الدولة 🔥

حلقة 11

الدولة 🔥 حلقة 11

وسام انخلع لما شافها مرمية عالأرض😳 قرّب منها وقامها بين إيديه وحطها عالسرير ،، قعد يهز فيها ويمس ف جبينها ،، نادين نووضي 😥 نااااادين
رش على وجهها مية ،، قريب خمسة دقايق لين وجهه راح أسود من الخوف علاها 🖤 فجأة رمّشت عيونها ،، حط الشكلاتة ف فمها ويقوللها غصبي ع روحك كولي 😊
نادين تبكي 😭
وسام/ خيررك شن فيك ،، احكيلي
نادين / 🥺💔
وسام/ اعتبريني زي خوك واحكيلي من مضايقك😔
نادين لما سمعت كلمة زي خوك وجهها بدى احمر وقعدت تبكي احرف 😡😭😭
وسام/ عارفك متضايقة ع خاطر بوك امس ولاه😣
هزّت نادين راسها بالموافقة
وسام/ بوك خايف عليك ..
نادين/ عاااارفة 😔 بس مش اهني المشكلة،،
وسام/ مالا وين المشكلة احكيلي ندونة
نادين لما سمعاته يدلّع ف اسمها فرحت بس لما تفكرت كلمته متع زي خوك انقهرت 💔😭
وسام/ هي نوضي قعمزي ،، مسكها من يديها وقعمزها وجي فجنبها قاللها تسمحيلي ؟!! بمعنى ياخد ف ادن انه يجلس بحداها
نادين قعدت تفكر وسرحت
وسام/ خيرك نادين وضعك مش عاجبني 😣
نادين بغضب / خليني نبي نرجع لحوش عمتي 😤
وسام/ باهي تمام خليني نساعدك 😮
نادين/ منبيكش تساعدني 😑
وسام/ هيا مش بتسكير راس ايوااااه 😒
نادين/ دخلكش فيا .. وناضت وقفت وهيا تتمايل من الدوار..
وقف وسام ومسكها من يديها الزوز بالقوة ،، مدامك جاية لحوشي كلمتي هيّا اللي حتمشي برضاك ولا برضاك فااااااهمة 😑
نادين/ اعطيني خاتمي باه .. سقدني 😒
وسام/ ريتي نجوم الضهر !! 😏 أقربلك منه 😎
نادين/ أففففف 😤
وسام باستفزاز / أصلا مزال عقابك محكيناش فيه ،، تعرفي نلقى راسك فوق الحيط بسس ،، حتشوفي تصرف مش حيعجبك 😑 وأهو نبهتك
نادين/ والله 🤨 مناقص غير تحكم فيا 😒
وسام/ استغفر الله العلي العظيم 🤦‍♂️.. باش تفهمي إنتي 🤷‍♂️
نادين/ السطح هوا المتنفس الوحيد متجيش إنت تحرمني منه 😑 ومن تكون أصلا
وسام حط عيونه فعيونها 🔥🔥
وسام/ تعرفي م الأخيررر ،، ومن غير كلام زايد
نلقى دينم راسك فوق السطح تو تشوفي شن حندير فيك 😡
نادين/ وتي روحك امالا .. صبح نهار ليل بتلقاني مقعمزة فوق السطح وأعلى ما في راسك أركبه 👌🏻
وسام بتهديد/ ديراها وتو تشوفي شن حندير
نادين خافت/ شن بدّير ،، حتحرّش فيا خوتي 😥
وسام/ لا اني أكبر من هكي .. جو المفرخ والعواويل مش ليا ،، لكن كان اضطر الامر حنكلم بوووك
نادين/ قوووله 😏
وسام/ اني دهشت من الدوة ،، يلا قدامي روحي لحوش عمتك 😒
نادين/ مش حنروح لين خاتمي يرجعلي
وسام/ خاتمك أنسيه قلت 😡
نادين/ حسبي الله ونعم الوكيل فيك ،، خاتمي عطتهولي جداي 😭
وسام/ تحسبي للصبح ،، بش مرة تانية معش تنقزي لحوش حد .. تحسابي روحك صغيرة
نادين تحشمت من تهزيباته الغير مباشرة 💔😣
ركبت للدرج وهوا وراها .. كيف بتنقز من سور الجامع داخت شوية
وسام/ نساعدك؟
نادين/ ولو تكون آخر واحد فالدنيا بش تساعدني مش حنقبلها مساعدتك
وسام/ على أساس بنموت كان مخليتينيش نساعدك 😡 لسانك طويل ..
نادين/ هاه 😒
نقّز وسام وسبقها / هيا سقديني فييسع 😡
نادين/ خلاص برا ف حالك نعرفها الطريق
وسام/ تعرفي مخليتيليش ولا أي حل تاني 😡😡
شدها من يديها الزوز وقامها من على الصور
نادين/ خليني خلييييني متمسنيش 😭💔😤😤
وسام/ تعرفي نقتلك فااااهمة نقتللللللللك 🔥😡 مش أني اللي فرخة تعلي صوتها عليا..
قامها وحذف جزئها العلوي من راسها لخلف ضهره ومسك رجلاها .. وهيا تقاوم تضرب فيه على ضهره .. نزلني نزززززلني 😭
وسام/ أهو بنحطك على سوركم شدي كويس
نادين ساكتة وخاشة بعضها .. ومشاعرها متناقضة💔🔥
وسام/ باهي اللي هديتي .. خليك هكي ديما عاقلة
نادين/ حاجة تخصني 😑
وسام/ باهي انزلي هي ضيعتيلي وقتي 😤
حطها من جهة سور سطح عمتها .. قاللها هيا قدامي خشي للحوش
نادين/ إنلا مش خاشة 😏
وسام/ متخلينيش نجيك توا 😡
نادين/ تعالى 🙄
وسام تعفلق وجاه القداد ههههه
يااااااربي الصبر منك 🤦‍♂️ نقز وسام من ع السور شبحاته نادين خشت تجري وتضحك ههههه 😂😂
وسام/ وربي الا منحطك ف راسي وتو تشوفي هاه 👌🏻
___________☆خلود K••Sh شلابي☆___________
🏵💎 روايــــات دمــــعتــي تـــــروي مــــــأســـاتــي 💎🏵