الفصل السادس
بعد عودة الجميع إلى منازلهم نجد بطلتنا قد جلبت لأطفالها حلوي كل يوم وعند وصولها تجد طفلتاها يركضون اليها لتستغرب قليلا فليس من المعتاد ان لا تأتي طفلتها الثالثة لتدخل
نجلاء: السلام عليكم ورحمة الله وبركاته امال نوران فين يماما
لترد سما وملك: نوران تعبانة يماما
نجلاء: ماما مالها نوران هي فين و
لتقاطعها والدتها: يحبيبتي نوران كويسة متقلقيش هي بس حرارتها عالية انا اديت لها خافض للحرار وان شاء الله هتكون كويسة
نجلاء طيب انا هقوم اشوفها الأول وبعدين اطلع اغير واتوضي عشان اصلي
لتقبل الفتاتان وتذهب لرؤية طفلتها الثالثة
لتقبلها ولكنها تجد حرارتها مرتفعة كثيرا والعرق يملأ وجهها لتنتفض سريعا وهي تصرخ
نجلاء: ماما الحقيني يماما دي سخنة خالص وعرقانة ووشها أحمر لا انا هخدها اكشف عليها
الأم: طيب اهدي بس انا هخلي ببا يشوف عربية وناخدها نروح نكشف عليها متقلقيش ان شاء الله خير
لتري الطفلتان تقفان خائفتان لتذهب لهم تحتضنهم وهي تنادي
نجلاء: حياة
حياة: ايوة ينوجا عاوز حاجة
نجلاء: معلش يحياة خدي سما وملك معاكي فوق على ماجي
حياة: خلاص سيبيهم وقومي صلي على مالعربية بابا يحيبها وييجي وكلي لك لقمة
نجلاء: انا هقوم اصلي الاول بس مليش نفس للأكل
لتصلي فرضها وتعود لطفلتها المريضة لتأخذها بأحضانها وهي تبكي فهي لاتحتمل رؤية صغارها مرضي وبعد بضع دقائق يأتي والدها لأخذها لطبيب اطفال ليطمأنو عليها فيخبرهم الطبيب بما عندها ويعطيهم بعض الدواء
وبعد بعض الوقت يذهب
والدها
وأخيها لأداء صلاة المغرب وعند خروجهم يلتقون مع( الحاج سامي جد سما ونوران وملك
رجل في اواخر العقد السابع)
الأب فتحي: ازيك يابو سليم عامل ايه
الحاج سامي: بخير يأستاذ فتحي البنات عاملين ايه
الأب فتحي:والله الحمد لله كويسين
بس نوران هي اللي تعبانة شوية لسة جايين بها من عند الدكتور
الحاج سامي: بخوف حقيقي مالها عندها ايه
الأب فتحي:متقلقش يحاج هي الحمد لله بخير الدكتور طمنا وكتب لها علاج وان شاء الله تكون كويسة
الحاج سامي:طيب انا هاجي اطمن عليها
الأب فتحي:أكيد طبعا اتفضل
وعند وصولهم إلي المنزل
الأب فتحي:يا أم ياسين، ،نجلاء
الأم: ايوة نعم
الأب فتحي:جد البنات جاي يطمن عليهم امال نجلاء فين
الأم:وماله منور يحاج سامي
لتلتفت لترد على زوجها نجلاء بتجيب علاج نوران من الصيدلية وزمانها جاية
ليدخل الأطفال مسريعين نحو جدهم
هييييييه جدو سامي
سما:وحشتني يجدو
ملك :وانا تمان وحستني اتر منها(وانا كمان وحشتني اكتر منها)
ليأخذهم بأحضانه وهو يقول انتو وحشتوني اكتر فين نوران
الأم: نوران نايمة جوة
لتدخل نجلاء وتجد جد أطفالها لتذهب اليه وتقبل يده فهي كانت تعتبره كوالدها
نجلاء: ازيك يبابا عامل ايه وصحتك عاملة ايه
الحاج سامي:الحمد لله وهكون كويس لما البنات يرجعوا بيت ابوهم تاني
الأب فتحي:مش وقت الكلام دة دلوقتي يحاج سامي نجلاء:تعالى يابا سامي شوف نوران
لتنادي علي شقيقتها ...حياة معلش خلي ياسين يشوف حد يجي يدي لنوران الحقنة
حياة: حاضر
لتاخذه الي غرفة طفلتها
نجلاء: نوران حبيبتي قومي جدو سامي جاي يشوفك
نوران: لتنظر إلى جدها
الحاج سامي: الف سلامة عليكي يقلب جدك
نوران: انا زعلانة منك يجدو
الحاج سامي:ليه يحبيبتي بس
نوران: وبابا كمان زعلان منك يجدو
نجلاء: نوران حبيبتي ليه بتقولي كدة
نوران: بابا هو اللي قالي قولي لجدو سامي هو زعلان منه
لينقذهم دخول حياة وبجوارها فتاة ما
حياة: يماما نهي هتدي الحقنة لنوران
الأم:اتفضلي يبنتي
ليخرج الجميع ولم يبقي معها سوي والدتها
***********************************
