخاطركش ،، من زيك توا عاد بتولي أ أ أ هههه ههههه😂😂
نادين/ شن فيه خيررك
نورية/ لالا مش حنقولك ،، امك تو تقولك😉
نادين/ ع شن بتقولي ،، غر شن فيه بالله عليك 😥والله معاد متحملة رعايش 😭
نورية/ لا رعايش لا حاجة ،، موضوع خير😉
نادين/ موضوع شنو
نورية/ امس جو ناس يخطبو فيك 😍
نادين/ والله 😰
نورية/ بوك عجبه الموضوع هلبااا،،
نادين/ هذا علاش بيبطلني من قرايتي يبي يفتك مني 😭
نورية/ لا الموضوع مليشي علاقة.. الولد كويس ومكون روحه ،،
نادين/ بوي ونعرفه ،، زي ما زوّج أختي من غير ما تكمّل قرايتها حيدير فيا هكّي 😭 ومنو الولد هذا نعرفه؟؟
نورية/ معتصم ولد مريم ،، صاحب خوتك
نادين/ معتصم 😳
نورية/ إيه،، فالزين قنين ،، واخلاق وراجل مقوّم .. حتى خوتك يشكرو فيه☺
نادين/ خليني بنرقد ،، وموضوع الزواج مش في بابه 🥺💔
نورية/ كولي قبل وارقدي ارتاحي ،، والعشية حنحكو ف موضوعك..
طلعت نورية ونادين سكرت الباب بالمفتاح ووقفت مصدومة ،، تبكي وتتنهد بالعبرة ،، سمعو يشبحلها وقعد يمرد على رجليها وحط يده علاها ،، يناغي 🎵🎶 وكأن يقوللها متبكيش يا عمتي 💔
طلع وسام من تحت السرير مصدوم من اللي سمعه 💔
يشوف فاها تبكي ومحروقة لأول مرة يلقاها ضعيفة وهشّة زي توا 😣
وسام يشبحلها وساكت😤 راقيله للّوح،، 😡😡
نادين/ وسام تحبني🥺 ؟
وسام تنهّد وسكت😔
نادين/ خيرك سكتت اااااه 😫
وسام/ إنتي تحبيني؟
نادين/ أني اللي سألت
وسام/ بس أني نبيك تجاوبيني
جي سمعو لوسام،، مشى قامه من الارض..❤ تعالى يا شدوق😘😘 اسمك سمعووو 😚☺
سمعو/ إننننن كغغغغ غغغااااا
نادين تشبحله كيف يلعّب فالبيبي ❤ لو فيه شخص تبيه يتزوجها ف أكيد حيكون وسام 💔
وسام/ قول لعميمة طالع عليك البودري يجنن😉🤤
نادين قلبت عيونها بغضب ..😤
وسام/ وقوللها وسام ميخليش حبيبته لغيره ،، 👌🏻 ولو نقتله بيديا 👌🏻🔥