နှောင်ကြိုး ၁၆
အနောက်အရပ်ဆီကနေမင်းကြီးက နီတာရဲပြီး ပတ်ဝန်းကျင်တစ်ခုလုံးကို အနီရောင်သန်းသန်းလေးများခြယ်သနေလေတော့သည်။
ဘုရားရင်ပြင်ပေါ်မှနေ၍ အဝေးတစ်နေရာတွင်ပျံသန်းသွားသောငှက်အုပ်လေးတစ်အုပ်ကိုနွေနှောင်းမိုးတစ်ယောက်ငေးကြည့်နေလျှက်ပင်။
"ကလေး....''
နောက်မှမခေါ်သံကြားတော့နှောင်းလှည့်ကြည့်လိုက်သည်။
"ကလေးကအမြဲဘုရားကိုခနလေးပဲရှိခိုးတယ်နော် တစ်ခါတစ်လေလေးလဲ ဘုရားတရားလေးကောင်းကောင်းလုပ်ပါဦး။''
မသည် အပြစ်တင်သည်မဟုတ်သောလေသံချိုချိုကလေးဖြင့်နှောင်းရဲ့ခေါင်းလေးကိုဖွရင်းဆိုလိုက်ပြီး နှောင်းရဲ့အနီးတွင်ဝင်ထိုင်လေသည်။
"ယွန်းနဲ့ကိုဝသန်ကောမ...''
"ဘုရားရှိခိုးနေကြတုန်း မကကလေးထသွားတာတွေ့လိုက်လို့လိုက်လာတာ...''
"ဟီး မရယ် ဘုရားကနှောင်းနေ့တိုင်းရှိခိုးနေကျပဲဟာ..''
"ဟုတ်ပါပြီ နှောင်းလေး မင်းကိုမမမေးစရာရှိတယ် ဘုရားပေါ်မှာဆိုတော့ကလေး,မကိုမလိမ်ဘဲအမှန်အတိုင်းဖြေရမယ်နော်...''
"မရယ် နှောင်းကမကိုမပြောတဲ့ကိစ္စသာရှိမယ် ဘယ်တော့မှမလိမ်ပါဘူး....''
"မရဲ့ကလေးကရိုးသားတာမသိတာပေါ့... ''
"ကျွန်တော့ကိုမေးစရာရှိတယ်ဆို...''
"Omm ကလေးမှာကောင်လေးရှိလား....''
မရဲ့မေးခွန်းကြားတော့နှောင်းပြုံးလိုက်မိသည်။
"မရယ် နှောင်းကကောင်လေးမထားပါဘူးမရဲ့...''
"ဘာလို့လဲကလေး....''
"ဘာလို့ဆို ဟို...''
"ကောင်မလေးရှိနေလို့လား...''
ပိတ်ပြီးမေးလိုက်သောမစကားကြောင့်နှောင်းအနည်းငယ်အံ့သြမိသွားသည်။ မရဲ့မျက်နှာကိုကြည့်လိုက်တော့အေးအေးဆေးဆေးပင်။ နှုတ်ခမ်းကလေးကိုတွန့်ချိုးပြီး အလှဆုံးပြုံးနေသယောင်ယောင်ရှိလှသည်။ နှောင်းသည်မနှင့်အနီးကပ်ကြီးပြင်းလာသူဖြစ်တာကြောင့် မရဲ့စကားနှင့်အမူအယာကိုအကဲခတ်ပြီးမဘာကိုဆိုလိုသည်ဆိုတာကိုချက်ချင်းပင်သဘောပေါက်သွားသည်။
YOU ARE READING
ေနွာင္ႀကိဳး(နှောင်ကြိုး) |completed|
RomanceThis is my third creation😁😁 ေႏြေႏွာင္းမိုး x ေမယြန္းပန္းခ်ီ အေနာ္ေရးတာဆိုေတာ့နည္းနည္းေဂါက္ေၾကာင္ေၾကာင္ေပါ့ This is my third creation😁😁 နွေနှောင်းမိုး x မေယွန်းပန်းချီ အနော်ရေးတာဆိုတော့နည်းနည်းဂေါက်ကြောင်ကြောင်ပေါ့