_ أنا جعان
_ طب متاكل !ينظر للطعام بقلة حيلة ويرفع عيناه لها بإستجداء
_ عايدة : ايه الاكل قدامك
_ مازن : هحطهالك رنة حاضر، دراعي مجبس
_ عايدة : كُل بالشمال !!!
_ مازن : عايزة الشيطان ياكل معايا هو اوريدي مقيم معايا بس عند الاكل و استوب
_ عايدة : يعني عايز ايه
_ مازن : أكليني
_ عايدة : انت مجنون مش كدا ؟ قول انك مجنون اه عادي بتحصل
_ مازن : انا جعاان
_ عايدة : بس بطل صويت
_ مازن : طيب يلا هاااااوفتح فمه منتظرا الطعام
_ مازن : يلا مش هفضل فاتح بقي زي سيد قشطة كدا كتير
برمت شفتاها بحنق و هي تقرب المعلقة الي فمه
_ مازن : ناقص ملح
_ عايدة : قوم جيبه لنفسك
_ مازن : كان على عيني
_ عايدة : يا ربيوقفت تحضر له ملح الطعام وعادت، فتح فمه كالاطفال وتناول في هدوء
_ مازن : الشوربة سوخنة
_ عايدة : اه يعني عايز ايه
_ مازن : انفخيلي فيهانظرت الي عيناه في غضب مكتوم
_ عايدة : حد قالك اني خلفتك ومخدتش بالي ولا حاجة
بعيناه المليئة بالبرائة المصنتعة ابتسم
_ مازن : خلاص، مش عايز شوربة
فتح فمه مرة اخرى وناولته الطعام، تأملها بهدوء عن قلب، تفاصيلها جميلة رغماً عنه تجذبه، تفاصيلها مهلكه
_ عايدة : خلصنا
_ مازن : لأ ايه انا لسه جعان
_ عايدة : كفاية اعمل ريجيمخرجت من الغرفة بينما هو زفر في غضب وونظر الي جسده
_ مازن : ريجيم !!! فَشَر دنا جسمي موديل
***********************************
_ فريد : ورديت ؟
_ توفيق : ارد اقول ايه ... معرفتش سكت
_ فريد : هو دا الي قلتلك عليه مش هتعرف ترد
_ توفيق : .............
_ فريد : وبعدين ايه حوار الحادثة دا
_ توفيق : العربية كانت هتخبطها و ...
_ فريد : قومت جاري عليها
_ توفيق : ............
_ فريد : بس على انها مرام مش كداصمت بينما عيناه تدوران في تشتت
_ فريد : لو كانت الصورة الي في عقلك غيرها مكنتش هت...
نهض كمن لدغه عقرب ينظر نحوه في تردد
_ توفيق : انت بتقول ايه يا فريد ! انا لو شفت اي بنت سواء مرام او أسيل كنت عملت كدا
_ فريد : متكدبش على نفسك يا توفيق انت شفت مرام قدامك و الدليل انك منتدش على حد غيرهالمعت عينا توفيق في غضب وهو يتركه و يتجه نحو الشرفة
_ توفيق : انا شفت أسيل ... بس ناديت على مرام
_ فريد : توفيق انا قلتلك وجودك في العلاقة دي من الاول غلط مينفعش
_ توفيق : انا حاولت اني ....
_ فريد : توفيق ابعد عنها انت هتأذيها كفاية عليك متحاولش تكسر نفسك من جديد
_ توفيق : وهو يعني معنديش احساس