هو رجل المهام الصعبة و إن وجِدَت ..
_ أنت بتعمل ايه ؟
_ بحضر الفطاروترفع حاجباها في زهول وهي تراقبه، يقف يستند الي رخام المطبخ يسند بجبس زراعه الطعام و بيده اليسرى يقطع الخيار
تقدمت نحوه
_ عايدة : ايه الي قومك من السرير
_ مازن : جُعتونظر لعيناها في تأمل ...
_ مازن : وانتِ اتأخرتي
_ عايدة : نعم ؟!!
_ مازن بحدة : ازاي يا هانم تباني برا البيت كدارفعت حاجباها تنظر له في دهشة
_ مازن : فاكرة ان مفيش راجل هنا في البيت ولا ايه
_ عايدة : انت بتقول ايه
_ مازن : انا مقبلش ابدا ان مراتي تبات في بيت غريب
_ عايدة : بيت غريب !
_ مازن : يعني مراتي تعدي ؟!وقفت الي جواره تمسك من يده السكين و هي تقطع شرائح الخيار
_ مازن : مالك
_ عايدة : مالي
_ مازن : متوترة كدا ليه هاهواقترب خطوة
_ مازن : خايفة مني
_ عايدة : وهخاف منك ليه
_ مازن : امممم.. يعني .. انا غسلت المواعين كلها بايد واحدة و عملت الفطار بتيد واحدة بردو .. يعني توقعي مني اي حاجة
_ عايدة : هتعمل ايه يعنيواقترب خطوة و الاخرى وهو يبتسم بشقاوة، ذهبت كدمات وجهه و ظهرت تقاطيعه الوسيمة
_ مازن : لا اعمل كتير
_ عايدة : طب وسع بقا عشان مدبش السكينة في كرشك اطلعها من قفاك
_ مازن : ايه دا واقف مع جزار !!واصلت تحضير الطعام قبل ان يقترب من جديد
_ مازن : متيجي نرمي على بعضنا دقيق
_ عايدة : ودا ليه بقا
_ مازن : يعني عشان نبان اتنين روشين ليفل الوحشصمتت وهي لا تعيره اذن قبل ان يقترب
_ مازن : طب تيجي احضنك من ورا زي الاجانب
والتفتت له لتصفعه بقوة
_ مازن : لا بقا كفاية كفاية اهانة
رفعت حاجبها وهي تنظر للرمادية عيناه ليضعف مجددا
_ مازن : وبعدين بزمتك دا خد يضرب
واشار نحو خده بدلال
_ مازن : دا يتباس
ورفعت كفها مرة اخرى قبل ان تمتد يده اليسرى تمسك معصمها
_ مازن : خلاااص انا اسف .. خلاااص مكنتش كلمه انا اتهريت !!!
استدارت تكمل الطعام وهي تنظر له بطرف عيناها مبتسمة بينما هو استند الي رخام المطبخ
_ مازن : معندكيش قهوة اصلي بحبها جدا
_ عايدة : لا ، عشان انا مبشربهاش
_ مازن : تعرفي انا اكتر حاجة بكرها في حياتي هي القهوة بني كدا و رخمة متعرفيلهاش طعم يا اختي والله