فصليتي واعذبهة

_البارت السابع والعشرون _

‏فلا تبخل علي بحُسنِ صوتٍ
يُميت تعاستي ويقرُّ عيني
ولا تبخل علي بسحرِ قولٍ
حلاوته تزيل الهم عني.
.
.
.
قراءة ممتعة 💕
#write:yaqeen.hassan
#فصليتي واعذبهة
.
.
.
.
نور : فهدد اني حامل

ميار : شلون الضربة واجتي على راسي حامل معقولة شلون هوة ضل صافن وهية جتي حضنتة بتسم من لا جارة بس فكرت بيهة مستحيل اني دارسة هذا الشي على الاقل خلي يمر سبوعين تلاثة مستحيل البارحة تزوجو ركضت تصيح الكل وهوة باوع علية باوعت بعيونة اريد اشوف ردة فعلة مشفت اي ذرة فرح صعد عمو ولاء وجدو وبيبي ماعرف شصعدهم

بيبي : اللهم صلي على محمد سبع وليدي سبع

ولاء : سبعيش ميصير يمة ميصير مستحيل تحبل

نور : ليش عمو عبالك اني مثل ميار

فهد : نووور لزمي لسانج

ولاء : لا مكلت هيج بس البنية المفروض تمر اسبوعين تلاثة مو ميار انت مو هم دارسة صيدلة

ميار : اي عمو بس خلي تفحص يجوز صدك

فهد : اني رايح اجيب جهاز الفحص.

ميار : طلع فهد وهاي طلعت وراه نزل جدو وبيبي بقة عمو ولاء

ولاء : والله يالله هوة البارحة عرسهم اليوم حامل والله هاي مخبلة اكص ايدي اذا صاحية

ميار : خليهة بفرحتهة شنسويلهة تريد تشوف شنو موقفي

ولاء : لتضوجين مستحيل تكون حامل

ميار : لا عمو نشالله تصير حامل على الاقل فهد يفرح

ولاء : بذمتج شفتي اي ذرة فرح بعيونة

ميار : لا

ولاء : راجعي نفسج ولا عبالج هوة فرح من تزوجهة

ميار : الله كريم

ولاء : سجاد مخابر

ميار : اي دك علي فهد وسدة بوجهة من كالة مستحيل ارجع

ولاء : والله تعبوني من جهة هذيجة ومن جهة هذا الزعطوط يربي شسوي

ميار : انتضر عمو خلي تهدء الاوضاع وبعدين نحلهة للسالفة

ولاء : شو راسج رجلج شلون صارت

ميار : احسن شوية

ولاء : كسرتي مواعينة كلهن هههههه

ميار : رح اشتري جديدات عود

ولاء : هاي اني هم من جنو اتعارك وية ام سجاد الله يرحمهة جنت اجي اكسر بلغراض والحجية بالماسحة تتلكاني هههههه

ميار : يلة ميخالف

ولاء : يلة ارتاحي ولتعيديهة بعد يروح يتخبل الولد

ميار : نشالله عمو هههه _ طلع وكعت دمعتي ليش دتبجين ميار مو هذا الردتي الة مو ردتيلة طفل يفرح بي هذا طفل بس اذا هسة مو حامل وكاعدة ابجي اذا صارت حامل شسوي كافي لا كافي بجي بعد مابجي كمت جبت قران وتوضيت وكعدت اقرة بصوت عالي مو هواي بس ينسمع بس بالغرفة فات فهد مبين عصبي من شافني هدا جنت متمددة وحاطة القران على اللحاف ماكدر الزمة لان ايدي تاذيني اجة مدد يمي شوية شوية خلة راسة بحضني وغمض عينة نصيت صوتي عبالي ررح ينام