فصليتي واعذبهة

_البارت التاسع عشر_

.
.
.
.
.
#write:yaqeen.hassan
#فصليتي واعذبهة
.
.
.
ميار : كعدت من الصبح الساعة بالسبعة اليوم الحنة مال سجاد صارت بسرعة سبوع ورة سبوع لان مريم عمهة مريض كلشش وعلى فراش الموت فخافو ان يموت ويتاجل العرس سنة كاملة لهذا صار بسرعة طبعا الحنة مال البنات رح تكون بالبيت مالتنة لان بيت مريم صغير والحنة مال سجاد رح تصير بالحديقة مال البيت كعدت لكيت فهد حاضني من خصري وراسة بركبتي نايم براحة خطية مديكعد طول هاي الفترة طبعا خاليا مر على زواجنة شهر كمت العب بشعرة ورموشة وحواجبة ولحيتة هوة عقچ وجهة بانزعاج

فهد : تعبان

ميار : اعرف حبيبي بس خليني اكوم حتى اساعد نور والبنات

فهد : مشتاقلج

ميار : اني هم والله بس ميخالف مبقة شي

فهد : اريد بوسة الصباح

ميار : زين كوم هسة وتحصلهة

فهد : اي حتى تفلتين موووو

ميار : لا والل....... وكالعادة جان اقوى مني وباسني لحد مختنكت _ يلة خلصت كوم

فهد : شرح تلبسين

ميار : ماكلك

فهد : حضري فساتين هواي لان الميعجبني اشكة والله

ميار : والله ازعل عليك وما ارضة بعد اني محضرة صارلي يومين وانت تجي تشكة

فهد : اغار عليها من ثيابها اذا لبستها فوق جسم منعم ليلي يا ليل ليلي الليل يااا ليل هههههههههههه

ميار : صوتك يخبل ليش متقدم ل The voice

فهد : متغارين علية من احلام اخاف تحضني

ميار : اي انت اذا رحت اكيد مرح تختار احلام

فهد : ليش اني احبهة

ميار : جذاب انت تحبني اني وبس

فهد : اي واحلام هم وياج

ميار : فهد لتعاركني من الصبح انت تحبني بس اني

فهد : يااا هاي خوش شغلة كلبج هوة لو كلبي

ميار : 🙁

فهد : لتبرطمين اشاقة انت الوحيدة بكلبي يا روحي انت

ميار : اهووو اليوم رح يجن بنات عمك اففف

فهد : اذا حجن وياج جاوبيهن معليج باحد عسة متصير بالنعل المهم تطلعين منتصرة من المعركة

ميار : فديت حبيبي اني

فهد : احبج ميار

ميار : اموت بيك ضابط حياتي _ كمت رحت بدلت ولبست شال ونزلت جانو توهم كاعدين فهد عندة عمام 4 ولاء وواحد اسمة حسين وواحد اسمة حامد وواحد اسمة عمار ووياهم ابوه وعمات 3 اللي اجوي البارحة عمة حامد وعائلتة وعمة عمار وعائلتة وعماتة 3 هنة وجهالن يعني البيت صار عباس فوك درباس ههههههه نزلت جوة والجهال كومة طبعا حاليا اني اعتبر ست البيت كلشي بركبتي اي احد يحتاج شي بس ميار بدينة بالشغل والغدة والتنضيف والجهال كلسع  موصخين نزل فهد بهيبتة وهذني بنات عمة اكلنة بالسلام الة شوية ويحضننة كبر درت وجهي اسوي الاكل وهوة اجة من وراي اخذ خيارة ونتجة كبالي على الكاونتر ويباوعلي ويغمز ويهز براسة  يعني شبيج قربت راسي يمة
_ رح اذبحك واذبحهن وارتاح واذبح روحي وراكم