_ صباح الخير
= انت بتعمل إيه ؟!!
_ ايه ... هقعد
= لا معلش مفيش شباب بتقعد هنا
_ متخافيش المستر مش هيجي يبك
= دا ايه السكر دا ؟!! .. مفيش بنت تقعد جمب شاب في المدرج دا
_ يسلام ! ودا قانون مين دا بقا
= قانوني و اتفضل من هنا و الا ...
_ و الا ايه
صمتت لا تدر بما تضيف، إبتسم هو ببريق عيناه الرمادية الجذابة واقترب
_ انتِ فلاحة مش كدا
رفعت عيناها له في زهول، وقح !
_ الأشكال دي أعرفها كويس
= إحترم نفسك !
زادت ابتسامته
_ طيب بس متتحمقيش كدا
= اتفضل امشي حالا بدل ما اطلبك الامن
علت ضحكته لتهتز معها خصلاته البنية الناعمة بافتتان واضح يدركه و تدركه جميع الايناث
= طب نادي كدا و قوليلهم مش بعيد يطردوكي انتِ يا امو محمد
_ امو محمد !
وعيناها السوداوتان تلمعان بغضب
_ انت مستفز
= مش عاجبك في بنش هناك فاضي روحي اقعدي فيه لوحدك
واقترب بثقة
_ من غير ولاد
وضع حقيبته وكتبه و ابتسم وهو يتكأ بينما هي زفرت في حنق واضح و ابتعدت عن المكان
_ ميزو
كان صوت الفتيات اللاتي حاوطنه فور جلوسه
_ هايدي : كنت فين يا كازانوفا كل دا تأخير
_ مازن : انا مكنتش جاي اساسا
_ سيلا : وايه الجديد ما انت على طول مبتجيش
_ تامر : بس غريبة ايه الي جابك انهردا يعني
ابتسم مازن بغرور
_ مازن : ابويا بيربيني يا عم
_ هايدي : كان ممكن تنزل شقتك الي في المعادي
_ تامر : اه واحنا كنا هنحصلك
خفتت ابتسامته وهو ينفخ دخان سيجارته بتلذذ
_ مازن : لا منا مقلتلكوش
_ تامر : ايه
_ مازن : منا متراقب
********************
_ أسيل انجزي يا بنتي المحاضرة هتبتدي
= حاضر يا هدير مش معقول السربعة دي فاضل لسه نص ساعة
ركبت الفتاتان سيارة الاجرة لتصلا بعد عشر دقائق
_ أسيل : كويس لسه قدمنا وقت نروح ناكل بقا
_ هدير : يا بنتي ارحميني بقا مفضلش حاجة
_ أسيل : هقع من طولي متعشتش
_ هدير : ........
_ أسيل : طيب تمام اتعشيت بس انا لو مفطرتش مش هعرف اركز في البتاعة الي داخلينها دي
_ هدير : بتاعة ! دي محاضرة الدكتور توفيق الكيلاني
_ أسيل : اممم وبعدين ؟
_ هدير : وبعدين الدفع الي قبلنا كلها بتخاف منه دا عميد الكلية نفسه بيعمله حساب
_ أسيل : ايوه بردو هنروح ناكل و لا لأ
_ هدير : يا ربي !
