في الشركة عندما عادت لمكتبها كانت شاردة فهي لاتريد مشاكل مع أحد يكفيها ماهي فيه ولا تريد مايأثر علي صغارها لتلاحظ إيمان ان صديقتها عادت ولكنها متغيرة كثيرا عندما ذهبت
إيمان: مالك ينجلاء انتي جاية متغيرة ليه هو رأفت اتعرض لك تاني المرادي بقي انا اللي ههزقه وها
لتقاطعها نجلاء سريعا: لأ مش رأفت انا حتي مشفتهوش من اخر مرة كلمته فيها وقولت له يبعد عني
إيمان: امال مالك انتي كنتي كويسة وانتي رايحة تودي الملف ايه اللي حصل خلاكي جاية متغيرة كدة
نجلاء :وهي تنظر لها بنظرات قلقة وتحكي لها ماحدث بالتفصيل
لتستغرب إيمان كثيرا فمن يكون هذا الشخص ولما توعد لصديقتها هكذا فصديقتها محقة فهي لو كانت مكانها لفعلت المثل فكيف له ان يلمسها هكذا لتقلق على صديقتها ولكنها تطمئن قليلا لعلمها بأن مديرهم قد دافع عنها
نجلاء: لتلاحظ بعض الملفات الموضوعة على مكتبها
ملفات ايه دي يإيمي
إيمان: دي جاية من قسم الحسابات وقالوا هتتدخل الأرشيف
نجلاء باستغراب: ارشيف ايه يإيمان انتي
لتصمت وهي تقرر اخذ الملفات لمراجعتها اولا فيوجد امر مريب يحدث هي لديها شك في هذا
لتقول: إيمان الملفات دي انا هاخدها معايا عشان ارجعها الأول ولو حد سألك قولي انها في الأرشيف
اوعي حد يعرف اني خدتها مهما حصل
إيمان بقلق: فيه ايه خوفتيني هي الملفات دي فيها حاجة
نجلاء: لسة مش عارفة بس شاكة
نجلاء: المهم يلا خلينا نمشي انا استأذنت من احمد بيه وبعدين احنا لسة عندنا حاجات كتير لازم نعملها
قبل العريس مييجي يشوف برنسس إيمي
إيمان: طيب يلا
********************************
اما في بيت السيدة فاطمة فكانوا قد وصلو منذ قليل
فاطمة: يأهلا وسهلا البيت نور والله يأستاذ فتحي
بس مكنش له لازمة تتعبوا نفسكوا وتجيبو كل ده
الأب فتحي:منور بأهله يحاجة وبعدين دي حاجة بسيطة وعيب تقولي كدة يحاجة
فاطمة: وهي ترحب بالأبلة نجلاء وهي تقبلها منورانا يا أم ياسين
الأم:منور بيكي يحبيبتي ربنا يتم عليكم بخير
فاطمة: امال فين حبايب تيتا وحشوني اوي
حياة وهي تدخل من باب المنزل:يعني سألتي علي العيال وانا لأ اخص عليكي يفطوم زحلانة منك انا
ليضحك عليها الجميع
بينما يدخل الاطفال مسرعين لاحضانها فهي تحبهم كثيرا وكذلك هم يحبونها
سما:نوران: ملك:
تيتا فاطمة وحشتينا كتير
فاطمة: انتو كمان وحشتوني اكتر
نوران: انتي عارفة يتيتا انا مبسوطة كتير
الأم نجلاء: مبسوطة عشان خالتو إيمان هتتجوز
نوران: لأ يتيتا عشان بابا جاي النهاردة وهنشوفه هو قالي كدة وانا نايمة
فلم تجد ماتجيب الطفلة به فهم منذ اسبوع مضي وثلاثتهم يرددون هذا الأمر
سما: انا كمان شوفته يتيتا وقالي قولي لماما متزعلش
فاطمة بطيبة: حبايبي بابا بيحبكم وعشان كدة بيقولكم انه جاي ومعاكم على طول
