Unconditional Love

🍒 3 🍒

Unicode

ပတ်သက်ဆက်နွယ်မှုရှိသမျှ လူတိုင်းဆီကနေ
အချစ်ခံချင်၊ ဦးစားပေးခံချင်၊ ဂရုစိုက်ခံချင်တဲ့
Jiminကို အရမ်းဆိုးတဲ့ကောင်လေးလို့ ဖိုးဖိုးက
ရယ်ရယ်မောမောနဲ့မှတ်ချက်ချခဲ့ဖူးတယ်။အရမ်း
ဆိုးတဲ့ကောင်လေး ဆိုတာရဲ့နောက်ကွယ်မှာ
အတ္တကြီးတဲ့ကောင်လေး၊ တစ်ကိုယ်ကောင်းဆန်
တဲ့ကောင်လေးဆိုတဲ့ အဓိပ္ပါယ်မျိုးလဲ ပါဝင်နေ
မှာ အသေအချာပဲပေါ့။

ဒါပေမဲ့ အမြဲတမ်းဒီစိတ်နဲ့ ရှင်သန်နေရတဲ့ လူ
တစ်ယောက်ရဲ့ နေ့ရက်တွေက လွယ်ကူမနေ
တာကိုတော့ ဖိုးဖိုး မသိနိုင်ပါဘူး။ အချစ်ခံချင်
တာကပဲ ပြဿနာကြီးတစ်ခုဖြစ်နေသလိုလို။

ဖြတ်သန်းလာတဲ့ ဘဝတစ်လျှောက်မှာ အချစ်
ခံချင်တဲ့ ရောဂါရဲ့ ကြီးစိုးမှုနဲ့ကြောင့် Jimin ဘဝက ပြီးပြည့်စုံနေလျက်နဲ့ ပျော်ရွှင်မှုနဲ့ဝေးနေလေ့ရှိတယ်။

ကိုယ့်ကို ပိုသတိထားမိပါစေတော့ဆိုတဲ့ စိတ်နဲ့ ကိုယ့်ရဲ့အပြုအမူတွေကို လိုတာထက်ပိုပြီး အား
ထုတ်လိုက်ရတဲ့ အခါမျိုးတွေရှိတယ်။ စိတ်ထဲ
ဘာမှမရှိသလို ပြောနေပေမဲ့ ကိုယ်ပြောလိုက်
တာလေးကို တခုတ်တရမှတ်ထားပေးပြီး တိုက်
ဆိုင်မှုရှိခဲ့တဲ့အခါ ကိုယ့်ဘက်က ထပ်ပြောစရာ
မလိုဘဲ ကိုယ့်ဆန္ဒကို ဖြည့်ဆည်းပေးမှာမျိုးကို
လိုလားတယ်။

အားစိုက်ဖန်တီးစရာမလိုဘဲ Jimin
ကို ချစ်ပေးတဲ့သူနဲ့တွေ့ရင်တော့ အရမ်းကိုပျော်
ရွှင်မိမှာပါပဲ။

ဒါက သိပ်ကိုရူးကြောင်ကြောင်နိုင်ပြီး အတ္တကြီး
လွန်းတယ်လို့ ထင်ချင်ထင်ကြလိမ့်မယ်။ အဲ့ဒီလို
ထင်လဲ Jiminကတော့ဂရုစိုက်နေမှာမဟုတ်ဘူး။
ကိုယ်နဲ့မသိတဲ့သူတွေရဲ့ ထင်မြင်ယူဆချက်တွေ ကJiminအတွက်တော့ မြူတစ်မှုန်စာလောက်
တောင် အရေးပါမနေဘူးလေ။

အချစ်ခံချင်ရှာတဲ့ Jiminကတစ်ဖက်သားကို
ဂရုစိုက်ပေးဖို့၊ ပြန်ချစ်ပေးဖို့နဲ့ ဦးစားပေးတတ်
ဖို့ကိုတော့ မေ့နေတတ်သည်။ တစ်ဖက်သားကို
ပျော်ရွှင်မှုနဲ့တွေ့ဆုံရအောင် ဖန်တီးပေးရတဲ့
ဝမ်းသာကြည်နူးမှုမျိုးကိုလဲ သူမသိရှာဘူး။