_ أسيل !
_ عايدة !
القت أسيل ثقلها على عايدة واطلقت العنان لدموعها
_ عايدة : في ايه يا أسيل ! حصل إيه ؟!!
زادت شهقاتها، جذبتها عايدة ااي الداخل واغلقت الباب
_ عايدة : طيب اهدي، اهدي متحكيش اهدي
تبرم شفتاها، وشهقاتها مكتومة تنظر نحو عايدة التي جذبت رأسها الي صدرها وترتكز تبكي بألم .. بفقد .. بخوف من مجهول
_ عايدة : هقوم اعملك عصير
وقبل ان تقف وتتجه نحو المطبخ اوقفتها نبرة أسيل الباكية
_ أسيل : في حد عرف
وتلتفت لها دون ان تعقب والاخرى تكمل
_ أسيل : ملجأ المنصوري
_ عايدة : مين ؟؟
تبتلع ريقها بصعوبة، اللعنة حتي الاتيان بذكر اسمه يرهبها
_ عايدة : مين يا أسيل ؟!
_ أسيل : دكتور توفيق
_ عايدة : ودا يطلع مين دا
_ أسيل : دكتور مادة عندي في الكلية
_ عايدة : ايوه بس هو عرف منين
_ أسيل : مش عارفة انا من ساعة ما شفته في الكلية و انا متلخبطة و خايفة و هو مبيضيعش فرصة
_ عايدة : وهو بيعمل كدا ليه
وتلتفت أسيل في نظرة طويلة، السؤال واجب و هي لا تعلم الاجابة، هي حقاً لا تعلم الاجابة
_ أسيل : مش عارفة
وتصمت كلاهما تنظران لبعضهما نظرة طويلة مبهمة
*************************
الساعة الثالثة فجرا، و سيارته تدخل الجراج و اخيرا
خطواته هادئة، مرتنحة بعض الشئ و لكنه يسيطر هو القائد ثم القائد، اخبرته مرڤت مربية المنزل ان والديه عادا من الحارة صباحا فتخلي عن شقته التي يعيش فيها وقرر ان يبيت الليلة في قصر " يوسف بيه الخليلي "
_ مازن : يوسف بيه
و الاستقبال نظرة قاتمة وصفعة حادة اتت على اثرها أثير التي وقفت تنظر بزهول ليوسف و عيناها تنظر لمازن بخوف
_ يوسف : انت خلاص بظت و معدش ليك صلاح
ويبتسم بسخرية مريرة بينما يتابع يوسف
_ يوسف : انت فاهم ان اخبارك مبتجليش
واقترب منه
_ يوسف : ولا تكونش فاهم ان الشقة الي بتروح تقضي فيها عقدات الانس و السفالة مع الصيع بتوعك ملهاش حاكم
_ مازن : دنا متراقب بقا
_ يوسف : اه متراقب.. اما تبقي عيل في تصرفاتك تتراقب
_ مازن بحدة : انا مش عيل
_ يوسف : لا عيل، اما تاخد من فلوس ابوك و تشتري شقة عشان نزواتك تبقي عيل، اما تبقي تاخد فلوس من امك عشان تشتري عربية و تغيرها كل سنة تبقي عيل
_ مازن : ...........
_ يوسف : ليه متبقاش زي سليم اخوك ناجح وظابط و الناس بتعمله حساب
_ مازن : ومعقد نفسياً
_ يوسف : بس مش صايع عايش على قفا ابوه و امه
_ مازن : انت جاي تلومني بعد ما ربيتني انت الي عودتني على كدا انت الي عودتني ان كل حاحة مجابة
_ يوسف : صح .. صح .. وانت عندك حق
