Called me Villin
အပိုင်း (၅)မျက်နှာကိုမြင်လိုက်ချိန်၌ ထိတ်လန့်သွားသည့်အဖြစ်ကို တစ်ဖက်လူမမြင်စေရန် အလျှင်အမြန်ထိန်းချုပ်လိုက်ရသည်။ လောလောလတ်လတ်ဒဏ်ရာရထားဟန်တူသည့် အမာရွတ်နှစ်ခုသည် အမျိုးသမီး၏မျက်နှာကို အတိအကျကို ရုပ်ဆိုးစေပါသည်။ မတော်တဆမှုတစ်ခုခုဖြစ်ထားသည်လား သို့မဟုတ် တစ်ဆုံတစ်ယောက်၏လက်ချက်ကြောင့်လား။
' ကျွန်မ ဘာကူညီပေးရမလဲ'
'ကဗျာချိုသေဆုံးသွားတဲ့ အမှုနဲ့ပတ်သတ်ပြီး မသဇင်ဦးနဲ့ စကားနည်းနည်းလောက်ပြောလို့ရမလား'
'ဟုတ်ကဲ့ ရပါတယ်'
ဧည့်ခန်း၌ထိုင်လိုက်ပြီးနောက် အခန်းထဲ၌တစ်ချက်မျှဝေ့ကြည့်လ်ိုက်မိသည်။
'ကော်ဖီဖျော်ခဲ့မယ် ခဏလေးနော်'
'နေပါစေရှင့်။ ကျွန်မ ကော်ဖီမသောက်ပါဘူး'
ထို့နောက်သဇင်ဦးမှာ သူနှင့်မျက်နှာချင်းဆိုင်၌ ဝင်၍ထိုင်လိုက်သည်။
' မသက်သက်ခိုင် သိချင်တာမေးပါ။ ကျွန်မ သိသလောက်ပြန်ဖြေပေးပါ့မယ်'
သဇင်ဦး၏ မျက်လုံးတွေကို အရင်ဆုံး အကဲဖြတ်မိသည်။ တည်ငြိမ်ဆူးရှသည့် နွေဦးရဲ့မျက်လုံးတွေနှင့်မတူပေမယ့် အရောင်လက်နေသည့် သူ့မျက်လုံးများ၌ ထက်မြတ်သည့်အသွင်ကိုဖော်ပြနေသည်။
' မသဇင်ဦးနဲ့ ကဗျာချိုတို့ ရင်နှီးတာကြာပြီလား'
' ငါးနှစ်။ ဟုတ်တယ် ကျွန်မနဲ့ချိုလေးနဲ့ ရင်းနှီးလာတာ ငါးနှစ်ရှိပါပြီ'
'ဒါဆို နွေဦးကိုလည်း ရင်းနှီးမှာပေါ့'
နွေဦးအကြောင်းကိုမေးတော့ သူ့မျက်လုံးများ၌ ပ်ို၍အရောင်လက်သွားသည်။ သူက ပြုံးလ်ိုက်ပြီး
' နွေဦးနဲ့ ရင်းနှီးတာတော့ ရှစ်နှစ်လောက်ရှိပြီထင်တယ်။ ချိုလေးထက် သူ့က်ို အရင်ရင်းနှီးခဲ့တာပါ'
'ကဗျာချိုသေဆုံးမှုမှာ ခိုင်လုံတဲ့သက်သေမရှိပေမယ့် တရားခံကိုယ်တ်ိုင်က သူသတ်ပါတယ်လို့ ဝန်ခံထားတယ်။ ဒါပေမယ့် ဘာလို့သတ်ရတယ်၊ ဘယ်လိုအဖြစ်အပျက်တွေကြောင့် လူတစ်ယောက်ကိုသတ်ရတယ်ဆိုတာ သူ့ရှေ့နေဖြစ်တဲ့ ကျွန်မကို မပြောပြဘူးဖြစ်နေတယ်။ သူဘက်က ဘာမှမပြောပဲနဲ့ ကျွန်မသူ့ကို ကာကွယ်မပေးနိုင်ဘူး။ နွေဦးက သူ့အစ်မကို သူကိုယ်တိုင်သတ်မယ့်သူမျိုးလား။ သူက ဘယ်လိုလူမျိုးလဲ မသဇင်ဦးသိသလောက်ပြောပြပေးနိုင်မလား'
![](https://img.wattpad.com/cover/219473268-288-k69256.jpg)